Salmo 44
44
SALMO 44
T'asina Bo ta rechasá nos pueblo, SEÑOR?
Pa maestro di kanto. Di yunan di Korag. Un poema didáktiko.
1O Dios, ku nos mes orea nos a tende,
nos antepasadonan a konta nos di dje:
di loke Bo a laga sosodé den nan dianan,
ten di nan ten, ku bo propio man.
2Pa por a planta nán Bo a plama paganonan
i pa laga nan krese Bo a plèchè nashonnan.
3Pasobra no ta pa nan spada nan a haña e tera,
no ta nan brasa a duna nan viktoria,
sino bo man drechi, bo brasa, bo presensia radiante,#Deuteronomio 8:17-18; Yozue 24:12; Huesnan 7:2
pasobra nan a kai na bo grasia.
4Abo, mi Rei i mi Dios, Bo ta Esun
ku ta pone#44:4 Bo…pone: segun vershonnan antiguo; hebreo tin: pone Yakob gana viktoria;
5ku bo yudansa nos ta tumba esnan ku ataká nos,
den bo nòmber nos ta trapa esnan ku provoká nos.#Salmo 60:12
6Pasobra mi konfiansa no ta den mi flechanan,
no ta mi spada ta trese mi viktoria;
7Abo so a libra nos fo'i nos enemigunan,
Abo a brongosá esnan ku ke nos malu.
8Nos a duna gloria na Dios tur ora bai
i nos ke alabá bo nòmber sin fin.
9Ma awor B'a rechasá nos, pone nos na bèrgwensa,
Bo no ta sali mas na kabes di nos trupanan.#Salmonan 60:10; 108:11
10Bo a laga nos hui dilanti dje enemigunan,
nos atversarionan a hasi sakeo na nan smak.
11B'a entregá nos pa mata manera karné
i a plama nos meimei di pueblonan pagano.
12Bo a bende bo pueblo na preis di ganga,
e ganashi no a rende muchu pa Bo.
13Bo a hasi nos bira bofon di nos bisiñanan,
bochorno i insulto di tur hende rònt di nos.
14Bo ta pone nos na boka di pueblonan pagano,
Bo ta pone nashonnan traha kara pa nos.
15Henter dia mi tin mi deshonor mi dilanti,
mi por tapa mi kara di bèrgwensa
16ora mi tende nan ta chèrchè i insultá mi
i mi mira nan mirada di odio i vengansa.
17Tur e kosnan ei ta pasa nos i sinembargo
nos no a lubidá Bo ni a kibra bo Aliansa.
18Nos no a pensa nunka di bai bira lomba pa Bo,
nos pia no a kita for di bo kaminda.
19Tòg Bo a garna nos meimei di chakalnan
i Bo a laga nos atras den skuridat di mas teribel.
20Si akaso nos por a lubidá SEÑOR su nòmber
i por a hisa nos man na un otro dios,
21akaso Dios lo no a ripará esei?
E no sa sekretonan skondí den kurason?
22Pa bo kousa nan ta mata nos tur dia bai
i nan ta trata nos manera karné pa mata.#Romanonan 8:36
23Spièrta, Señor! Pakiko Bo ta drumi?
Lanta! No rechasá nos pa semper!
24Pakiko Bo ta skonde bo Kara pa nos,
pakiko lubidá nos mizeria i opreshon?
25Nos kurason a kai, at'é den stòf,
nos kurpa ta pega den tera.
26Lanta! Bin yuda nos,
salba nos pa motibu di bo amor!
Currently Selected:
Salmo 44: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
