Salmo 41
41
SALMO 41
Un orashon den tempu di malesa
Pa maestro di kanto. Salmo di David.
1Felis ta esun ku ta kòrda riba pobernan:#Proverbionan 14:21; Tobit 4:7-11
si kos ta malu p'e, Dios lo yud'é.
2SEÑOR ta ward'é, ta dun'é bida,
lo e ta felis den su pais;
ai, no laga enemigu hasi wega kuné!
3SEÑOR ta sosten'é riba su kama di malu
su enfermedat lo E kambia na salú.
4Mi di: ‘SEÑOR, ai tene piedat,
kura mi, maske mi a peka kontra Bo!
5Mi enemigunan ke pa kos bai malu ku mi:
“Ki dia lo e muri i l'e ta lubidá?” ’
6I si un bin mira mi, e ta papia ko'i trastu,
su kurason ta loko pa tende mal nobo;
pareu e sali pafó e ta plam'é riba kaya.
7Esnan ku ta odia mi ta kuchikuchi riba mi,
kosnan di mas malu nan ta pensa di mi:
8‘Un malesa mortal a kohe su kurpa,
drumí na kama asina e no ta lanta mas.’
9Asta mi amigu ku mi a duna mi konfiansa
i ku m'a parti mi pan kuné, a bira kontra mi.#Mateo 26:23; Marko 14:20; Lukas 22:21; Huan 13:18
10Ma Abo, SEÑOR, mustra mi kompashon,
lanta mi, anto e dia ei lo mi haña nan!
11Asina so lo mi sa ku Bo ta stima mi:
ku Bo n' ta laga mi enemigunan kanta viktoria!
12Ma ami, inosente, lo Bo sostené mi
i mantené mi pa semper dilanti di bo kara.
13Bendishoná sea SEÑOR, Dios di Israel,
den tur siglo di siglo. Amèn, sí, amèn!#Salmo 106:48
Currently Selected:
Salmo 41: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
