Salmo 30
30
SALMO 30
SEÑOR a kambia mi luto na baile
Salmo. Kantika na konsagrashon di tèmpel.#1 Reinan 18:12-46; 2 Krónikanan 6:1—7:10; Esdras 6:16; 1 Makabeonan 4:36 Di David.
1Mi ke alsa Bo, SEÑOR, ku a hala mi ariba,
Bo no a duna mi enemigunan gustu riba mi.
2SEÑOR, mi Dios, den mi ansha mi a sklama na Bo,
anto Bo a kura mi.
3Bo a lanta mi fo'i den reino di morto, SEÑOR.
Ya m'a haña mi den esnan ku ta baha den sepulkro,
pero Bo a duna mi bida nobo.
4Kanta pa SEÑOR, boso tur ku ta su fielnan,
alabá su nòmber santu:
5pasobra su rabia ta dura djis un ratu,
pero su kariño henter un bida largu.
Si yora anochi, mainta tin legria.#Isaías 54:7-8
6Sigur di mi mes mi a yega di bisa:
‘Ami no ta kai, nunka di mi bida!’
7Pero, SEÑOR, ta bo grasia
a planta mi riba e seru sólido.
Ma pareu Bo a skonde bo Kara,
mi a keda tolondrá.
8SEÑOR, mi a sklama na Bo,
mi a pidi Señor tene piedat:
9Kiko Bo ta gana si mi muri,
kiko si mi baha den sepulkro?
Ta stòf lo alabá Bo antó?
T'e lo proklamá bo fieldat?
10Tende, SEÑOR, tene piedat,
Abo sea mi yudansa, SEÑOR!
11Bo a kambia mi luto na balia,
Bo a kita mi paña di rou,
kaba Bo a bisti mi di fiesta.
12P'esei mi ta kanta salmo pa Bo
sin keda ketu nunka mas.
O SEÑOR, mi Dios,
mi ke alabá Bo pa semper.
Currently Selected:
Salmo 30: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
