Salmo 29
29
SALMO 29
Bos poderoso di SEÑOR den tormenta
Salmo di David.
1Duna SEÑOR, o yunan di Dios,#29:1 yunan di Dios; ta referí na: sernan selestial
duna SEÑOR su gloria i poder.
2Duna su nòmber e gloria debí,
ador'É den su realse sagrado.#29:2 den su realse sagrado; otro posibel tradukshon: den su korte bunita#1 Krónikanan 16:28-29; Salmo 96:7-9
3Ata bos di SEÑOR riba awa!
Dios glorioso ta laga bos lora.
SEÑOR ta zona riba awanan inmenso.
4Bos di SEÑOR ta poderoso,
bos di SEÑOR ta mahestuoso,
5bos di SEÑOR ta kibra palunan di seder,
SEÑOR ta kibra asta sedernan di Libanon.
6El a pone serunan di Libanon
belenkiá manera bisé
i Seru di Sirion manera yu di búfalo.
7Bos di SEÑOR ta kòrta kandela,
8bos di SEÑOR ta pone mondinan trose,
SEÑOR ta sakudí mondi di Kadesh.
9SEÑOR su bos ta sakudí pal'i ekel#29:9 ta…ekelnan: teksto probabel; hebreo tin: ta pone binánan wèrp
i ta ranka kaska fo'i tronkon.
Den su tèmpel tur ta grita: Gloria!#2 Samuel 22:8-17; Salmo 18:7-15; Habakuk 3:3-13; Sirag 43:16
10SEÑOR ta manda riba awanan inmenso,
E ta manda komo Rei pa semper.
11SEÑOR ta duna su pueblo fortalesa,
SEÑOR ta dun'é pas i bendishon.
Currently Selected:
Salmo 29: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
