Hoséas 3
3
Atrobe Hoséas su esposa
1SEÑOR a bisa mi: ‘Bai stima e muhé atrobe ku un otro hòmber ta stima i ku ta kometé adulterio. Pasobra asina e israelitanan, ku Ami, SEÑOR, ta stima, ta enfoká riba otro dios i ta adorá nan ku kuki di rasenchi.’ 2E ora ei mi a kumpr'é liber pa 15 moneda di plata i 330 liter di sebada 3i mi a bis'é: ‘Awor lo bo keda hopi tempu serka mi; lo bo no por ta infiel ni por drumi ku ningun hòmber. I ami lo ta fiel na bo.’#3:3 I ami…bo: tradukshon probabel; otro posibel tradukshon: I ami tampoko lo no drumi ku bo 4Pasobra e israelitanan lo keda hopi tempu sin rei i sin gobernante, sin sakrifisio i sin piedra sagrado, sin frèskòt saserdotal i sin dios di kas. 5Despues di esei e israelitanan lo kombertí. Nan lo enfoká riba SEÑOR i riba nan rei for di famia di David. Na fin di tempu nan lo akudí yen di rèspèt na SEÑOR i na e bondatnan ku E ta duna.
Currently Selected:
Hoséas 3: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013