Galatanan 6
6
Yuda otro ku nan karga
1Rumannan, si un hende hañ'é den gara di algu robes, boso ku ta biba di akuerdo ku Spiritu di Dios mester yud'é drecha su bida. Pero hasié ku kariño i wak bon pa niun di boso no kai den tentashon. 2Boso un yuda otro ku su karga i asin'ei boso ta kumpli ku lei di Kristu.
3Si un hende ta kere ku e ta mashá kos, pero en realidat e no ta nada, e ta gaña su mes. 4Kada un di boso mester husga su mes aktonan i si nan keda aprobá lo e por broma ku nan. Lo e no por broma si e kompará su mes ku otro hende. 5Pasobra kada ken ta responsabel pa su mes aktonan.
6Esun ku ta risibí instrukshon den palabra di Dios mester kompartí tur kos bon ku e ta poseé ku su instruktor.
7No gaña boso mes! Dios no ta laga niun hende hasi bofon di djE. Loke un hende sembra, e ta kosechá!#Proverbionan 22:8; Hoséas 8:7 8Es ku sembra den kunuku di su mal deseonan, lo kosechá destrukshon, ma es ku sembra den loke ta di Spiritu Santu, lo kosechá bida eterno. 9Laga nos no kansa di hasi loke ta bon#2 Tesalonisensenan 3:13 i si nos no deskurashá, na su debido tempu nos lo kosechá loke nos a sembra. 10P'esei antó, ki ora ku tin oportunidat, laga nos hasi bon pa tur hende, spesialmente pa nos rumannan den fe.
Atvertensia i kumindamentu
11Mira e lèternan grandi akí ku mi mes ta skibi boso! 12Tur esnan ku ta obligá boso risibí sirkunsishon, ta hasié djis pa keda bon ku hende i pa no sufri persekushon pa krus di Hesus. 13Pero ni esnan ku a risibí sirkunsishon mes no ta kumpli kompletamente ku Lei di Moises! Nan ke pa boso sí laga sirkunsidá boso, ya nan por broma ku nan a laga boso marka boso kurpa! 14Ami sí no ke broma ku nada otro ku no ta krus di nos Señor Hesu-Kristu. Pasobra pa motibu di loke El a hasi na krus, mundu a muri pa mi i ami ta morto pa mundu. 15Si un hende ta sirkunsidá òf nò, no tin niun balor; importante ta bira un kreashon nobo!#Huan 3:3-7; 2 Korintionan 5:17 16Pas i mizerikòrdia pa tur hende ku ta biba segun e regla akí, esta pa e Israel di Dios!#Salmonan 125:5; 128:6
17Finalmente, for di awor en adelante, mi no ke pa niun hende kousa mi problema, pasobra den mi kurpa mi ta karga e markanan di Kristu ku ta mustra ku mi ta su katibu.
18Rumannan, grasia di nos Señor Hesu-Kristu sea ku boso. Amèn!
Currently Selected:
Galatanan 6: BPK13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013