Galatanan 3

Esnan ku ta konfia den Lei di Moises i esnan ku ta kere den bon notisia

1Esta bobo boso ta, galatanan! Ta ken a blèndu boso asina? Anto mira kon mi a duna boso un deskripshon bon kla di Hesu-Kristu komo Esun krusifiká! 2Un kos so mi ke puntra boso: Boso a risibí Spiritu Santu dor di kumpli ku Lei di Moises òf dor di kere den e bon notisia ora boso a tend'é? 3Kon boso por ta bobo asina? Boso a kuminsá ku forsa di Spiritu Santu, anto awor boso ke perfekshoná boso mes dor di boso mes forsa? 4Ta pòrnada Spiritu Santu a laga boso eksperensiá hopi kos bon asina? Ohalá ku nò! 5Ta pakiko Dios ta duna boso Spiritu Santu i laga milager sosodé serka boso? Pasobra boso a kumpli ku Lei di Moises òf pasobra boso a kere den e bon notisia ora boso a tend'é?

6Tuma Abraham komo ehèmpel. El a kere Dios i Dios a asept'é komo hustu.#Génesis 15:6; 1 Makabeonan 2:52; Romanonan 4:3 7P'esei boso mester realisá ku ta esnan ku ta kere Dios ta desendiente di Abraham.#Romanonan 4:16 8Skritura a tene kuenta di antemano ku e echo ku Dios lo bai aseptá no hudiu pa medio di fe. Ta p'esei Skritura a anunsiá e bon notisia akí na Abraham di antemano: ‘Tur pueblo di mundu lo ta bendishoná pa medio di bo.’#Génesis 12:3; Sirag 44:21 9Asina antó, esnan ku kere lo ta bendishoná huntu ku Abraham, esun ku a kere Dios.

10Pasobra tur esnan ku ta konfia riba Lei di Moises pa haña salbashon ta maldishoná, ya ku Skritura ta bisa: ‘Maldishoná ta esun ku no ta kumpli fielmente ku tur loke ta den buki di Lei.’#Deuteronomio 27:26 11Ke men antó, ta bon kla ku Dios no ta aseptá niun hende, pa motibu ku e ta kumpli ku Lei, ya ku Skritura ta bisa: ‘E hende ku pa medio di fe ta hustu den bista di Dios, lo biba.’#Habakuk 2:4 12Pero serka Lei no ta fe ta importante, pero práktika di e mandamentunan, pasobra tin skibí: ‘Esun ku praktiká nan, lo biba dor di nan.’#Levítiko 18:5

13Kristu a reskatá nos di e maldishon ku Lei di Moises ta trese dor di bira un maldishon pa nos motibu. El a bira un maldishon, pasobra Skritura ta bisa: ‘Maldishoná ta tur esnan ku muri kologá na un palu.’#Deuteronomio 21:3 14Esaki a sosodé pa e bendishon ku Abraham a risibí alkansá esnan ku no ta hudiu tambe, pa medio di Kristu-Hesus. Asina nos tur, pa medio di fe, ta risibí Spiritu Santu ku Dios a primintí nos.

Lei no ta kita e promesa

15Rumannan, mi ta bai duna boso un komparashon for di bida diario. Ora un hende sera un kontrakt i pone su firma bou di dje, niun hende no por anul'é òf pone algu aserka. 16Wèl, Dios a hasi su promesanan na Abraham i su desendiente. Skritura no ta papia di desendientenan; tin skibí: ‘bo desendiente’,#3:16 bo desendiente: na hebreo e palabra ta un singular kolektivo, ke men por enfatisá ku ta mas ku un òf ta un so#Génesis 12:7 esta Kristu. 17Mi ke men lo siguiente: Dios ya a sera un aliansa ku Abraham i a primintí di keda fiel na e aliansa ei. P'esei Lei di Moises, ku a bini 430 aña despues,#Éksodo 12:40 no por a anulá e aliansa ei i kanselá e promesa ku Dios a hasi Abraham. 18Pues si e benefisionan ku Dios a primintí tabata dependé di Lei di Moises, nan lo no tabata dependé di e promesa.#Romanonan 4:14 Pero Dios a duna Abraham e benefisionan ei gratuitamente pa medio di e promesa.

19Pakiko Lei di Moises ta sirbi antó? El a bini pa hasi hende su desobediensia na Dios evidente; e tabata na vigor te ora esun ‘desendiente’ pa kende e promesa tabata destiná, a bini. Dios a duna Lei pa medio di angel i Moises a sirbi komo mediadó entre Dios i e pueblo. 20Pero no tin mester di un mediadó ora ta trata di un persona so i den e kaso akí Dios ta ún so!

21Ke men antó ku Lei di Moises ta bai kontra e promesanan di Dios? Apsolutamente ku nò! Pasobra si tabata asina ku Dios a duna Lei pa hende por haña bida, e ora ei enberdat ta pa medio di Lei Dios lo a aseptá hende komo hustu! 22Pero manera Skritura ta bisa: nos tur ta biba bou di dominio di piká, ya asina e promesa hasí pa Dios a base di fe den Hesu-Kristu,#3:22 a base…Hesu-Kristu; otro posibel tradukshon: a base di Hesu-Kristu su fieldat por konta pa esnan ku ta kere. 23Ántes, promé ku nos ku ta hudiu a bini na fe, Lei di Moises tabatin nos prezu, miéntras nos tabata warda riba revelashon di fieldat di Hesu-Kristu. 24Anto Lei tabata pa nos manera un yaya ku ta kuida mucha, te ora Kristu a bini pa Dios por a aseptá nos komo hustu pa medio di fe. 25Pero awor ku e bon notisia di salbashon pa medio di fe a bini, nos no ta bou di enkargo di e yaya ku yama Lei mas!

26Boso tur ta yu di Dios pa medio di fe den Kristu-Hesus, 27pasobra ora boso a uni ku Kristu pa medio di boutismo, boso a keda bistí ku Kristu. 28Awor no tin kuenta di hudiu òf no hudiu, katibu òf hende liber, hende hòmber òf hende muhé, pasobra boso tur ta ún dor di boso union ku Kristu-Hesus. 29I si boso ta pertenesé na Kristu, boso ta desendiente di Abraham i ta haña benefisio di e promesanan ku Dios a hasi Abraham.#Romanonan 4:13

Currently Selected:

Galatanan 3: BPK13

Highlight

Copy