Sirag 11
11
1Ta sabiduria ta hasi un hende pober noble
i dun'é un lugá di honor entre e grandinan di mundu.
II. Aparensia sa gaña hende
2No alabá niun hende pasobra e ta bunita
ni despresiá niun hende pasobra e ta mahos.
3Un abeha ta un animal chikí,
pero no tin nada mas dushi ku e miel ku e ta produsí!
4No kana prònk ku e pañanan ku bo ta bisti
ni bira vanidoso ora bo risibí honor.
Pasobra Señor ta hasi kosnan maravioso,
kosnan ku hende no por komprondé.
5Hopi mandatario mester a sinta abou na suela,
pero esun ku niun hende no a pensa
a hañ'é ta bisti korona.
6Hopi hende poderoso a kai den humiliashon grandi
i prominentenan a kai den man di hende ménos pudiente.
7Investigá promé bo kritiká;
pensa promé, husga despues.#Proverbionan 18:13
8No interumpí un hende na palabra;
skucha promé, kontestá despues.
9No pleita un kaso ku no ta toka bo
ni bai sinta huntu ku pekadónan riba stul di hues.
III. E arte di ta hende
10Mi yu, no mete den hopi kos.
Si bo ke hasi di mas,
bo no por kumpli sin keda debe.
Maske kon bo mata bo kurpa, bo no ta alkansá bo meta tòg,
i ora abo ke lag'é para, e n' ta laga bo bai.
11Tin hende ta lucha, traha i kore duru,
i ku esei ta solamente mas atras nan ta bai.
12Tin tambe ku ta pokopoko i ademas ta den nesesidat,
pober na forsa i riku na pobresa,
pero Señor ta mir'é ku bon wowo,
sak'é for di su situashon mizerabel
13i dun'é prestigio pa asombro di tur hende.
14Ta di Señor bon i malu,
bida i morto, pobresa i rikesa ta bini.#11:14 Hebreo i algun manuskrito griego ta añadí: 15 Sabiduria, konosementu i komprondementu di Lei ta bini di Señor, amor i bon obra tambe ta bini di djE. 16 Eror i skuridat for di prinsipio ta huntu ku pekadó; esun ku stima maldat ta bira bieu pareu kuné.#1 Samuel 2:7; Job 1:21; Isaías 45:7
17Loke Señor duna esun ku respet'É ta duradero;
su grasia ta duna prosperidat permanente.
18Ma tin tambe ta spar na un manera pichiri pa bira riku,
anto kiko ta nan rekompensa?
19Nan ta bisa: ‘Ya mi por sosegá;
mi ta bai gosa di mi biennan.’
Pero nan no sa kuantu tempu lo dura
promé nan muri i laga tur kos pa otro hende.#Salmo 49:10; Lukas 12:16-21
20Kumpli ku bo deber, okupá bo ku esei;
bo tin basta trabou te na bo behes.
21No sinta wak kiko pekadó ta hasi;
konfia den Señor i perseverá den bo tarea,
pasobra pa Señor ta fásil
laga un hende pober bira riku den un ratu di ora.
22Bendishon di Señor ta rekompensa di e hustu,
den un frega 'i wowo E ta laga su bendishon floresé.
23No bisa: ‘Kiko mas mi mester?
Ki bien mas mi falta ainda?’
24No bisa: ‘Mi no ta dependé di ningun hende;
kiko malu lo por pasa mi ainda?’#Sirag 5:1; Lukas 12:15-21
25Den prosperidat bo ta lubidá riba kontratempu,
den kontratempu bo no ta kòrda mas riba prosperidat.
26Pa Dios ta fásil pa duna hende ora e muri
loke el a meresé pa su komportashon.
27Ún mal ratu ta pone hende lubidá su ‘dushi bida’,
fin di hende ta saka loke el a hasi na kla.
28P'esei no yama niun hende felis promé ku e muri;
ta e ora ei numa ta sa kon e tabata.#11:28 Segun hebreo; griego tin: Kon un hende tabata, bo ta mira na su yunan.
HASI TUR KOS NA MIDÍ
Hospitalidat
29No trese tur hende bo kas,
pasobra ora ta un gañadó, e por kohe bo bon kabes abou.
30E ta manera un para tentadó inosente den su kouchi,
pero ku mal kurason;
meskos ku un spiòn e ta buska e plèkinan mas débil den muraya.
31E ta kambia bon den malu, e kalumniadó;
asta e kos mas bon e sa kon lag'é parse algu malu.
32Un solo chispa por sende un kandela grandi;#Hakobo 3:5
un kalumniadó ke mira sanger.
33Keda leu for di un malbado, pasobra e ta pensa maldat:
e por mancha bo nòmber pa semper.
34Hinka un hende straño den bo kas;
i den un ratu di ora tur kos ta aríbabou,
i bo no ta rekonosé bo mes.
Currently Selected:
Sirag 11: PBDC13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013