Salmo 5
5
SALMO 5
SEÑOR ta protegé mi
Pa maestro di kanto. Ku kompañamentu di flùit. Salmo di David.
1Skucha mi palabranan, SEÑOR,
hasi kaso di mi keho.
2Paga tinu na mi gritu di ousilio,
Abo, mi Rei i mi Dios:
pèrmití mi resa na Bo.
3SEÑOR, mainta Bo ta tende mi bos;
pareu di dia habri
mi ta presentá Bo mi kaso
i mi ta warda bo kontesta.
4Bo n' ta un Dios ku gusta nada malu,
Bo n' ke maldat den bo presensia.
5Bo bista no ke mira arogansia,
Bo ta odia malechornan.
6Esnan ku ta saka mentira,
Bo ta kaba ku nan.
SEÑOR tin asko di hende violento
i di tur gañadó.
7Ma pa bo gran bondat ami sí
por drenta bo kas;
mi por baha kabes pa bo tèmpel
i adorá Bo ku rèspèt.
8SEÑOR, Bo ta hustu: guia mi
meimei di tantu enemigu;
habri bo kaminda pa mi.
9Tur palabra fo'i nan boka ta falsu,
nan paden ta korumpí;
nan garganta ta un graf habrí,
nan ta blo lembe hasi trastu.#Romanonan 3:13
10Laga nan paga, o Dios, pa nan maldat
i trompeká riba nan plannan.
Nan krímennan ta hopi: kai aden!
Ta kontra Bo nan ta lanta!
11Esun ku skonde serka Bo ta kontentu,
lo kanta semper ku alegria.
Sí, protegé nan pa nan kanta bo gloria,
nan ku ta stima bo nòmber
i ku lo gosa pa bo via.
12SEÑOR, Bo ta duna bendishon
na esun ku ta hustu;
Bo ta rondon'é ku kariño
manera ku un eskudo.
Currently Selected:
Salmo 5: PBDC13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
