Salmo 3

SALMO 3

SEÑOR ta ku mi

Salmo di David. Ora e mester a hui pa su yu Absalon.#2 Samuel 15:13—17:22

1SEÑOR, kuantu opresor mi tin,

hopi a lanta kontra mi!

2Kuantu tin ku a bisa mi:

‘P'e lo no tin salbashon serka Dios!’#3:2 E teksto hebreo ta añadí aki e palabra selah, kual su nifikashon ta dudoso. Kisas e ta un indikashon musikal òf litúrgiko, òf e por nifiká pousa, repetishon òf kambio di stèm. E palabra selah ta okurí hopi be den salmonan, pero debí na su nifikashon dudoso e edishon akí ta laga e palabra afó.

3Ma Abo, SEÑOR, mi eskudo i protekshon,

mi gloria, Bo ta hisa mi kara!

4Si mi sklama na SEÑOR ku bos altu,

E ta skucha mi fo'i su seru sagrado.

5Mi por kai drumi, pega soño i bolbe spièrta:

SEÑOR ta duna mi su sosten.#Salmo 4:8; Proverbionan 3:24

6Mi no tin miedu ni di dies mil enemigu

ku sera nan fila rònt di mi.

7Lanta, SEÑOR! Salba mi, mi Dios!

Bo ta bòfta tur mi enemigunan,

Bo ta kibra djente di mal hende.

8Viktoria ta bini di SEÑOR.