Salmo 2
2
SALMO 2
Dios i su rei skohí
1Di kon nashonnan ta rebelde
i pueblonan ta kònkel sin motibu?
2Reinan di mundu ta lanta,
gobernantenan ta sera kòmplòt
kontra SEÑOR i Esun Ungí:#Echonan 4:25-26
3‘Laga nos ban kibra nan kadenanan,
ban libra nos kurpa di nan frenanan!’
4Riba su trono den shelu Dios ta hari,
sí, Señor ta hasi mofa di nan!#Salmo 59:8
5Kaba E ta papia ku nan den su rabia,
ta yena nan ku sustu den su furia:
6‘T'Ami a nombra mi rei
riba Sion, mi seru sagrado.’
7Mi ke papia dje dekreto di SEÑOR.
E di ku mi: ‘Bo ta mi yu;
awe M'a duna bo bida.#Echonan 13:33; Hebreonan 1:5; 5:5
8Pidi Mi numa i lo Mi duna bo
nashonnan pa bo manda riba dje,
delaster un skina di mundu lo ta di bo.
9Bo por plèchè nan ku bara di heru,
bo por garna nan manera un poron.’#Revelashon 2:26-27; 12:5; 19:15
10P'esei, reinan, usa kabes,
pensa bon, gobernantenan di mundu!
11-12Sirbi SEÑOR ku temor,
tembla i sunchi su pia,#2:11-12 tembla…pia: tradukshon probabel; hebreo no ta kla
p'E no rabia i boso muri na kaminda,
pasobra E ta rabia lihé!
Felis t'esnan ku ta konfia den djE!
Currently Selected:
Salmo 2: PBDC13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
