Proverbionan 31
31
1Palabranan di Rei Lemuel. Palabranan di Dios, ku kual su mama a koregié: 2Skucha, mi yu, fruta di mi entraña, kontesta di Dios riba mi rogamentunan. 3No gasta sèn ni energia ku muhé. Muhénan a pone hopi rei bai pèrdí. 4Tampoko n' ta pas pa un rei entregá su mes na bibida stèrki, Lemuel. Un lider no mester bebe fuma. 5Pa bo no bebe, lubidá loke lei ta bisa i kita derecho di tur esnan ku ta oprimí. 6Duna bibida i biña na esnan ku ta serka di muri, na esnan ku ta tristu. 7E ora ei e por lubidá su pobresa i su wòrinan un ratu, un ratu e n' tin mester di pensa riba nan. 8Lanta bo bos pa esnan ku no tin bos; defendé esnan sin defensa! 9Habri boka i husga honestamente; defendé derecho di hende pober i di esnan den nesesidat.
Un bon esposa
10Un bon esposa no ta fásil pa haña.
E bal mas ku piedra presioso.
11Su esposo tin pleno konfiansa den dje,
i lo pasa bon serka dje.
12Henter su bida e ta hasi loke ta kumbiní su esposo,
no loke no ta kumbinié.
13E ta perkurá p'e tin lana i material pa traha lenen.
I ta hasi su trabou ku plaser.
14Meskos ku un barku ta bai buska merkansia na paisnan leu,
asina e ta sali bai buska kuminda.
15E ta lanta mardugá pa duna su famia di kome
i pa duna su kriánan e parti ku ta toka nan.
16Si e mira un pida tereno ku ta kumbinié e ta kumpr'é
i ku su mes sèn e ta planta un kunuku di wendrùif.
17E ta faha su kurpa
i ku ánimo e ta kuminsá traha.
18E ta ripará ku su negoshi ta floresé:
su lamp'i kas ta keda sendé te lat.
19Su mannan nunka no ta sosegá,
semper e ta trahando hilu òf tela.
20E ta kla pa yuda pobernan
i dispuesto pa duna esnan den nesesidat un man.
21Den temp'i friu e n' tin miedu,
pasobra e sa ku su famia ta protegé ku pañ'i friu.
22E mes ta traha tapeit
i ta bisti paña karu.
23Su kasá ta respetá den pueblo,
i ta reuní ku esnan di mas edat na entrada di siudat.
24E ta traha paña di lenen i faha bòrdá
i bende nan ku komersiantenan.
25E ta bisti karu i elegante,
e n' ta preokupá pa dia di mañan.
26E ta papia ku sabiduria
i duna su instrukshonnan na un manera amabel.
27E ta wak pa tur kos bai bon den su kas
i nunka e n' ta sinta pòrnada.
28Su yunan i su kasá ta gab'é.
Nan ta bisa:
29‘Tin hopi mama bon,
pero niun no por igualá bo.’
30Aparensia ta gaña hende, i beyesa ta pa un tempu,
pero felis e muhé ku ta teme Dios.
31Henter pueblo ta dun'é honor
pa tur loke el a hasi.#Sirag 26:1-4
Currently Selected:
Proverbionan 31: PBDC13
Highlight
Share
Copy
Want to have your highlights saved across all your devices? Sign up or sign in
Papiamentu Bible with DC © Bible Society in Netherlands Antilles and Aruba, 2012, 2013
