Tononkira dia Tononkira 6

Antoko-mpihira

1Lasa nankaiza ny malalanao,

ry tsara tarehy indrindra amin’ny vehivavy?

Nitodika nankaiza ny malalanao,

hiarahanay aminao hitady azy?

Ampakarina

2Lasa nidina any an-tanimboliny ny malalako,

dia any an-kisahasahan-kazo mitete dity manitra,

hiandry ondry any an-tanimboliny,

sy hioty lisy any.

3An’ny malalako aho, ary ahy ny malalako;

miandry ny ondriny any amin’ny lisy izy.

TONONKALO FAHADIMY

Mpampakatra

4Ry malala, tsara tarehy tahaka an’i Tirsà ianao;

ary mahafinaritra tahaka an’i Jerosalema,

fa mahatahotra tahaka ny antoko-miaramila#6,4-9 Fiderana ny ampakarina ataon’ny mpampakatra..

5Avilio tsy hijery ahy ny masonao

fa mampitebiteby ny foko.

Ny volonao tahaka ny andian’osy

miantsampitsampy eny ankisolosolon-tendrombohitr’i Galaada.

6Ny nifinao tahaka ny andian’ondry,

miakatra avy any amin’ny fampandroana;

samy manana anaka kambana;

ary tsy misy bada izy ireo na dia iray aza.

7Ny takolakao tahaka ny voan’ampongabendanitra misasaka

alokalofan’ny voalinao.

8Misy mpanjaka vavy enimpolo, vaditsindrano valopolo,

ary zatovo vavy tsy hita isa:

9fa iray monja no voromahailalako, ahy tsy misy pentina;

vavy tokan’ny reniny,

zokim-pitian’ilay nahitany masoandro.

Ireo zatovo vavy nahita azy, niantso azy hoe: Sambatra;

ireo mpanjaka vavy amam-baditsindrano nahita azy dia nidera azy:

10Iza moa ity vehivavy, miposaka toy ny mazava atsinanana

tsara tahaka ny volana, madio toy ny masoandro,

fa mahatahotra tahaka ny antoko-miaramila#6,10 Mahatahotra toy ny antoko-miaramila, na hoe, toy ny mpiady.?

11Nidina tany an-tsahan’ny noaie aho

hizaha ny ahitra eny an-dohasaha,

hizaha raha mitsimoka ny voaloboka#6,11 Hizaha raha mitsimoka ny voaloboka. Mazàna ary saika mandrakariva dia amin’ny lohataona no anaovana ny fampakaram-bady any amin’izany tany izany, ka amin’izay indrindra ny zava-maniry no mitsimoka sy mamòny ary mamoaka fofona manitra.,

raha mamòny ny ampongabendanitra.

12Tsy fantatro, fa nentin’ny fitiavako aho niakatra

nitaingina ny kalesin’ny vahoakako be voninahitra.

Currently Selected:

Tononkira dia Tononkira 6: MBC

Highlight

Copy