Jeremia 7
7
2. TENIN’ANDRIAMANITRA, INDRINDRA TAMIN’NY ANDRON’I JÔAKIMA
Ny tena fivavahana marina
a) Famelezana ny Tempoly
(Jereo Jer 26,1-19)
1Izao no teny nataon’i Jeremia, tamin’ny anaran’i Iaveh, dia toy izao: 2Mitsangàna eo am-bavahadin’ny tranon’i Iaveh#7,2 Mitsangàna eo am-bavahadin’ny tranon’i Iaveh. Ny vavahadin’ny kianja eo ivelany no toa voalaza eto., ka eo no torio izao teny izao, ataovy hoe:
«Mihainoa ny tenin’i Iaveh, ianareo rehetra
lehilahy amin’i Jodà,
izay miditra amin’ireto vavahady ireto, hivavaka amin’i Iaveh.
3Izao no lazain’i Iavehn’ny tafika, Andriamanitr’i Israely:
Ahitsio ny lalanareo aman’asanareo,
dia hamponeniko amin’ity tany ity ianareo.
4Aza matoky ny teny laingan-dry zareo manao hoe:
Ity no tempolin’i Iaveh#7,4 Ity no Tempolin’i Iaveh: Natoky foana ny sasany amin’ny hoe: Tempolin’i Iaveh ity, ka tsy hilaozan’i Iaveh.,
Tempolin’i Iaveh, Tempolin’i Iaveh!
5Fa raha ahitsinareo ny lalanareo aman’asanareo;
raha tsarainareo marina
ny adin’ny olona amin’ny namany,#7,5-7 Na ny tempoly na ny sorona dia tsy misy hasiny akory raha tsy tandremana ny fahamarinana.
6raha tsy ampahorînareo ny vahiny,
sy ny kamboty ama-mpitondratena;
ary tsy mandatsa-dra marina amin’ity tany ity ianareo,
na manaraka andriamani-kafa,
hampidi-doza aminareo,
7dia hamponeniko amin’ity tany ity ianareo;
amin’ny tany efa nomeko ny razanareo
hatramin’ny andro taloha ka hatramin’ny mandrakizay.
8Kanefa ny itokianareo dia teny lainga,
tsy mahasoa anareo velively akory!
9Aiza ka dia avy mandainga, mamono olona, maka vadin’olona,
mianian-tsy tò, manemboka an’i Baala#7,9 Baala: filohan’ny andriamani-dahy.,
ary manaraka andriamani-kafa
tsy fantatrareo ianareo!
10dia tonga, dia miseho eto anatrehako indray,
eto amin’ity trano iantsoana ny Anarako ity,
ka manao hoe: ‹Ho afaka isika#7,10 Ho afaka isika: Izany hoe, tsy maintsy ho afaka isika; satria efa nanompo ny andriamanitra vahiny, ary efa nanao toe-piainan’ny Jentily ireo (jereo 1Mak 1,12).!›
Ary ny mba hanao izany fahavetavetana rehetra izany no anton’izany.
11Moa zohy fieren’ny#7,11 Moa zohy fierin’ny, sns. I Jesoa Kristy dia nanome tsiny ny Jody tahaka izany koa, tamin’ny androny (Mt 21,13; Mk 11,17; Lk 19,46). mpangalatra eo imasonareo va,
ity trano iantsoana ny Anarako ity?
Izaho koa mba nahita izany, - teny marin’i Iaveh. -
12Mandehana mankany amin’ilay nitoerako any Silô#7,12 Silô, tanàna ao amin’ny zaratanin’i Efraima izay nametrahana ny fiaran’Andriamanitra sy ny tabernakla nandritra ny fotoana maro. Ny fiaran’Andriamanitra dia tao hatramin’ny andron’i Jôsoe ka hatramin’i Helia mpisorona lehibe; nefa izany tombon-tsoa nananan’i Silô izany dia tsy naharo azy tamin’ilay fandravana, izay efa nadiva ho tanteraka tamin’ny andron’i Jeremia (Jôs 18,1; 1Sam 1,13–6,3; Sal 78,60 sy ny manaraka).,
izay namponenako ny Anarako fahiny,
ka zahao ny nanaovako azy,
noho ny haratsian’i Israely vahoakako.
13Ary ankehitriny rehefa nanatanteraka izany rehetra izany ianareo,
- teny marin’i Iaveh, - ary rehefa niteny taminareo Aho,
fa niteny taminareo hatry ny vao maraina Aho,
nefa tsy nohenoinareo,
ary niantso anareo Aho, nefa tsy novalianareo,
14dia ataoko amin’ity trano ity izay niantsoana ny Anarako,
izay ametrahanareo ny fitokianareo,
dia ity fitoerana izay efa nomeko anareo sy ny zanakareo,
izay nataoko tamin’i Silô;
15ka hoesoriko eo anatrehako ianareo,
toy ny nanesorako ny rahalahinareo rehetra,
dia ny taranak’i Efraima rehetra#7,15 Taranak’i Efraima rehetra: Tamin’ny fokon’ny Israelita folo, dia ny fokon’i Efraima no loha laharana..»
b) Ireo andriamani-kafa
16«Ary ianao aza mifona ho an’ity vahoaka ity;
aza manandratra fitarainana na fivavahana ho azy,
ary aza miambezo amiko,
fa tsy hihaino anao Aho.
17Tsy hitanao va ny ataon’izy ireo, eny an-tanànan’i Jodà,
sy eny an-dalamben’i Jerosalema?
18Ny zanaka manangon-kitay;
ny ray mandrehitra afo;
ny vehivavy mametafeta koba,
hanaovana mofo ho an’ny mpanjaka vavin’ny lanitra#7,18 Mpanjaka vavin’ny lanitra: I Astarte fenisianina sy i Istara asirianina izay noheverin’izy ireo ho andriamaniny, ka ny mofo izay atolotra azy dia atao boribory sahala amin’ny volana, ary fisaka sahala amin’ny ampempa mangahazo.,
sy hanidina fanatitra araraka ho an’andriamani-kafa,
mba haniratsirana Ahy.
19Moa Izaho va no tsiratsirainy, - teny marin’i Iaveh, -
fa tsy ny tenany ihany, ka tsy maintsy hangaihay tava izy amin’izany?»
20Koa izao no lazain’i Iaveh Tompo:
«Indro haidina amin’ity tany ity, ny hatezerako
amam-pahavinirako,
dia amin’ny olona sy ny biby,
amin’ny hazo eny an-tsaha sy ny vokatry ny tany;
ary hirehitra izany, ka tsy ho faty.»
d) Fivavahana, nefa ivadihana
21Izao no lazain’i Iavehn’ny tafika, Andriamanitr’i Israely:
«Anampio ny soronareo ny sorona doranareo
ka hano ny henan’izany;
22fa tsy misy nolazaiko tamin’ny razanareo,
na nandidiako azy ireo,
tamin’ny andro nitondrako azy nivoaka avy any amin’ny tany Ejipta,
ny amin’ny sorona dorana sy ny sorona.
23Fa ny amin’ny didy nomeko azy ireo, dia izao no nolazaiko taminy:
Mihainoa ny feoko;
ary Izaho no Andriamanitrareo,
ary ianareo no vahoakako;
mizora amin’ny lalana rehetra handidiako anareo,
mba ho sambatra ianareo.»
24Kanefa izy ireo tsy nihaino na nanongilan-tsofina,
fa nandeha araka ny saim-pantany,
nanaraka ny hamafin’ny fo ratsiny;
nihemotra izy fa tsy nandroso.
25Hatramin’ny andro nivoahan’ny razanareo
tany Ejipta, ka mandrak’androany,
dia naniraka ny mpaminany mpanompoko rehetra ho any aminareo aho,
naniraka azy vao maraina isan’andro aho;
26kanefa izy ireo tsy nihaino Ahy,
tsy nanongilan-tsofina;
fa nanamafy ny hatony,
nanao ratsy mihoatra noho ny razany aza.
27Holazainao aminy izany rehetra izany, nefa tsy hihaino anao izy;
hiantsoantso azy ireo ianao, nefa tsy hamaly anao izy.
28Ka dia izao no holazaiko azy ireo:
«Ity no firenena tsy nihaino ny feon’i Iaveh Andriamaniny,
sady tsy nety nino anatra;
very ny fahamarinana, fa tsy eo am-bavany intsony.»
e) Fanompoan-tsampy indray; sesitany ho avy
29Harato ny volonao#7,29 Harato ny volonao. Araka ny fomban’ny Jody ny volo haratana dia mariky ny fisaonana., dia ario;
ka miventesa hira fisaonana eny amin’ny havoana,
satria nakifik’i Iaveh sy nolaviny,
ny taranaka mahatezitra azy.
30Fa nanao izay ratsy imasoko ny taranak’i Jodà,
- teny marin’i Iaveh, -
nametraka ny fahavetavetany#7,30 Ny fahavetavetany: Ny sarin’ny andriamanitra tsizy.
eo amin’ny trano fiantsoana ny Anarako
mba handotoany azy;
31ary nanorina ireo fitoerana avo any Tôfeta,
amin’ny lohasahan’ny zanak’i Hinôma#7,31 Tôfeta, lohasahan’ny zanak’i Hinôma: Dia samy ao atsimon’i Jerosalema. Tao Tôfeta, dia nisy hazo sy tempoly izay nohamasinina ho an’i Môlôka andriamanitra sampy. Ny foiben’ny fivavahana amin’izany, dia ny mametraka vanto-jaza eo amin’ny sary vin’io andriamanitra io, izay nohafanaina tamin’ny afo mba ho mena mivaivay; ka mba tsy handrenesana ny fikiakiak’ireo atao sorona, dia misy mpisorona izay mihinjaka mandihy sady manao hira midradradradra.,
handoroany amin’ny afo ny zanany lahy aman-janany vavy;
nefa zavatra tsy mba nodidiako izany,
na mba noheverin’ny saiko akory.
32Noho izany, indro tamy ny andro, - teny marin’i Iaveh, -
izay tsy hanaovana hoe Tofeta
na lohasahan’ny zanak’i Hinôma intsony,
fa hoe «Lohasaha famonoana» kosa,
ary any Tofeta aza no handevenana, noho ny hateren’ny tany!
33Ka ny fatin’ity firenena ity
dia hohanin’ny voromanidina sy ny bibin’ny tany,
ary tsy hisy handroaka ireny akory.
34Hataoko mitsahatra eo an-tanànan’i Jodà,
sy eny an-dalamben’i Jerosalema
ny feo fifaliana sy ny feo firavoravoana,
ny hiran’ny mpampakatra sy ny ampakarina;
fa hanjary efitra ny tany.
Currently Selected:
Jeremia 7: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
