Izaia 46
46
Hirodana i Bela
1Mirodana i Bela#46,1 I Bela, na Belosa, dia mpanjaka voalohany tany Babilôna, izay natsangan’izy ireo ho isan’ny andriamanitra ivavahana, ka eo ambonin’ny fasany, dia nananganany tempoly kanto., miletsy i Nebô#46,1 I Nebô, dia andriamanitra tompoin’ny Babilônianina koa. Nalain’i Sirosa ny sarin’izy ireo ka nopotipotehiny, ary ny volamena sy ny volafotsy taminy dia nanaovany zavatra hafa.;
ataingina eo ambony biby, eo ambony biby mpitondra entana#46,1 Entana: Ny sampy dia nolazaina hoe, entana; satria ny mpisorona no mitondra azy amim-pireharehana (jereo and faha-7). ny sariny.
Ireo sampy izay nentinao dia ataingina
toy ny entana mavesatra, eo ambony biby sasatra.
2Miletsy izy ireo, miara-mirodana izy;
tsy nahavonjy ny entana izy;
lasan-ko babo mbamin’ny tenany aza.
3«Mihainoa ahy, ry taranak’i Jakôba,
mbaminareo sisa rehetra amin’ny taranak’i Israely;
ianareo izay nataoko an-tsangory hatry ny fony vao teraka,
nentiko hatrany an-kibon-dreninareo.
4Tsy hiova Aho hatramin’ny fahanteranareo,
fa hanohana anareo mandra-pahafotsy volo anareo.
Efa nanao izany Aho, ka mbola hitondra anareo;
hanohana anareo sy hanafaka anareo.»
Tsy misy mitovy amin’i Iaveh
5Hampitahainareo amin’iza Aho, ary ataonareo sahala amin’iza?
Hampitahafinareo amin’iza Aho ka hitovy izahay?
6Izy ireo dia maka volamena ao an-kitapony,
mandanja volafotsy amin’ny mizàna,
ary manakarama mpanao anidina, hanao andriamanitra amin’izany,
dia miankohoka sy mivavaka.
7Lanjainy io, tohanany,
dia lasa izy ireo mametraka azy eo amin’ny fitoerany;
ka mitsatoka eo, tsy mihetsika amin’ny fitoerany izy.
Na dia misy miantso azy aza tsy mamaly izy,
na mahavonjy olona ho afaka amin’ny fahoriany.
I Iaveh no tompon’ny ho avy
8Mihevera izany, ary misehoa ho lehilahy;
ampoizy izany, ry mpiodina;
9tsarovinareo ny zavatra lasa, tamin’ny andro taloha.
eny, Izaho dia Andriamanitra, ary tsy misy hafa.
10Andriamanitra Aho, ary tsy misy mitovy amiko,
Izaho no manambara ny farany, hatramin’ny voalohany,
sy ny mbola tsy eo akory, hatrarỳ aloha ela;
Izaho izay manao hoe: Ho tò ny fikasako,
ary hoefaiko ny sitrapoko rehetra;
11izay miantso ilay voromahery#46,11 Ilay voromahery: I Sirosa izay ho tonga haingana dia haingana sahala amin’ny fanidin’ny vorona, no lazaina amin’izany. Oharina amin’ny voromahery izy, izay nandatsaka sabatra avy any ambony sady nanana elatra nivelatra mba ho famantarana ny fanatrehan’ny tafika. - Ampitahao amin’izany, Jer 49,22 sy Ezek 17, - na Nabokodonozora no noharina amin’ny voromahery. avy any Atsinanana,
dia ilay lehilahy araka ny hevitro avy any an-tany lavitra.
Efa niteny Aho, ka hanatanteraka!
Efa nikasa Aho, ka hanefa izany!
12Mihainoa ahy, ianareo olona madî-po,
izay lavitry ny fahamarinana.
13Ampanakaikeziko ny fahamarinako, ka tsy lavitra izy;
ary ny famonjeko#46,13 Ny famonjeko, izay tsy maintsy omeko. Izany famonjena izany, dia ny Mesia ka i Sirosa no tandindony. tsy ho ela;
hanome famonjena an’i Siôna#46,13 I Siôna: Manambara ny Eglizy ho an’ny olo-marina rehetra na Jody na Jentily. Aho,
sy ny voninahitro ho an’i Israely.
Currently Selected:
Izaia 46: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
