Izaia 45
45
Tenin’Andriamanitra manasoa an’i Sirosy
(Jereo Iz 41,1-5)
1Izao no lazain’i Iaveh, amin’ilay voahosony#45,1 Ilay voahosony: Izany hoe ny mpanjaka. Tsy dia hita porofo mazava loatra fa nohosorana ny mpanjakan’i Persa; - fa ny lazain’i Izaia mpaminany eto, dia ny nifidianan’Andriamanitra an’i Sirosa sy nanomezany hery hahavitany ny raharaha nanendreny azy., amin’i Sirosy,
izay notantanako tamin’ny tanany havanana,
mba handavo ny firenena rehetra eo anatrehany,
sy hamaha ny fehikibon’ireo#45,1 Hamaha ny fehikibo: Izany hoe hanongana azy. mpanjaka,
ary hamoha ny varavarana eo anoloany,
mba tsy ho voasakana tsy hiditra amin’ireny izy:
2«Izaho handeha eo alohanao,
handravona ny lalana mikitoantoana,
hanorotoro ny vavahady varahina,
ary hanapatapaka ny hidy vy.
3Homeko anao ny rakitra miafina, sy ny harena voalevona,
mba hahafantaranao fa Izaho no Iaveh,
Andriamanitr’i Israely, izay niantso anao tamin’ny anaranao.
4I Jakôba mpanompoko, sy i Israely voafidiko,
no niantsoako anao tamin’ny anaranao;
sy nanendreko anao, fony mbola tsy nahalala Ahy ianao.
5Izaho no Iaveh, ary tsy misy hafa koa;
tsy misy Andriamanitra afa-tsy Izaho!
Nampisikina anao Aho, fony ianao mbola tsy nahalala Ahy;
6mba hahafantaran’ny olona, hatramin’ny fiposahan’ny masoandro ka hatramin’ny filentehany
fa tsy misy na inona na inona afa-tsy Izaho!»
Fanambaràna famonjena
Izaho no Iaveh ary tsy misy hafa.
7Izaho no mamorona ny mazava, sy mahary ny maizina;
manao ny fiadanana sy mahary ny loza;
Izaho Iaveh no manao izany rehetra izany.
8Ampidino, ry lanitra#45,8 Ampidino, ry lanitra. Fivavahana atao ao amin’ny Eglizy mandritra ny Avent ankehitriny, mba hangatahana ny fahasoavan’ny fahatongavan’i Jesoa Kristy ilay hàny Marina tsy misy toa Azy sy Mpamonjy ny olombelona., ny andonao avy any ambony;
ary aoka ny rahona handatsaka ny fahamarinana toy ny ranonorana!
Aoka ny tany hisokatra, hahavokatra ny famonjena,
ka hampitsimoka ny fahamarinana, miaraka amin’izany!
Izaho Iaveh no mahary#45,8 Izaho Iaveh no mahary. Izany teny izany dia mahatratra an’i Jesoa Kristy koa; araka ny maha-olombelona Azy, dia sady zanak’Andriamanitra Izy no zanak’olombelona. Amin’ny maha-zanak’Andriamanitra Azy dia naterak’Andriamanitra Rainy hatrizay hatrizay Izy, ary amin’ny maha-zanak’olombelona Azy, dia noforonin’Andriamanitra Rainy tao an-kibon’i Maria Virjiny Izy, izay niteraka azy rehefa feno ny fotoana, izany hoe, rehefa afaka folo volana tao an-kibony. ireo zavatra ireo.
Tsy refesi-mandidy i Iaveh
9Loza ho an’izay miady hevitra#45,9 Loza ho an’izay miady hevitra. Ny Israelita no niady hevitra tamin’i Iaveh, dia hoy Izy: Nahoana no maharitra ela ny fahababoana? Nahoana no mpanjaka hafa firenena, Sirosa, no enti-manafaka an’i Israely? Nahoana no antsoina hiditra amin’ny fivavahana amin’i Iaveh miaraka amin’i Israely ireo firenena hafa?... amin’ilay namorona azy,
nefa tavim-bilany isan’ny tavim-bilany tany ihany izy.
Ny tanimanga va hilaza amin’izay namolavola azy hoe:
«Inona ity ataonao?»
Ny asanao va hanao hoe: «Tsy manan-tanana izy?»
10Loza ho an’izay manao amin-dray anankiray hoe: «Nahoana no niteraka ianao?»
na amin’ny vehivavy iray hoe: «Nahoana no velom-bao ianao?»
11Izao no lazain’i Iaveh,
ilay Masin’i Israely sy izay namorona azy:
«Sahinareo va ny hanontany ahy ny amin’ny ho avy,
dia ny hanome didy Ahy ny amin’ny zanako sy ny asan’ny tanako#45,11-13 Matokia Ahy, izay mandidy sy mitondra ny zavatra rehetra, ry Israely; fa halamiko daholo izay rehetra hamonjena anao.?
12Izaho no nanao ny tany,
sy nahary ny olona eo amboniny;
izaho no namelatra ny lanitra tamin’ny tanako,
izaho no mandidy ny tafika rehetra aminy.
13Izaho no nanangana azy#45,13 Izaho no nanangana azy: Nanangana an’i Sirosa. io, tamin’ny fahamarinako,
ka mandravona ny lalany rehetra;
Izy no hanangana ny tanànako indray,
sy hampody ny oloko voababo,
tsy amin’avotra na fanatitra,»
hoy i Iavehn’ny tafika.
Hanaraka an’i Iaveh ireo tsy mpino
14Izao no lazain’i Iaveh:
«Ny vokatra azon’i Ejipta#45,14 Ny vokatra azon’i Ejipta. Ny foto-draharahan’ny Ejiptianina dia ny mamboly sy miompy biby., ny tombony azon’i Etiôpia,
sy ny Sabeanina olona lava tsanganana,
dia samy ho tonga ao aminao sy ho anao,
fa izy ireo dia hanaraka anao;
ho tonga am-patorana sy hiankohoka eo anatrehanao,
ary hifompona aminao, hanao hoe:
Tsy misy Andriamanitra afa-tsy ato aminao, ka tsy misy hafa.
Tsy misy Andriamanitra hafa iray akory!»
15Marina tokoa fa Andriamanitra miafina Ianao,
ry Andriamanitr’i Israely mpamonjy ô!
16Menatra sy mangaihay avokoa izy rehetra,
lasa mandeha amin-kenatra ny mpanao sampy.
17Fa i Israely kosa novonjen’i Iaveh amin’ny famonjena mandrakizay;
tsy ho menatra na hangaihay intsony ianareo,
amin’ny taona ho avy.
Miharihary ny asan’i Iaveh
18Fa izao no lazain’i Iaveh,
Izay nahary ny lanitra,
Izy dia ilay Andriamanitra namorona ny tany,
sy nahavita ary nampiorina azy,
ka tsy nataony zava-mifanjevo foana,
fa nataony fonenana:
«Izaho no Iaveh, ary tsy misy hafa!
19Tsy niteny tao amin’ny mangingina Aho,
tao amin’ny toerana maizimaizina amin’ny tany.
Tsy nilaza tamin’ny taranak’i Jakôba Aho nanao hoe:
Aoka hitady foana anie ianareo!
Fa izaho Iaveh dia milaza ny marina,
manambara ny fahamarinana.»
I Iaveh no Andriamanitry ny olona rehetra
20Mivoria ianareo, ka avia#45,20-24 Mivoria ianareo ka avia. Ny olona rehetra, na Jody na Jentily, dia samy antsoina hanompo an’i Iaveh sy hahazo famonjena avokoa., miaraha manatona,
ry sisan’ny firenena izay afaka.
Tsy mahalala na inona na inona
izay mitondra ny sampy hazony,
sy miantso izay andriamanitra tsy mba mamonjy.
21Antsoy izy ireo; asaovy manatona izy;
ary aoka hiara-misaina avokoa izy!
Iza no efa nilaza izany zavatra izany hatramin’ny voalohany,
sy manambara izany hatramin’ny ela?
Tsy izaho Iaveh va?
Ary tsy misy Andriamanitra afa-tsy Izaho;
Izaho no Andriamanitra marina,
ary tsy misy mpamonjy afa-tsy Izaho.
22Mitodiha atỳ amiko, dia hovonjena ianareo,
ianareo rehetra mponina amin’ny tany,
fa Izaho no Andriamanitra, ary tsy misy hafa.
23Efa nianiana tamin’ny Tenako Aho;
ny marina no aloaky ny vavako,
dia ny teny iray, izay tsy hofoanana;
Ny lohalika rehetra handohalika amiko,
ary ny lela rehetra hianiana amiko.
24Izao no hilazan’ny olona ahy: Amin’i Iaveh irery
no mitoetra ny fahamarinana sy ny hery!
Hanatona azy ny olona; fa ho menatra kosa
izay rehetra tezitra taminy.
25Hohamarinina sy homem-boninahitra ao amin’i Iaveh avokoa,
ny taranak’i Israely rehetra.
Currently Selected:
Izaia 45: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
