Izaia 43
43
Fanafahana an’i Israely
1Ary ankehitriny#43,1 Ary ankehitriny, sns. Hahatsiaro ny vahoakany Andriamanitra ka hamerina azy avy any amin’ny tany nahababoany indray., izao no lazain’i Iaveh,
dia ilay nahary anao, ry Jakôba,
sy namorona anao, ry Israely:
«Aza matahotra fa Izaho efa nanavotra anao,
Izaho efa niantso anao amin’ny anaranao, ka Ahy ianao!
2Raha mita rano ianao, dia homba anao Aho;
raha mamaky ny ony ianao, tsy hanafotra anao izy;
raha mandeha eo afovoan’ny afo ianao, tsy ho may;
ary ny lelafo tsy handoro anao.
3Fa izaho Iaveh no Andriamanitrao;
ilay Masin’i Israely no mpamonjy anao.
Efa nomeko ho avotrao, i Ejipta#43,3 Efa nomeko ho avotrao i Ejipta. Izany hoe (araka ny filazan’ny ankamaroan’ny mpivaofy Soratra Masina): Efa nahodiko ny Asirianina izay nikasa haka an’i Jerosalema, ka nasesiko hamerina ny tafiny hamely an’i Ejipta sy i Etiôpia ary ny tanànan’i Sabà.,
ary ho solonao i Etiôpia sy i Sabà.
4Satria sarobidy eo imasoko
sy mendrika hohajaina ianao, sady tia anao Aho,
hanome olona maro ho takalonao Aho,
sy firenena maro, ho solon’ny ainao.
5Aza matahotra fa momba anao Aho,
hamerina ny taranakao avy any Atsinanana Aho,
ary hanangona anao avy any Andrefana.
6Ny Avaratra hilazako hoe: ‹Atolory izy!›
ary ny Atsimo hataoko hoe: ‹Aza mitana azy!›
Avereno ny zanako lahy, avy any lavitra any,
sy ny zanako vavy, avy any am-paran’ny tany,
7dia izay rehetra mitondra ny Anarako,
izay noarîko ho voninahitro sy noforoniko ary nataoko.»
I Iaveh ihany no Andriamanitra
8Avoahy ny olona jamba mana-maso,
sy ny marenina manan-tsofina.
9Aoka hivory ny firenena rehetra,
sy hiangona ny vahoaka!
Iza amin’izy ireo no nanambara izany zavatra izany,
sy nilaza tamintsika ny faminaniana taloha?
Aoka hasehony izay vavolombelona sy hanamarina ny filazana izy;
aoka hihaino azy ny olona sy hanao hoe: «Marina izany!»
10Ianareo no vavolombeloko, - teny marin’i Iaveh
sady mpanompoko, izay nofidiko;
mba hahafantaranareo sy hinoanareo Ahy
ary hahazoanareo an-tsaina, fa Izaho no izy.
Tsy misy Andriamanitra voaforona talohako;
ary tsy hisy koa any aoriako.
11Izaho dia Izaho ihany no Iaveh
ary tsy misy mpamonjy afa-tsy Izaho.
12Izaho no nilaza, Izaho no namonjy, Izaho no nilaza mialoha,
tsy mba andriamani-kafa eo aminareo;
ary ianareo no vavolombeloko - teny marin’i Iaveh.
13Izaho no Andriamanitra.
Amin’ny sisa Izaho ihany koa no izy,
ary tsy misy olona mahafaka amin’ny tanako;
Hiasa Aho, ka zovy moa no hahasakana izany?
Ho rava i Babilôna
14Izao no lazain’i Iaveh, mpanavotra anareo,
ilay Masin’i Israely:
«Noho ny aminareo, dia naniraka hamely an’i Babilôna Aho,
ka hataoko vaky mandositra avokoa izy ireo,
dia ny Kaldeanina, ka hidina any amin’ny sambo ireharehany fatratra!
15Izaho no Iaveh, ilay Masinareo,
ilay mpahary an’i Israely, mpanjakanareo!»
Zava-mahagaga teo amin’ilay Eksaody faharoa
16Izao no lazain’i Iaveh,
Izay nanao lalana#43,16 Izay nanao lalana, sns. Hain-teny enti-milaza ilay fitàn’ny Israelita sy ireo tafik’i Faraôna ny Ranomasina Mena. eny amin’ny ranomasina,
sakeli-dalana eny amin’ny rano mahery,
17izay namoaka kalesy aman-tsoavaly,
sy tafika ama-mpiady mahery, hiantafika,
- indray lavo tsy hiarina intsony izy rehetra;
voakenda sy maty toy ny lahin-jiro izy. -
18Aza mahatsiaro ny zavatra lasa intsony,
ary aza mihevitra ny zavatra taloha intsony!
19Fa indro aho, hanao zava-mahagaga vaovao;
efa hiposaka izy izao, tsy hahalala izany va ianareo?
Hanisy lalana any an’efitra Aho#43,19 Hanisy lalana any an’efitra Aho, hiverenan’ny babo ho ao amin’ny taniny.,
sy ony eny an-tany karankaina.
20Hanome voninahitra Ahy ny biby eny an-tsaha#43,20 Biby eny an-tsaha. Izany hoe, ny biby dia.,
mbamin’ny amboadia sy ny ostritsa,
satria nanisy rano tany an’efitra Aho,
sy ony eny amin’ny tany karankaina,
hampisotroana ny vahoakako, ny olom-boafidiko,
21ny vahoaka noforoniko mba ho Ahy,
ka hitory ny fiderana Ahy.
Tsy mahay mankasitraka i Israely
22Kanefa, ry Jakôba ô, tsy mba niantso Ahy ianao,
na nisahirana tamiko akory, ry Israely.
23Tsy mba nateranao ny ondrin’ny sorona dorana Aho,
na nomenao voninahitra tamin’ny soronao akory.
Tsy namesatra anao tamin’ny fanatitra Aho
na nanasatra anao tamin’ny emboka manitra.
24Tsy lany vola namidy veromanitra ho Ahy ianao;
na namoky Ahy tamin’ny saboran-tsoronao;
fa ianao aza no namesatra Ahy tamin’ny fahotanao;
nanasatra Ahy tamin’ny tsy fahamarinanao.
25Izaho dia Izaho ihany no namono ny fahadisoanao,
noho ny fitiavako ny Tenako,
ka tsy hotsarovako intsony ny fahotanao.
26Ampahatsiarovy Aho; aoka hifandahatra isika.
Aoka ny tenanao no hilaza izay mahamarina ny anao.
27Nanota ny rainao voalohany#43,27 Nanota ny rainao voalohany: I Jakôba. Jereo Os 12,4-5,
ary nivadika tamiko ireo mpanalalanao#43,27 Mpanalalanao: I Môizy sy i Aarôna izay mpilaza ny sitrapon’Andriamanitra, nefa nandika ny tenin’Andriamanitra tamin’ilay rano tamin’ny vatolampy tao Masfà (Fanis 20,9-12). Ny mpisorona sy ny Levita izay tsy maintsy mampitandrina sy mivaofy ny lalàna no lazaina eto angamba..
28Ka izany no nanonganako an’ireo loholon’ny fitoerana masina,
nanolorako an’i Jakôba ho anatema
sy i Israely ho fandatsa.
Currently Selected:
Izaia 43: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
