Izaia 42
42
Hira voalohan’ilay Mpanompon’i Iaveh
Tapany voalohany
(Jereo Mt 12,18-21)
1Indro ny mpanompoko#42,1 Indro ny mpanompoko: Izany teny izany dia manondro olona iray ao anatin’ny be sy ny maro; ka ity andininy ity sy ny manaraka dia milaza mazava ny amin’ny Mesia sy ny famonjeny ny karazan’olombelona. Ireo teny ireo dia mifanaraka mihitsy amin’ny toko faha 49; 50,4-9 fa indrindra 52,13 sy 53,2. Noho ny fananan’i Jesoa Kristy ny fomban’olombelona ao aminy no nandraisany ny anarana hoe mpanompo (jereo Fil 2,7) izay tantanako;
ilay voafidiko ka sitraky ny foko;
napetrako ao aminy ny fanahiko;
hamoaka fahamarinana ho an’ny firenena izy.
2Tsy hiantso mafy izy#42,2 Tsy hiantso mafy izy: Izany hoe hanatanteraka ny asany amin-kalemem-panahy sy amin’ny fitarihana moramora amin’ny finoana, fa tsy amin’ny fireharehana na an-keriny. Ampitahao Mt 12,15-20 sy Jn 18,36 sy ny manaraka., na hanandra-peo,
na hanao izay handrenesana ny feony eny an-dalambe.
3Ny volotara efa poritra, tsy hotapahiny;
ny lahin-jiro efa ho faty, tsy hovonoiny.
Hanambara ny rariny, araka ny marina izy;
4tsy ho ketraka izy na ho kivy akory,
mandra-panoriny ny rariny amin’ny tany;
ary ny nosy hiandry ny lalàny.
Tapany faharoa
5Izao no lazain’i Iaveh Andriamanitra
Izay nahary ny lanitra sy namelatra azy,
izay namelatra ny tany mbamin’ny vokatra ao aminy,
izay nanome fofon’aina ny olona eo aminy,
sy fofon’aina ho an’izay mandeha eo.
6Izaho Iaveh no niantso anao, tamin’ny fahamarinana,
sy nandray tanana anao,
miaro anao Aho ary manao anao ho fanekem-pihavanana#42,5-7 Manao anao ho fanekem-pihavanana: I Jesoa Kristy no fanekem-pihavanana vaovao, Izy no mpanalalana antsika amin’Andriamanitra. ho an’ny vahoakako
sy fahazavan’ny firenena#42,6 Fahazavan’ny firenena: I Jesoa Kristy, Mesia no tena manambara mazava amin’ny olombelona ny amin’Andriamanitra, sy mampahalala azy ny hatsinontsinon’ny sampy.,
7hampahiratra ny mason’ny jamba,
hamoaka ny mifatotra eo amin’ny tranomaizina,
sy ireo mipetraka ao anatin’ny haizina ao amin’ny fonja.
8Izaho no Iaveh, izany no Anarako;
ary ny voninahitro tsy homeko ny hafa.
Ny fanajana Ahy, tsy ho an’ny sampy.
9Efa tanteraka izay, ireo zavatra taloha;
ary zava-baovao indray izao no ambarako;
alohan’ny hitrangany
dia ampandrenesiko rahateo ianareo.
Antsa fandresena
10Mihirà fihiram-baovao ho an’i Iaveh;
sy fiderana Azy, hatramin’ny faran’ny tany,
ianareo miantsambo amin’ny ranomasina sy monina ao aminy,
ianareo, nosy, mbamin’ireo mponina aminareo!
11Aoka hanandra-peo ny efitra mbamin’ny tanàna eo aminy;
ny toby onenan’i Sedera!
Aoka hientan-kafaliana, ny mponina any Selà;
aoka hihobim-piravoravoana any an-tampon-tendrombohitra!
12Aoka hanome voninahitra an’i Iaveh,
sy hitory fiderana Azy eny amin’ny nosy!
13Fa mivoaka i Iaveh toy ny lehilahy mahery;
mamoha ny firehetam-pony, toy ny mpiady,
mandefa akoran’ady, akora mikotrokotroka;
manampatra ny heriny, handresy ny fahavalony.
14«Ela nangina Aho;
nitam-bava tsy niteny sy nanindry fo Aho;
mitolokoloko toy ny vehivavy miteraka,
misentosento sy mihanahana Aho.
15Hofoanako ny tendrombohitra aman-kavoana;
hataoko maina avokoa izay maitso eo aminy;
hampanjariako nosy ny ony,
ary homainiko ny farihy.
16Hampandehaniko amin’ny lalan-tsy fantany ny jamba;
ary hotarihiko#42,16 Hotarihiko, sns. Izany fampanantenana izany, dia tanteraka tamin’ny nataon’i Jesoa Kristy izay nanely ny fahazavan’ny Evanjely sy tena nampahiratra ny jamba ary nampalady ny marenina. amin’ny sakeli-dalana mbola tsy hitany;
ny maizina hataoko mazava eo anoloany;
ary ny tany be havoana halamako.
Hotanterahiko ireo teny ireo;
ary tsy havelako tsy hatao.
17Hihemotra sy ho safo-kenatra ireo izay matoky ny sampy#42,17 Hihemotra... izay matoky ny sampy. Hibebaka ny mpanompo sampy, rehefa hitoriana ny Evanjely.,
izay milaza amin’ny sarin-javatra anidina hoe:
Ianareo no andriamanitray.»
Hajamban’ny vahoaka
18Mihainoa, ianareo marenina;
mihirata hijery, ianareo jamba!
19Iza no jamba afa-tsy ny mpanompoko#42,19 Iza no jamba afa-tsy ny mpanompoko? i Israely no tondroina eto.;
iza no marenina tahaka ny iraka irahiko?
Iza no jamba tahaka an’izay nataoko sakaizako,
sy jamba tahaka ny mpanompon’i Iaveh?
20Nahita zavatra maro ianao, fa tsy nahatana na inona na inona;
nisokatra ny sofiny, fa tsy nandre na inona na inona izy.
21Sitrak’i Iaveh noho ny fahamarinany,
ny nanome lalàna lehibe sy be voninahitra!
22Ary indro ity vahoaka ity, dia voababo sy norobaina ny fananany.
Voafatotra ao an-johy avokoa izy rehetra;
voahiboka ao an-tranomaizina izy;
robaina izy nefa tsy misy mamonjy azy,
baboina ny fananany, nefa tsy misy manao hoe: «Avereno#42,22 Filazalazana ny toetran’ny voababo tany Babilôna io andininy io.!»
23Iza aminareo moa no hety handre izany
dia handinika sy hihaino amin’ny sisa?
24Iza no nanolotra an’i Jakôba horobaina,
sy i Israely hobaboina?
Moa tsy i Iaveh va, izay nanotantsika?
Tsy nety nanaraka ny lalany izy ireo;
ary ny lalàny tsy nohenoiny?
25Dia nalatsany tamin’izy ireo ny afon’ny fahatezerany,
sy ny firehitry ny ady:
ka nirehitra nanodidina azy izany, nefa tsy azony an-tsaina,
ary nandoro azy, nefa tsy noheveriny.
Currently Selected:
Izaia 42: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
