Osea 9
9
Fahoriana any an-tsesitany
1Aza miarana amin’ny fifaliana, ry Israely,
na amin’ny firavoravoana toy ny firenena.
Fa ianao, efa nitolo-tena amin’ny ratsy lavitra ny Andriamanitrao,
efa nankamamy ny tangin’ny mpijangajanga,
teny am-pamoloana rehetra teny.
2Ny famoloana amam-pandomam-boaloboka,
tsy hisy hamelana azy ireo,
ary ny divay vaovao handà azy.
3Tsy honina eo amin’ny tanin’i Iaveh izy ireo;
fa hiverina ho any Ejipta i Efraima,
ary hihinana ny zava-padìna any Asiria izy ireo.
4Tsy hanolotra divay#9,4 Tsy hanolotra divay. Any amin’ny tany hafa, dia tsy azon’izy ireo atao intsony ny manatanteraka ny fomba fivavahana ho fanajana an’i Iaveh. ho fanatitra araraka ho an’i Iaveh izy:
ary tsy hankasitrahiny ny sorona ataony;
fa toy ny fahan-kanina fisaonana#9,4 Fahan-kanina fisaonana. Ny sakafo fanaon’ny olona misaona raha misy maty, dia heverina ho zava-maloto, noho ny fisian’ny maty ao an-trano (Fanis 19,14). Nandritra ny fitoerana tany an-tany hafa dia havelan’Andriamanitra ho azy ireo ihany ny variny, nefa tsy ho azony tolorana ny voaloham-bokatra izy. izany aminy,
ka haloto izay mihinana amin’izany;
satria ny hanin’izy ireo ho an’ny tenany ihany,
fa tsy hiditra ao an-tranon’i Iaveh.
5Inona no hataonareo amin’ny fety lehibe,
amin’ny andro fetin’i Iaveh?
6Fa indro lasa izy ireo teo anatrehan’ny fandringanana:
i Ejipta handray azy, ary i Memfisy#9,6 Memfisy: Renivohitr’i Ejipta. handevina azy;
ny fanaka volafotsiny sarobidy, ho rembin’ny beroberok’amboa
ny lainy ho tongan’ny tsilo.
Manambara sazy ny mpaminany ka enjehina
7Tonga ny andro famaizana!
Tonga ny andro fanodiavana;
vetivety ho fantatr’i Israely izany.
Adala ny mpaminany,
ny olona tsindriam-panahy mirediredy foana,
noho ny haben’ny helokao
sy ny fanoheranao mafy.
8Ny tilin’i Efraima#9,8 Ny tilin’i Efraima: Ny tenan’ny mpaminany Osea, izay mpaminany marin’Andriamanitra, no tondroin’izany teny izany. Fandriky ny mpamandri-borona; tsy itokiana izy, fa mainka hamelarana fandrika. Any amin’ny tranon’Andriamanitra. Enjehina amin’ny tanin’i Israely rehetra izy. dia ao amin’ny Andriamanitro;
fandriky ny mpamandri-borona avokoa,
no eny amin’ny alehan’ny mpaminany,
ary fanenjehana no any amin’ny tranon’ny Andriamaniny.
9Simba hatrany am-potony izy ireo,
toy ny tamin’ny andron’i Gabaà#9,9 Toy ny tamin’ny andron’i Gabaà. Teny fahatsiarovana ny heloka mahamenatra nataon’ny taranak’i Benjamina (Mpits 19).;
hotsarovan’i Iaveh ny helony,
ary hovaliany ny fahotany.
Voasazy ny fanompoan-tsampy tao Beelfgôra
10Tahaka ny voaloboka any an’efitra
no ahitako an’i Israely;
tahaka ny voaloham-bokatry ny aviavy tanora#9,10 Tahaka ny voaloboka, tahaka ny voaloham-bokatry ny aviavy tanora. Nahafinaritra ahy tahaka ny fahitako an’ireo, ny nahitako an’i Israely sy ny razanareo fahiny, vao nivoaka tany Ejipta. Nefa vetivety dia niharatsy, nanompo sampy; ary tsy niala tamin’izany toetra ratsy izany.
no nahitako ny razanareo.
Kanjo tonga tao Beelfegôra izy ireo,
sy nanolo-tena ho an’ny sampy vetaveta,
ka tonga vetaveta tahaka itsy zava-tiany ihany.
11Nihelina toy ny voromanidina, ny voninahitr’i Efraima#9,11 Nihelina ny voninahitr’i Efraima: Ny fiadanany, ny fitomboan’ny zanany, dia nitsahatra, fa nihena hatrany hatrany.;
tsy hisy intsony ny hiteraka na hanana anaka,
na hotorontoronina.
12Na hitaiza ny zanany aza izy,
hoesoriko aminy alohan’ny hahatongavany ho lehilahy ireny;
satria loza ho azy ireo, raha ihatahako izy!
13Raha nitodi-maso nankany Tira Aho, dia indreo i Efraima
voavoly eo amin’ny tanim-bilona mahafinaritra;
kanjo i Efraima efa nitondra ny zanany ho any amin’ny mpamono.
14Omeo azy, Iaveh ô! ...Inona no homenao azy?...
Omeo azy ny kibo momba, sy ny nono ritra.
Voasazy ny heloka tao Galfalà
15Any Galgalà ny faharatsiany rehetra;
fa tany no vao nankahalako azy.
Noho ny faharatsian’ny ataony,
horoahiko hiala ao an-tranoko izy;
tsy hanam-pitiavana azy intsony Aho,
mpiodina avokoa ny mpanapaka azy.
16Voa i Efraima, maina ny fakany,
tsy hanoa intsony izy ireo;
ary na dia miteraka aza izy,
hovonoiko ny malalany naloaky ny kibony.
17Harian’ny Andriamanitro izy,
satria tsy nihaino Azy,
ka ho mpirenireny foana eny amin’ny firenena.
Currently Selected:
Osea 9: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
