Osea 8
8
Fanairana
1Ataovy am-bava ny anjomara,
fa misy, toy ny voromahery#8,1 Toy ny voromahery: Izany hoe mikiakiaka mafy sady mahadilo sahala amin’ny voromahery. Ny Asirianina no lazaina amin’izany., hiantefa amin’ny tranon’i Iaveh#8,1 Hiantefa amin’ny tranon’i Iaveh: Hamely ny vahoaka na fianakavian’i Israely (jereo Os 9,8-15; Fanis 12,7). Tahaka izany koa no iantsoana ny Kristianina hoe tranon’i Kristy (Heb 3,6). Izany fahavalo lazaina eto izany dia i Senakeriba, hoy ny sasany, i Salmanazara, hoy ny sasany, i Nabokodonozora kosa indray, hoy ny sasany. Samy izy ireo mpanjaka telo ireo, hoy indray kosa ny sasany.!...
Satria izy ireo nivadika ny fanekeko,
sy nandika ny lalàko.
2Mitaraina amiko izy hoe: Andriamanitra ô,
efa nahalala Anao izahay Israely.
3Efa boboky ny soa anefa i Israely;
ka aoka hoenjehin’ny fahavalo izy!
Fanjakan’i Baroa sy fanompoan-tsampy
4Fa izy ireo nananga-mpanjaka, nefa tsy avy amiko;
nanendry mpanapaka nefa tsy nahalala an’ireo Aho;
nanao sampy tamin’ny volafotsiny amam-bolamenany,
mba hanalana aminy ny volafotsy amam-bolamena.
5Naharikoriko Ahy ity zanak’ombinao#8,5 Zanak’ombinao: Ireo zanak’omby izay nivavahanao. Tao Dana sy Betela no nananganana ireny zanak’omby volamena ireny., ry Samaria#8,5 Samaria: Ny fanjakan’i Israely manontolo no lazaina amin’izany, satria i Samaria no renivohiny.;
nirehitra tamin’izy ireo ny fahatezerako.
Mandra-pahoviana no tsy hahazoana mandio azy ireo?
6Fa avy amin’i Israely koa izy;
mpanao taozavatra no nanamboatra azy,
ka tsy Andriamanitra izy io;
fa hotorotoroina ny zanak’ombin’i Samaria!
7Namafy rivotra izy ireo,
ka hijinja tafio-drivotra.
Tsy hisy salohim-bary ho azy,
fa hisy vary tsy vanon-ko lafarina;
ary raha vanon-ko lafarina aza, ny hafa firenena no hihinana azy.
Verin’ny antso ataony amin’ny hafa firenena i Israely
8Voatelina i Israely:
izy ireo ankehitriny, eny amin’ny firenena
nanjary toy ny zavatra tsinontsinona;
9satria ny tenan’izy ihany no niakatra ho any Asora.
Ny ampondra dia monina an-takona;
i Efraima kosa nanangy lahy ho azy#8,9 I Efraima kosa nanangy lahy ho azy: Izany hoe, nitady fihavanana tamin’i Ejipta sy i Asiria..
10Na manao fanatitra amin’ny firenena aza izy,
dia novoriko hamely azy ireny;
ka hangozohozo izy, amin’ny fotoana fohifohy,
tsindrian’ny entan’ny mpanjakan’ireo mpanapaka.
11Nampitombo ny ôtely i Efraima tamin’ny nanotany,
ary ireo ôtely ireo nahalavo azy tamin’ny ota.
12Na hanoratra lohateny arivo ho azy amin’ny lalàko aza Aho,
dia ho zavatra tsy mikasika azy no fijeriny an’izany.
13Ny sorona aterin’izy ireo ho Ahy#8,13 Ny sorona ateriny ho Ahy. Tsy mba fivavahana sy fanajana an’i Iaveh no kendreny amin’ny sorona atolony, fa sakafo sy filerana ihany no kendreny amin’izany.,
dia ny henan’ny zavatra vonoiny sy haniny;
tsy ankasitrahin’i Iaveh izany.
Hahatsiaro ny helok’izy ireo izy ankehitriny,
ka hanasazy ny fahotany:
hiverina any Ejipta izy ireo.
Famelezana ny fanorenana lapa sy rova
14Nanadino ny mpanao azy i Israely,
ka nanorina lapa;
nanamaro ny tanàna mimanda i Jodà.
Fa handefa afo ao an-tanànany Aho,
ka handevona ireo rovany izany.
Currently Selected:
Osea 8: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
