Habakoka 3
3
3. FIANTSOANA AN’ANDRIAMANITRA HIDITRA AN-TSEHATRA
1Vavaka nataon’i Habakoka#3,1 Vavaka nataon’i Habakoka: Ny ankamaroan’ny Rain’ny Eglizy sy ny mpivaofy ny Soratra Masina maro amin’izao fotoana izao, dia milaza fa ity vavaka nataon’i Habakoka ity dia mikasika mihitsy ny fahatongavan’ny Mesia; ary ny Eglizy koa, amin’ny fombam-pivavahany, dia naka teny sasantsasany avy amin’io toko io mba hilazany an’i Jesoa Kristy. Ny sasany kosa mihevitra, fa ny tena hiharan’ny teny dia ny fiverenana avy any amin’ny tany nahababoana., mpaminany.
Araka ny fomban-dahateny ditirambìka.
2Iaveh ô, nandre izay nampandrenesinao aho,
dia raiki-tahotra aho, Iaveh ô!
Velomy ny asanao amin’ny taona mifandimby;
ataovy fantatra amin’ny taona mifandimby izy.
Na eo amin’ny hatezeranao aza, mahatsiarova ny hamindra fo.
3Tamy avy any Temàna Andriamanitra#3,3 Tamy...Andriamanitra: Hain-teny amin’izay nambaran’i Môizy ao amin’ny Deter 33,2.,
ary avy any an-tendrombohitra Faràna#3,3 Temàna sy Faràna: Teny manondro an’i Arabia Petrea, izay nampisehoan’Andriamanitra ny voninahiny teo an-tendrombohitra Sinaia, tamin’Izy nanambara ny lalàny (Eks 19,16 sy ny manaraka). Tsiahivin’i Habakoka izany zavatra niseho tany Sinaia izany, mba hitokisan’i Israely ny fanafahan’Andriamanitra Tsitoha azy amin’ny ho avy. ilay Masina (Selà).
Nanarona ny lanitra ny fiandrianany;
ary nameno ny tany ny voninahiny.
4Toy ny fahazavan’ny masoandro miposaka ny famirapiratany;
misy tanamasoandro avy eo amin’ny tanany;
ao no ieren’ny heriny.
5Mandeha eo anoloany ny fandripahana;
ary manaraka ny diany ny tazo mahamay.
6Nijanona Izy, ka nampihorohoro ny tany;
nijery Izy ka nampihozongozona ny firenena;
torotoro ny tendrombohitra mandrakizay,
nietry ny havoana fahagola#3,6 Mandrakizay, fahagola. Ny Hebrio dia nampiasa mandrakariva ireo teny ireo amin’ny tendrombohitra sy ny havoana, mba hilazany fa izany vongan-tany makadiribe izany sy ny vatolampy eo aminy, dia teo hatrizay hatrizay.;
ny lalany taloha no narahiny#3,6 Ny lalany taloha no narahiny: Izany hoe, ny fahagagana izay nataony fahiny tamin’i Israely dia iverenany atao indray..
7Hitako latsaka am-pahoriana, ny lain#3,7 Lay: Izany no karazan-trano nipetrahan’ny olona fahiny, ka hodi-biby no nanaovana azy (jereo Ton 1,5). ’i Kosàna#3,7 Kosàna: Angamba Etiôpia izany.,
ary mihorohoro ny lay amin’ny tanin’i Moaba#3,7 Moaba: Ilay fizaran-tany ao atsinanan’ny Ranomasina Maty. Izao dia toa tany lao izy io..
8Amin’ny ony va#3,8 Amin’ny ony va? Teny mampahatsiaro ny nitana ny Ranomasina Mena (Eks 14) sy ny nitana an’i Jordany (Jôs 3). no mahatezitra an’i Iaveh?
sa amin’ny ony no irehetan’ny fahatezeranao?
amin’ny ranomasina no mampisafoaka anao,
raha ilay mitaingina ny soavalinao iny Ianao,
raha mitaingina ny kalesim-pamonjenao?
9Ny tsipìkanao miseho miharihary;
ny zana-tsipìkanao dia ireo fiainana voatononao (Selà).
Ataonao mivava ny tany ho ranon-driaka.
10Nahita anao ny tendrombohitra ka mangovitra,
nisy rambon-danitra nandalo, niloa-peo ny hantsana
sady nanangan-tanana mankany ambony.
11Tafajanona eo amin’ny fitoerany ny masoandro amam-bolana;
ka ny fanjelajelatry ny zana-tsipìkanao no andehanan’ny olona,
sy ny fahazavan’ny lefonao mamirapiratra.
12Mitetitety ny tany amim-pahatezerana Ianao,
hitsahinao amim-pahavinirana ny firenena.
13Nivoaka hamonjy ny olonao Ianao,
hanafaka an’ilay Voahosotrao#3,13 Ilay Voahosotrao: Israely ilay voafidin’Andriamanitra sy voatokany ho azy; na hoe ny fanjakana, ilay fanjakana nentin’Andriamanitra amin’ny alalan’ny mpanjaka nofidiny, fa indrindra ny Mesia, izay taranak’i Davida.;
notapahinao ny vovonan’ny tranon’ny ratsy fanahy,
nahariharinao hatrany ambany ny fiorenany (Selà).
14Notrobaranao tamin’ny zana-tsipìkany ihany,
ny lohan’ireo antokon’olony,
izay nibosesika hamely ahy,
tamim-panaovana hobin-kafaliana toy ny efa handevona
ny ory ao amin’ny fierin’izy ireo.
15Hitsahinao amin’ny tongo-tsoavalinao ny ranomasina,
ny fitambaran’ny rano be.
16Vao nandre aho dia#3,16 Vao nandre aho dia. Ireo teny ireo dia milaza ny fitebitebin’ny fon’i Habakoka mpaminany eo am-piandrasana ny andron’ny Tompo. nivadika ny tsinaiko;
mipararetra amin’izany feo izany ny molotro,
idiran’ny fahalòvana ny taolako,
mangovitra ny lohaliko eo ambaniko,
noho ny tsy maintsy hiandrasako amim-piadanana ny andro mahory,
izay hiakaran’ny fahavalo hampahory ny vahoaka anankiray.
17Satria amin’izany ny aviavy#3,17 Satria amin’izany ny aviavy. Ny fisaonan’ny zava-boaary, dia manambara fa efa antomotra izany andro izany. tsy hamontsina,
ny voaloboka tsy hisy hotoazana;
ny ôliva tsy hisy voany;
ary ny saha tsy hahavoka-kanina;
tsy hisy intsony ao amin’ny vala ny ondry
ary ny fahitra tsy hisy omby intsony.
18Fa izaho dia te hiravoravo amin’i Iaveh,
te hientan-kafaliana amin’ny Andriamanitry ny famonjena ahy.
19I Iaveh Tompo no heriko;
ataony toy ny an’ny serfa vavy ny tongotro,
ary ampandehaniny eny amin’ny fitoerako avo aho.
Ho an’ny filohan’ny mpihira, amin’ny zava-manenoko tendrena.
Currently Selected:
Habakoka 3: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
