Habakoka 2
2
Tenin’Andriamanitra fanindroany
Ho velona amin’ny finoany ny olo-marina
1Tiako ny mitana ny anjara toerako,
sy mipetraka eo amin’ny tilikambo fiambenana#2,1 Tilikambo fiambenana: Oha-teny nalaina tamin’ny fanaon’ny tily izay apetraka eny amin’ny fitoerana avo mba hahatazana lavitra.,
dia hitandrina aho hahitako izay holazain’i Iaveh amiko,
sy izay havaliko ny fananarana hatao amiko.
2Dia namaly ahy i Iaveh, ka nanao hoe:
Soraty ny fahitana ka sokiro amin’ny fàfana#2,2 Fàfana: Hazo na vato izay anoratana ny fampanantenana ataon’i Iaveh, ka sady azon’ny olona rehetra vakina no mety hanome toky azy ireo amin’ny andro fitsapana na fahoriana.,
mba hamakian’ny olona azy moramora.
3Fa mbola misy fahitana amin’ny fotoam-boafetra;
efa mandroso ho amin’ny fotoana fanaperana azy izy,
ka tsy hamitaka;
raha miadam-piavy izy, andraso ihany,
satria ho avy tokoa, fa tsy ho diso.
4Izay mibohibohy#2,4 Izay mibohibohy. Ny lazaina amin’izany dia ireo Kaldeanina izay matoky tena loatra, ka manipaka ny fahefan’Andriamanitra; tsy ao anatin’ny lala-mahitsy ireo, koa noho izany tsy maintsy ho voa. ny fanahy ao anatiny, dia
tsy mba amin’ny lala-mahitsy,
fa ny marina#2,4 Fa ny marina: Ireo Israelita voan’ny fahoriana, ka hifikitra amim-pahatokiana marina amin’Andriamanitra, dia ho velona sy ho voavonjy. Ny tenin’i Masindahy Paoly (Rm 1,17; Heb 10,38) dia mampihatra io teny io amin’ny finoana an’i Jesoa Kristy sy amin’ny vokatry ny fanavotana. no ho velona amin’ny finoany.
2. FANOZONANA NY MPAMORITRA
Teny mialoha
5Ary fanampin’izany koa, mamitaka ny divay.
Tsy haharitra ny olona miavonavona,
izay mampitombo ny fahalianany ho lehibe toy ny seoly
sy tsy mety voky, hoatra ny fahafatesana;
mamory ny firenena rehetra ho ao aminy,
ary manangona ny vahoaka rehetra ho azy.
6Moa va izy ireo, dia izy rehetra,
tsy hanonona oha-teny momba azy#2,6 Tsy hanonona oha-teny momba azy? Jereo Jer 24,9.
amam-panoharana sy ankamantatra mihatra aminy?
Hanao hoe:
Sahato dimy
1
Mila loza izay mandroaka ny tsy azy,
- mandra-pahoviana? -
sy ho an’izay mandray ho entana tataoviny ny zavatra natao tsatòka#2,6 Tataoviny ny zavatra natao tsatòka. Ny manao tsatòka dia voararan’ny lalàn’i Môizy tsy hatao..
7Tsy hitsangana tampoka va ireo tompon-trosa#2,7 Tsy hitsangana tampoka va ireo tompon-trosa? Ny ambaran’ny mpaminany eto, dia ny Meda sy ny Persa izay notarihin’i Sirosa, ka namely ny fanjakan’ny Kaldeanina sady nandrava azy tamin’ny andro nanjakan’i Baltasara, zafin’i Nabokodonozora.,
tsy hifoha va ireo mpanompo anao
ka ianao kosa indray, moa tsy ho rembiny?
8Noho ianao namabo firenena maro,
dia mba hobaboin’ny firenena sisa rehetra kosa,
noho ny ran’olona nalatsaka,
sy ny fandozàna natao tamin’ny tany,
na tamin’ny tanàna, na tamin’ny mponina rehetra ao aminy.
2
9Loza ho an’izay manangon-karena#2,9 Mila loza izay manangon-karena. Mbola ny amin’ny mpanjakan’i Babilôna ihany no lazaina eto. tsy an-drariny ho an’ny taranany,
hanaovany amin’ny avo dia avo ny akaniny#2,9 Hanaovany amin’ny avo dia avo ny akaniny: Raha ny akanim-borona no mipetraka eny ambony hazo avo, dia matoky ny renivorona fa tsy ho azon’iza na iza alaina na simbàna; ny mpanjakan’i Babilôna koa, noho ny herin’ny fanjakany, dia nanantena fa tsy ho azon’iza na iza tafihina.,
mba handosirany tsy ho tratry ny loza!
10Manao hevitra hanala baraka ny taranakao ianao;
tamin’ny nandringananao firenena maro
dia nanota tamin’ny tenanao ianao.
11Fa ny vato amin’ny rindrina hataraina,
ary ny sakamandimby amin’ny rafi-trano no hamaly azy.
3
12Mila loza izay manao tanàna amin’ny fandatsahan-dra#2,12 Fandatsahan-dra: Jereo ra ao amin’i Ezek 22,2.;
sy manorina renivohitra amin’ny tsy marina!
13Tsy izao va no sitrapon’i Iavehn’ny tafika
dia ny hiasan’ny olona ho an’ny afo#2,13 Ny hiasan’ny olona ho an’ny afo: Izany hoe, ireo olon-dresy izay nohelohin’ny Kaldeanina hanao raharaha manempotra amin’ny fanorenan-trano, dia ho sasa-poana, satria ho avy ny andro izay hisian’ny hain-trano handevona ireo tranobe soa sy bikana ireo (ampitahao amin’ny Jer 51,58).,
sy ny hisasaran’ny firenena ho an’ny zava-poana?
14Fa ny tany ho feno ny fahalalana ny voninahitr’i Iaveh,
toy ny fandrakotry ny rano ny fanambanin’ny ranomasina.
4
15Loza ho an’izay mampisotro#2,15 Izay mampisotro: Izany dia fanoharana alaina amin’ny faharerahan’ny olona mamo, mba hoentina mampiseho ny fahakiviana sy ny henatry ny firenena resy. ny namany,
dia ianao izay mampidina ny hatezeranao, mandra-pahamamony,
mba hijery ny fitanjahany!
16Henatra no nivokisanao fa tsy voninahitra;
misotroa koa ianao, ka asehoy ny tsy mahavoafora anao;
havadika hirotsaka aminao ny kapoaka ao an-tanana ankavanan’i Iaveh;
ho sarona fahafaham-baraka ny voninahitrao.
17Fa hitsingerina aminao ny fahasiahana namelezana an’i Libàna#2,17 Libàna. Tsy ny olona ihany no novonoin’ny Kaldeanina; fa nolevoniny koa ny asan-tanan’Andriamanitra tsara indrindra teto an-tany, toy ny hazo sedera sy sipresa tao Libàna. Nokapainy be dia be mba hanaovany milina fiadiana sy rova, ka izany dia nahatonga ny biby nonina amin’izany ala izany hiparitaka be ihany.
mbamin’ny fandringanana ny biby raiki-tahotra mahatsiravina,
noho ny ran’olona nalatsaka,
sy ny loza natao tamin’ny tany,
na tamin’ny tanàna na tamin’ny mponina rehetra ao aminy.
18Inona no asan’izay sarin-javatra voapaika,
no mipaika azy ny mpamorona azy,
na ny sampy anidina sy ny mpanambara lainga,
no matoky izay asan-tanany ny mpamorona azy,
amin’ny fanamboarana andriamanitra moana?
5
19Loza ho an’izay manao amin’ny hazo hoe: Mitsangàna!
sy amin’ny vato moana hoe: Mifohaza!
Hampianatra va izy?
Indro fa voapetaka volamena sy volafotsy izy,
nefa tsy mba misy fofon’aina akory ao anatiny.
20I Iaveh kosa, ao amin’ny Tempoliny#2,20 Tempoliny: Mazàna io teny io dia entina milaza ny lanitra, ka izany indrindra no heviny eto. masina;
aoka hangìna eo anatrehany ianao, ry tany rehetra.
Currently Selected:
Habakoka 2: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
