Ezekiela 11

Tohin’ny fahotan’i Jerosalema

1Naingain’ny fanahy aho dia nentiny nankeo am-bavahady atsinanana, ilay mitodika miantsinanana amin’ny tranon’i Iaveh; ka indro, teo anoloan’ny vavahady nisy olona 25 lahy#11,1 25 lahy: Olona hafa noho ireo voalaza ao amin’ny toko 8,16, ireo. Angamba izy ireo dia ny lehibe ao amin’ny firenena, izay mitondra ny vahoaka sy ny miaramila.; ary hitako teo amin’izy ireo, i Jezoniasa zanak’i Azora sy i Feltiasa zanak’i Banaiasa. lehiben’ny vahoaka. 2Dia hoy i Iaveh tamiko: «Ry zanak’olona, ireo no olona mamoron-tsain-dratsy, sy manome hevi-dratsy, eto amin’ity tanàna ity, manao hoe: 3‹Tsy antomotra loatra ny loza#11,3 Tsy antomotra loatra ny loza. Ny loza lazaina eto, dia ny fanafihan’ny fahavalo.! Andeha isika hanao trano! Ity tanàna ity no vilany, ary isika no hena#11,3 Ity tanàna ity no vilany, isika no hena. Oha-teny fanaon’ny be sy ny maro izany, ka ny heviny dia hoe: Ny vilany izay andrahoan-kena no miaro azy tsy hiparitaka sy misakana azy tsy ho may; toy izany koa, i Jerosalema dia hiaro antsika tsy ho tratry ny loza..› 4Koa maminania hamely azy; maminania, ry zanak’olona.»

5Dia nilatsaka tato amiko ny Fanahin’i Iaveh; ka hoy Izy tamiko: «Mitenena hoe: Izao no lazain’i Iaveh: Izany no teneninareo, ry taranak’i Israely! Fantaro ny mby ao an-tsainareo. 6Nohamaroinareo ny vonoana olona#11,6 Ny vonoana olona. Ireo lehibe 25 lahy voalaza eo amin’ny andininy voalohany dia nanampatra loatra ny fahefany tamin’ny fandatsahan-dran’ireo mpiray tanindrazana taminy, izay tsy nanan-tsiny kely akory (Ampitahao amin’ny toko 7,23 sy ny manaraka). tamin’ity tanàna ity, sy nofenoinareo faty ny lalam-be. 7Koa izao no lazain’i Iaveh Tompo: Ireo maty natsingidinareo teto afovoan’ny tanàna no hena#11,7 Ireo maty... no hena: Ireo tsy manan-tsiny novonoinareo, dia hiala sasatra amim-piadanana ao amin’ny fasany, fa ianareo kosa tsy ho voaaron’i Jerosalema, fa hoentina atao sesitany., ary ny tanàna no vilany; fa ianareo kosa havoaka hiala eto. 8Mataho-tsabatra ianareo, ka hataoko tratry ny sabatra, - teny marin’i Iaveh Tompo. - 9Havoakako hiala eto an-tanàna ianareo, ka hatolotro eo an-tanan’ny hafa firenena; ary hampihatra aminareo ny fitsaràko Aho. 10Ho lavon-tsabatra ianareo, ary hotsaraiko any amin’ny sisin-tanin’i Israely#11,10 Sisin-tanin’i Israely: Io dia milaza ny tany Hamata, sisin-tany avaratr’i Palestina, izay namonoana ny loholon’i Jodà araka ny didin’i Nabokodonozora tao Reblà (jereo 2Mpa 25,18 sy ny manaraka; Jer 39,5 sy ny manaraka); dia ho fantatrareo fa i Iaveh Aho. 11Ity tanàna ity, tsy ho vilany ho anareo; ianareo, tsy ho hena ao anatiny; fa any an-tsisin-tanin’i Israely no hitsarako anareo. 12Ka ho fantatrareo fa Izaho no Iaveh izay tsy narahinareo fitsipika, na notandremanareo lalàna, fa nanaraka ny lalàm-pirenena manodidina anareo no nataonareo.»

13Mbola naminany teo aho, dia maty i Feltiasa zanak’i Banaiasa; ka niankohoka aho, nitaraina tamin’ny feo avo nanao hoe: «Indrisy, Iaveh Tompo ô! dia haringanao ve, ny sisa amin’i Israely.»

Fanekem-pihavanana vaovao ampanantenaina an’ireo voasesitany

(Jereo Jer 24)

14Dia tonga tamiko ny tenin’i Iaveh, nanao hoe: 15«Ry zanak’olona, ireo rahalahinao, olona anisan’ny fianakavianao, sy ny taranak’i Israely rehetra, dia izy rehetra no ilazan’ny mponina ao Jerosalema hoe: ‹Mijanòna any lavitra an’i Iaveh ianareo#11,15 Mijanòna any lavitra an’i Iaveh ianareo. Ireo mponina tao Jerosalema izay tsy mba lasa tany amin’ny sesitany, dia nirehareha tamin’izany toetra izany, fa noheveriny fa tombon-tsoa ho azy izany, hany ka dia naneso ireo rahalahiny izay nentina ho babo izy; araka ny heviny, dia nilaozan’Andriamanitra izy ireo ary ho tafasaraka mandrakizay amin’ny vahoakan’Andriamanitra. Tsy izany velively anefa no marina; fa ireo izay natao sesitany - izy ireo no tena Israely marina; ka izy ireo no ho fototra hananganana ny firenena indray.; fa izahay no nomena ity tany ity ho fananana.› 16Koa lazao amin’ireto hoe: Izao no lazain’i Iaveh Tompo: Eny, nalefako lavitra any amin’ny firenena ireny, naeliko any amin’ny tany hafa izy; nefa Izaho no ho fitoerana masina ho azy ireo#11,16 Izaho no ho fitoerana masina ho azy ireo: Izany hoe, ho ao afovoan’izy ireo Aho, tahaka ny tempolin’i Jerosalema., any amin’ny tany nalehany, mandritra ny fotoana vitsivitsy#11,16 Fotoana vitsivitsy. Ny lazaina amin’izany dia ny fahababoana mandritra ny 70 taona; ka kely izany raha ampitahaina amin’ny fitambaran’ny tantara rehetra momba an’i Israely.. 17Noho izany, ilazao ireny ataovy hoe: Izao no lazain’i Iaveh Tompo: Hangoniko avy any amin’ny firenena ianao; hovoriko avy any amin’ny tany nampielezana anareo ianareo; ary homeko anareo ny tanin’i Israely. 18Dia hiditra ao izy ireo, ka hesoriny hiala ao avokoa ny zava-mahamenatra amam-pahavetavetana rehetra. 19Ary izy rehetra homeko fo iray#11,19 Homeko fo iray: Izany hoe, ataoko izay hampiray fo azy ireo mba hitsaoka Ahy., hasiako fanahy vaovao ao anatiny, hoesoriko amin’ny nofony ny fo vato#11,19 Fo vato: Fo tsy mihontsina amin’ny soa omen’Andriamanitra sady mpanohitra ny fitondran’Andriamanitra. FO nofo, mahay mankasitraka sy mamaly fitia., ka homeko fo nofo izy; 20mba hizorany amin’ny fitsipiko sy hitandremany ny didiko, ary hanarahany azy; ka izy dia ho oloko, ary Izaho ho Andriamaniny. 21Fa ry zareo manana fo manaraka ny fon-tsampiny#11,21 Izy ireo manana fo manaraka ny fon-tsampiny. Noheverin’izy ireo fa misy hery avy amin’ny sampiny, tahatahaka ny avy amin’ny ody fandraikiraikena ka nisintona ny olona hanaraka azy. vetaveta kosa, dia hatsingeriko amin’ny lohany, izay nataony», - teny marin’i Iaveh Tompo.

Ilaozan’ny voninahitr’i Iaveh i Jerosalema

22Tamin’izay ny Kerobima nanainga ny elany; ny kodiarana koa niara-nihetsika taminy; ary ny voninahitry ny Andriamanitr’i Israely dia teo ambonin’izy ireo. 23Ary nisondrotra avy teo ambonin’ny afovoan-tanàna, ny voninahitr’i Iaveh, ka nijanona teo an-tampon’ilay tendrombohitra eo atsinanan’ny tanàna#11,23 Tendrombohitra eo atsinanan’ny tanàna: Ny tendrombohitr’Olivie no lazaina amin’izany. Maromaro ihany ny zava-maniry ao, toy ny voaloboka, aviavy, sns., fa ny hazo olivie izay nahavery anarana azy no be indrindra..

24Ary naingain’ny Fanahy aho, ka nentiny ho any amin’ireo babo any Kaldea, tamin’ny fahitana, tamin’ny Fanahin’Andriamanitra. Dia lasa niala teo anatrehako ny fahitana efa hitako; 25ary notantaraiko tamin’ireo babo avokoa ny zavatra nampahitan’i Iaveh ahy.

Currently Selected:

Ezekiela 11: MBC

Highlight

Copy