Ezekiela 12
12
Fihetsika asaina ataon’i Ezekiela manambara ny handosirana
1Tonga tamiko ny tenin’i Iaveh, manao hoe: 2«Ry zanak’olona, ianao monina eto amin’ny taranaka miodina, izay#12,2 Taranaka miodina, izy, sns. Tsy mety mino ny fandravana haingana sady tsy azo ialana hihatra amin’i Jerosalema ireo natao sesitany, ka nanantenantena foana ny hiverina haingana, ka namporisika ireo rahalahiny tao Palestina mba hanohitra ny mpanjakan’i Babilôna. mana-maso hahitana, fa tsy mahita; manan-tsofina handrenesana, fa tsy mandre; satria taranaka miodina izy ireo. 3Koa mifeheza entana#12,3 Mifeheza entana: Izany hoe, manaova toy ny olona ndeha hivahiny lavitra, fehezo ny entana ilaina: fitafiana, vatsy. Vimbino ny tehina ary tsarovy ny voatavo fasian-drano, sns. ianao, ry zanak’olona, hoatra ny hifindra tany fonenana; dia miaingà hifindra antoandro eo imason’izy ireo; mifindrà eo imasony avy eo amin’izay itoeranao, ho any amin’ny fitoeran-kafa; angamba ho hitany amin’izany, fa taranaka miodina izy. 4Avoahy antoandro eo imasony ny entanao, hoatra ny entan’ny mifindra tany honenana; ary miaingà hariva eo imasony ianao, hoatra ny fiaingan’ny olona mifindra tany honenana. 5Gorobahy eo imasony ny manda#12,5 Gorobahy eo imasony ny manda. Izany dia ohatra milaza ny fandosiran’i Sedesiasa mangina., dia avoahy eo ny entanao; 6ataovy an-tsoroka eo imasony izany, dia ento rehefa ilay maizimaizina iny; saròny ny tavanao#12,6 Sarony ny tavanao: Izany hoe, manao toy ny olona tsy te-ho fanta-tarehy. Ny sasany anefa milaza fa ny fanaronana ny tava, dia famantarana alahelo sy fisaonana., ataovy amin’izay tsy hahitanao ny tany; satria efa nataoko famantarana ho an’ny taranak’i Israely ianao.» 7Dia nataoko izany, araka izay nandidiana ahy: navoakako antoandro ny entako, hoatra ny entan’ny mifindra tany honenana; nogorobahako tamin’ny tanako ny manda nony hariva; navoakako ny entana rehefa ilay maizimaizina iny, dia nolanjaiko teo imason’izy ireo.
8Nony maraina, tonga tamiko ny tenin’i Iaveh, nanao hoe: 9Ry zanak’olona, moa ny taranak’i Israely, izay taranaka miodina, tsy nilaza taminao va, nanao hoe: «Inona ity ataonao?» Lazao aminy hoe:
10Izao no lazain’i Iaveh Tompo:
Ity teny faminaniana ity, dia ho an’ny andriana#12,10 Andriana: I Sedesiasa no lazaina amin’izany. ao Jerosalema,
mbamin’ny taranak’i Israely rehetra, ao amin’izany tanàna izany.
11Lazao hoe: Famantarana ho anareo, aho#12,11 Famantarana ho anareo aho: Izany hoe, izaho dia famantarana izay tsy maintsy ho tonga aminareo sy amin’ny rahalahinareo.;
tahaka izay nataoko, no hatao amin’izy ireo;
hasesitany izy, ho any amin’ny fahababoana.
12Ny andriana eo aminy,
hanao an-tsoroka ny entany, rehefa ilay maizimaizina iny, dia hiainga;
hogorobahan’ny olona ny manda#12,12 Hogorobahana...manda: Satria amin’izany, ny vavahady ho voahazon’ny Kaldeanina., hamoahana azy;
hosaronany ny tavany, ka tsy hahita
maso ny tany izy.
13Hamela-pandrika harato aminy Aho,
ka ho voan’ny fandrika izy;
hoentiko any Babilôna izy,
any amin’ny tanin’ny Kaldeanina;
nefa tsy hahita izany izy,
ary ho faty any.
14Izay rehetra manotrona azy,
ny mpanampy azy, ny miaramilany rehetra,
dia haeliko any amin’ny vazantany rehetra,
sady henjehiko amin’ny sabatra voatsoaka.
15Dia ho fantany fa Iaveh Aho,
rehefa naeliko any amin’ny firenena izy,
sy nahahako any amin’ny tany hafa.
16Hisy olona vitsivitsy amin’izy ireo anefa, havelako
ho afaka amin’ny sabatra sy ny mosary ary ny pesta,
mba hitantara#12,16 Mba hitantara. Rehefa miely patrana amin’ny firenen-tsamihafa izy ireo, dia ho vavolombelon’ny fahamasinana sy ny fahamarinan’ilay Andriamanitra marina. ny fahavetavetana nataony,
any amin’ny firenena halehany any,
dia ho fantany fa Iaveh Aho.
17Tonga tamiko ny tenin’i Iaveh, nanao hoe:
18Ry zanak’olona, hihinana amin-korohoro ny haninao ianao,
ary hisotro amin-tebiteby sy amin’ahiahy ny ranonao#12,18 Ny tahotra sy ny ahiahy mafy asehon’ny mpaminany dia manambara ny fahakivian’ny mponina ao Jerosalema eo amin’ny faramparan’ny fahirano..
19Ary hilaza amin’ny vahoakan’ny tany ianao hanao hoe:
Izao no lazain’ny Tompo Iaveh
ny amin’ny mponina ao Jerosalema,
ny amin’ny tanin’i Israely:
Amin’ahiahy no hihinanan’izy ireo ny haniny,
ary amim-pahoriana no hisotroany ny ranony,
fa hofoanana tsy hisy izay rehetra ao amin’ny tany,
noho ny fampahoriana afitsoka izay rehetra monina eo aminy.
20Ny tanàna nonenana ho lao;
ny tany, ho foana;
dia ny fantatrareo fa Iaveh Aho.
Ohabolana fanaon’ny vahoaka
21Tonga tamiko ny tenin’i Iaveh, nanao hoe:
22Ry zanak’olona, inona ity fitenenana
ataonareo fiteny eo amin’ny tanin’i Israely hoe:
Mihalava ny andro#12,22 Mihalava ny andro. Elaela ihany no nitenenan’ny mpaminany, nefa tsy nihatra ny loza voalazany. Koa mihomehy azy ry zareo mpaniratsira sy mpihanihany.;
tsy misy tanteraka ny fahitana rehetra?
23Koa lazao amin’izy ireo hoe:
Izao no lazain’ny Tompo Iaveh:
Hatsahatro izany fitenenana izany,
ka tsy hotononina eo amin’i Israely intsony izany.
Fa izao kosa no lazao amin’izy ireo:
Antomotra ny fotoana#12,23-25 Antomotra ny fotoana: Efa ho tonga ary hisesy faingana ny loza, hoy Andriamanitra mamaly azy ireo, ka ho ankona foana eo ny mpaminany sandoka.;
mbamin’ny fahatanterahan’ny tenin’ny fahitana rehetra.
24Fa tsy hisy intsony ny fahitana fitaka,
na ny faminaniana sandoka,
eo amin’ny taranak’i Israely.
25Fa Izaho Iaveh, hiteny,
ary ny teny holazaiko, ho tanteraka;
tsy hanaovana ampitso lava.
Eny, amin’izao andronareo izao, ry taranaka miodina,
no hilazako ny teny, sy hanatanterahako azy.
- Teny marin’ny Tompo Iaveh. -
26Tonga tamiko ny tenin’i Iaveh nanao hoe:
27Ry zanak’olona, indro ny taranak’i Israely manao hoe:
Ny fahitana izay hitan’ilay io
mbola ho amin’ny andro lavitra,
ary ho amin’ny fotoana mbola ho ela no aminaniany.
28Koa lazao amin’izy ireo hoe:
Izao no lazain’ny Tompo Iaveh:
Tsy hisy hahemotra intsony ny teniko;
fa efa ho tanteraka ny teny ataoko.
- Teny marin’ny Tompo Iaveh. -
Currently Selected:
Ezekiela 12: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.
