2Kôrintianina 4
4
1Koa tsy ketraka izahay, manana izany fandraharahana izany, araka ny famindram-po natao taminay; 2sanatriavinay ny zava-mahamenatra atao an-katakonana; tsy mandeha an-kafetsena izahay, na manampoka ny tenin’Andriamanitra; fa asehonay tsotra izao ny marina, ka tonga mendrika hitokian’ny olon-drehetra eo anatrehan’Andriamanitra izahay. 3Matoa misy miafina ny Evanjelinay, dia amin’izay manary tena no iafenany, 4izany hoe amin’ireo tsy mino nohajambain’ny andriamanitr’izao tontolo izao#4,4 andriamanitr’izao tontolo izao, ny demony. mba tsy hiposahan’ny fahazavam-boninahitry ny Evanjelin’i Kristy, Izay endrik’Andriamanitra. 5Fa tsy tenanay no torinay, fa i Kristy Jesoa Tompo, ary izahay dia mpanomponareo noho ny amin’i Jesoa. 6Satria, Andriamanitra izay nandidy hoe: «Aoka ny maizina no hiposahan’ny mazava» no nanazava ny fonay, mba hampahazavanay ny fahalalana ny voninahitr’Andriamanitra, izay mitaratra amin’ny tavan’i Kristy.
Fijalijaliana sy fanantenana eo amin’ny fandraharahana
7Siny tany#4,7 Siny tany mora vaky, miantso ny fahalementsika olombelona. Izany rakitra izany, ny fandraharahana voalazany teo (and 1) izany, dia ny raharahan’ny Apôstôly. anefa no itondranay izany rakitra izany, mba hiharihary fa avy amin’Andriamanitra ny halehiben’ny herin’ny Evanjely, fa tsy avy aminay. 8Poritina hatraiza hatraiza izahay, nefa tsy tery; ampahorîna, nefa tsy mamoy fo; 9enjehina, nefa tsy afoy; azera, nefa tsy toro; 10entinay amin’ny vatanay lalandava ny fahafatesan’i Jesoa#4,10 Entinay... ny fahafatesan’i Jesoa, miara-mijaly aminy., mba hisehoan’ny fiainan’i Jesoa amin’ny vatanay koa. 11Fa na dia velona aza izahay, dia atolotra ho amin’ny fahafatesana mandrakariva noho ny amin’i Jesoa, mba hisehoan’ny fiainan’i Jesoa amin’ny nofonay mety maty. 12Koa ny fahafatesana no miasa ao aminay, fa ny fiainana kosa ao aminareo#4,12 Fanenjehana sy fijaliana no anjaranay, hahazoanareo ny fahasoavana hahavelona ny fanahinareo..
13Noho izahay manana ilay Fanahin’ny finoana voasoratra hoe: Nino aho, ka niteny, dia mino koa izahay, ka miteny. 14Satria fantatray fa Izay nanangana an’i Jesoa Tompo ho velona, dia hanangana anay miaraka amin’i Jesoa koa, sy hanolotra anay aminy miaraka aminareo. 15Fa noho ny aminareo no anaovana izany rehetra izany, mba homena be ny fahasoavana, ka hitombo be ny fisaoran’ny maro ho voninahitr’Andriamanitra.
16Izany no tsy mahakivy anay; satria na mihalevona aza ny tenanay ivelany#4,16 Ny tenanay, tena ara-batana. Ny tena ara-panahy, izany hoe ny fanahy velona ao amin’i Kristy amin’ny fahasoavana., dia havaozina isan’andro kosa ny tenanay anatiny. 17Fa ho anay, ny fahoriana kely amin’ny fotoana ankehitriny dia mahavokatra voninahitra lehibe mihoa-pampana maharitra mandrakizay; 18fa tsy mibanjina ny hita izahay, fa ny tsy hita; satria ny hita, mandalo, fa ny tsy hita no maharitra mandrakizay.
Currently Selected:
2Kôrintianina 4: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.