2Kôrintianina 5
5
1Fantatray fa rehefa rava ity trano lay itoeranay eto an-tany ity#5,1 Ity trano lay, sns. Ny tenany. Narafitr’Andriamanitra, ny tena efa nitsangan-ko velona avy any tamin’ny maty., manan-trano tsy nataon-tanan’olona, fa narafitr’Andriamanitra izahay, dia trano haharitra mandrakizay any an-danitra. 2Koa misento ao anatin’ity izahay, fa maniry mafy#5,2-4 Maniry mafy, sns. Ny iriny dia ny mba ho isan’izay mbola hitafy ihany fa tsy hitanjaka, izany hoe ho tratra mbola velona raha avy ny farandro, mba tsy hoendahana izy, tsy ho faty izany, fa hitafy ny hafa, dia ny vatana be voninahitra sy tsy maty intsony (1Kôr 15,50; 1Tes 4,14). hitafy ny tranonay avy any an-danitra, 3raha mbola hita mitafy anefa izahay, fa tsy mitanjaka. 4Satria raha mbola amin’ity trano lay ity koa izahay, dia misento, fa maniry ny tsy hoendahana, fa hitafy ny hafa koa ambonin’ity, mba hatelin’ny fiainana ny mety maty. 5Ary tsy iza no namboatra antsika ho amin’izany, fa Andriamanitra Izay efa nanome antsika ny santatry ny Fanahy ihany.
6Koa noho izahay manana mandrakariva izany toky izany, sady mahalala fa lavitra ny Tompo izahay raha mbola mitoetra amin’ny vatana 7(satria finoana moa no andehanantsika, fa tsy fahitana), 8dia izany toky izany no itiavanay kokoa ny miala amin’ny vatana, mba hitoetra eo akaikin’ny Tompo. 9Ary izany ihany koa no ikelezanay aina mba hankasitrahin’ny Tompo, na mitoetra amin’ny vatana izahay na miala aminy. 10Fa isika rehetra dia samy tsy maintsy hiseho amin’ny fitsaran’i Kristy mba handraisantsika tsirairay avy izay tandrifin’ny asantsika fony mbola tao amin’ny vatana, na soa na ratsy izany.
Asa fandraharahana ataon’ny Apôstôly
11Koa noho ny fanananay fahatahorana ny Tompo no itadiavanay hampiaiky ny olona; fa Andriamanitra moa dia mahalala anay mazava, ary ianareo koa dia ataoko fa mahalala anay ao amin’ny kônsiansinareo. 12Tsy midera tena aminareo izahay, fa manome anareo izay ho azonareo hararaotina mba hireharehanareo ny aminay, sy hahazoanareo mamaly izay mitady voninahitra amin’ny fisehoana fotsiny, fa tsy amin’ny ao am-po; 13dia izao: very saina moa izahay#5,13 very saina, hono, izy (araka ny filazan’ireo fahavalony azy), dia ny zotom-pony ho an’Andriamanitra no mampientana azy toy izany; mitombin-tsaina izy, dia noho ny hamoràny amin’ny Kôrintianina., ho an’Andriamanitra; mitombin-tsaina kosa indray, ho anareo. 14Fa terin’ny fitiavan’i Kristy antsika izahay, satria fantatray marina fa maty ho an’ny olona rehetra ny olona iray, ka dia maty koa izy rehetra; 15ary maty ho an’ny olona rehetra Izy, mba tsy ho velona ho an’ny tenany intsony izay velona, fa ho an’Izay maty sy nitsangana ho azy ireo.
16Koa dia tsy mahalala olona araka ny nofo#5,16 Araka ny nofo, araka ny fisehoan-javatra ivelany fotsiny, araka ny hevi-poanan’ny olona sy izao tontolo izao. intsony izahay; ary na dia nahalala an’i Kristy araka ny nofo aza izahay; dia tsy araka izany intsony no ahalalanay Azy ankehitriny. 17Noho izany, na iza na iza ao amin’i Kristy, dia zava-boaary vaovao izy, ka lasa ny zavatra taloha, fa indro tonga vaovao ny zavatra rehetra. 18Ary tsy iza no niavian’izany zavatra rehetra izany, fa Andriamanitra, izay nampihavana antsika aminy indray tamin’ny alalan’i Jesoa Kristy, sady nanome anay ny fandraharaham-pihavanana; 19satria Andriamanitra no nampihavana an’izao tontolo izao aminy indray, tamin’ny alalan’i Jesoa Kristy, ka tsy nitana ny fahotan’ny olona, sy nametraka ny teny fampihavanana taminay. 20Koa sady solon’i Kristy àry izahay no irak’Andriamanitra koa, ka tahaka an’Andriamanitra no mananatra, sy toy ny Tenan’i Kristy no mihanta aminareo hoe: Mihavàna re amin’Andriamanitra ianareo! 21Fa he ity izy: Ilay tsy nahalala ota, dia nataony ota ho antsika#5,21 Nataony ota, sns., dia nametrahany ny fahotantsika rehetra, mba ho levona amin’ny fahafatesany ny ota (1Pier 2,24)., mba ho tonga fahamarinan’Andriamanitra ao aminy isika!
Currently Selected:
2Kôrintianina 5: MBC
Highlight
Share
Copy
Want to have your highlights saved across all your devices? Sign up or sign in
Baiboly Katolika © La Société Biblique Malgache, 2003.