Kaŋ mballa ge ne waɗe kaŋ mballa ma 7
7
Vya dore
1Gwa̰ ya, gwa̰ ya ɗe, Sulamit!
Gwa̰ ya, gwa̰ ya, ya̰ i ndi mo!
Aŋ te ndil Sulamit gyana
dimma ne kaŋ ndalla ge naa varseya pe azi go ɗaa?
2Gan vya, mo koo ma siŋli ge mo tyarko ma zi!
Mo pyaŋgar gwale dimma ne fool ge
ndu ge ne kwa kaŋ ɗeereya ne sol na go.
3Mo nḭḭl pṵṵl zi ya dimma ne seɗe go,
oyo̰r jiya̰l ge kirgiya woɗege ne na go to.
Mo laar vya̰ gwalbe cecet dolla
dimma ne katugum go verra ne sugur wak ɓoyya ma.
4Mo pam ma jwak a dimma ne ajwag ma azi go,
dimma ne maaɗe bumurma go.
5Mo ka̰l dimma ne swaga njole swaga
ge a ne sḭ na ne andalam kiya̰r go.
Mo ndwara pul dimma ne baal ge Hechbon ne ma go,
nama ge gwa ne viya̰ wak ge Bat-Rabbim#7:5 Bat-Rabbim: Na sḭ go, vya kale ma ɓase, ko naa ɓase. ne.
Mo vo̰r ɗeereya dimma ne swaga njole swaga ge Liban ne go,
na ge ne mḛ́ ne Damas ndwara zi.
6Mo pala ne digi a dimma ne njal Karmel go.
Mo pala susu káál sasaw,
gan a̰me vwá ya na mbolla zi.
7Laar wanna, mo kale, mo da ne laar wanna,
mo ke mbi sḛ tuli.
8Mo twala kuɗut dimma ne tumur go,
mo pam ma, a na wak tolla ma ne.
9Mbi jan go: «Mbi sáy tumur ta digi,
mbi ba wan na wak tolla ma.»
Ya̰ mo pam ma ka dimma ne oyo̰r tolla ma go!
Ya̰ mo vo̰r huri ka dimma ne uwara pom tolla go!
10Mo wak dimma ne oyo̰r jiya̰l ge kwaɗa go!
Vya kale
Sor temel tat mbo mbi ndu ge laar wanna ta ya,
dimma ne sor mbo naa ge ne fí dam ma wak zi go.
11Mbi mbi ndu ge laar wanna ne ne,
na sḛ ɓyare mbi.
Tuli ya laar wanna zi
12Mbi ndu ge laar wanna, mbo ya,
mbo nee ful zi ya,
nee mbo dwam suwal diŋ.
13Cya̰wak vḛ, nee ba mbo gaaso oyo̰r zi ya,
nee ba ndil, ko oyo̰r ɗage ya ɗufiya ko de,
ko ɗage ya e wak ɓoyya ɓa de,
ko uwara grenad ma wak ɗage ya ɓoyya ko de.
Swaga mbe go, mbi ba hon mo mbi laar wanna.
14Fijil ge abe naa sḛ#7:14 Kaŋ mbe a dimma ne fijil go. Yuda ma sul na da ne abe naa sḛ pe. kan na huri.
Nee zok wak go, nee da ne
uwara tolla ge siŋli ma pe hini hini,
ge giya̰l ma ne ge zaŋgal ma.
mbi ndu ge laar wanna,
mbi koy nama da ne mo pe.
Currently Selected:
Kaŋ mballa ge ne waɗe kaŋ mballa ma 7: FGN2013
Highlight
Share
Copy
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.