Yakub 4
4
Ké kondore ne dunya, a ke ho̰l ne Dok
1Gaage ma ne gool ma mbo ya aŋ buwal zi da ne da ya ɗaa? A te mbo ya da ne ene ge ne aŋ zi ge ne mbal pore ne aŋ duur ma ta to’a? 2Aŋ da ne ene kaŋ a̰me pal, amma aŋ ɓol viya̰ ge ɓol na to, go mbe no aŋ ka hun siya. Aŋ da ne yil ne kaŋ a̰me pe, amma aŋ set viya̰ ge ɓol na to, go mbe no aŋ ka wat gool ma ne pore mballa ma zi. Aŋ ɓol kaŋ ge aŋ ne ɓyare na to, ne da pe aŋ kaɗe to. 3Aŋ kaɗe amma aŋ ɓol to, ne da pe aŋ kaɗe sone. Aŋ kaɗe ndwara ban na uzi ne ene ge aŋ ne ma pe baŋ. 4Naa ge be koy wak tuli ge Dok ne to ma, aŋ be kwa go ndu ge ne ke kondore ne dunya kat ndu ge ho̰l ge Dok ne to’a? Ndu ge ne ɓyare ke kondore ne dunya hat tene ho̰l ne Dok. 5Ko aŋ dwat go fare njaŋgeya ma jan fare baŋ, swaga ge ne jan go: «Dok ɓyare o̰yom ge na ne e na ne nee zi da ne yil.» 6Amma kwa a̰se ge Dok ne ho̰ nee a ɓaŋlaŋ, da ne pe no a jya̰ no go: «Dok pili tene da ne naa ge pala ga̰l ma, amma ka kwa naa ge suul ma a̰se#Frs 3:34..» 7Gwa̰ me ne aŋ pala Dok pe se, pili me ta ne Saytan, na sḛ mbo syat na pe so uzi ya kaal ne aŋ ta. 8Ndá me ta ya Dok ta zi, na sḛ mbo ndar tene ya aŋ ta zi me#Zak 1:3, Mal 3:7.. Naa ge sone ma, usi me aŋ tok ma uzi, naa ge dulwak azizi ma, há me aŋ dulwak ma harcal. 9Wa̰ me kḭḭmi, sṵ me ta, fya me! Maam ge aŋ ne na saŋge fyaso, laar saal ge aŋ ne na saŋge laar pisil me. 10Há me ta a̰me pe to Bageyal ndwara se, na sḛ mbo he aŋ pala digi.
Mo wuɗi ne mo ba kun sarya mo ná vya pal ɗaa
11Ná vya ma, ó me ta to! Ndu ge ne or na ná vya ko ge ne kun sarya na ná vya pal, jan fare ge sone Eya pal, kun sarya na pal me. Amma kadɗa mo kun sarya Eya pal, mo saŋge bage kun sarya Eya pal, mo ke be Eya pal to. 12A Dok ɗu kikit hon Eya ne, a Bage kun sarya ne me, a na mbya má naa ko ban naa ne. Mo ɗe, mo wuɗi koko ge kun sarya mo kon pal ɗaa?
Moɗegeya ne naa ge ke tujar ma pe
13Se no ɗe, za̰ me gale, aŋ ge ne jan go: «Ma̰ no ko kwap, i mbo mbo suwal ge no ya, i kat na go del ɗu, i mbo ka ke tujar, i mbo ɓol mam#Frs 27:1..» 14Aŋ ge ne kwa kaŋ ge ne mbya ɓol aŋ dam ge kwap ge go to ma. Aŋ dimma ne mam ol vateya go, na ge ne kat swak, kwal uzi baŋ go. 15Amma aŋ te ya jan go: «Kadɗa Bageyal vin i ya, i mbo kat ne ndwara, i mbo ke kaŋ ge no, ko ne ge may no.» 16Amma se no ɗe, aŋ uware ta jegreya ge aŋ ne zi. Uware ta hir ge go mbe ma no pet a sone. 17Ndu ge ne kwa kaŋ ge kwaɗa kerra ɗo, ke na to, ke sone.
Currently Selected:
Yakub 4: FGN2013
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
La Bible en langue Kim © Alliance Biblique du Tchad, 2013.