Ibriniya ma 12

Moɗegeya ne wan ta yál ma zi pe

1Ne da pe no ɗe, ne jo̰ nee da ne naa ge sayda ma zuliya bindik ge ne ve nee se, fage me nee kaŋ ge ne nege nee se dṵṵl ma, ne sone ge ne fat nee go hayaw uzi, ne wan ta, sya me nee so ɗiŋ mbo det wak zi. 2Ɗḭ me nee ndwara, na ge pe dolla ge hon fareba ge nee ne, ge ne mbo e na det ya mbyatɗa tap, ndwara go Jeso pal. Ne laar saal ge ne na ndwara zḛ pe, vḭ tene ame siya ge saaso uwara kaŋgre pala digi, se no ka ya hool gan ge Dok ne tok matoson pal. 3Dwa me ge na ge ne njó yál hir mbe no ge naa ge sone ma tok go pal, ne da pe na kaage aŋ sḛ ma iya se iyalam tiliŋ to bat. 4Kyarga kerra ne sone ge aŋ ne zi, aŋ gale be mḛ piliya ɗiŋ siya to. 5Aŋ vyale moɗegeya ge a ne moɗege aŋ dimma ne vya ma go ya go ɗaa? «Mbi vya sḛ́ yuwaleya ge Bageyal ne ma to, kuri mḛreya ge na ne ma to#Frs 3:11-12.. 6Ago Bageyal yuwale ndu ge na laar ne wa̰ na, mḛre vya ge na laar ne ɓyare na.»

7Da ne yuwaleya pe aŋ wan ta no. Dok ke ne aŋ dimma ne na vya ma go. Vya a̰me ge na bá ne yuwale na to ya go ɗaa? 8Amma, kadɗa aŋ ɓol yuwaleya ge naa pet a ne ɓol na to, aŋ vya buwal pe ma ne, aŋ be vya twala ma ne to. 9Ne jo̰ nee da ne bá ma ge le sḛ duur go ge a ne yuwale nee, nee ka gwan ne nee pala nama pe se ɗe, nee ne pool ge gwan ne nee pala se waɗeya ge nee Bá ge O̰yom zi pe se ndwara ɓol ndwara to ɗaa? 10Ago, nama sḛ ma a yuwale nee swak baŋ kwarra ge bama ne pal, amma Dok ɗe, yuwale nee da ne kwaɗa ge nee ne pe, ne da pe nee dé ya kat mbegeya ge na ne zi. 11Ago, swaga ge ndu ne ɓol yuwaleya ge daage pet gale ame na ne laar saal, hon na laar pisil, amma ne go̰r go, hon nama ge ne ame na ma swaga katɗa halas ne ge dosol me.

Moɗegeya ma ne mḛreya ma

12Ne da pe no ɗe, Sirsi me tok ge taŋgay ma, ne koo rusu ge lwageya ma#12:12-13 Ne wak grek zi a ke fare sḭ ge kaŋ ge ne sḛ duur go ma ta, ŋgay ndu ge lwagre, a moɗege nama no nama wa̰ ta digi, nama ke kaŋ ge jwap ndwara e naa ge taŋgay Dok zi ma zam zḛ me. Isa 35:3, Frs 4:26.! 13Mbo me mborra ge jwap, ne da pe, nama ge taŋgay hon fareba zi ma dé to, amma nama mḛ ndiŋ hon fareba zi zo.

14Á me ta kat halas ne naa pet, ne kat mbegeya me, kadɗa go to, aŋ ne pool ge kwa Bageyal ndwara to. 15Ke me haŋgal, na kaage ndu a̰me na woɗege ne kwa a̰se ge Dok ne to bat. Na kaage ndu a̰me ka dimma ne uwara ge zwala ge ne don, ge ne e naa iigiya, ka vḛne ɓase ma go to#Dwa 29:17.. 16Ke me haŋgal, na kaage naa ge ne fi ne ta ma, ne naa ge ne ndil kaŋ ge mbegeya ma kaŋ baŋ ma ka aŋ buwal zi to, dimma ne Esawu, ne kaŋzam ge ndwara pe, yá na joo ge vya pul soy ne uzi no#Pe 25:29-34, 27:30-40.. 17Ago, aŋ da ne na kwarra, ne go̰r go, swaga ge ne ɗage ɓyare wak busu, a kuri na. Ko ne jo̰ ɓyare na ne mḭḭm ma puy ɗe, fare a̰me ge erra ne na pe be gwan kat to.

18Ago, aŋ be ndar ta ya kaŋ ge ndu ne mbya tat na ne na tok ta to: ol ɗaabeya, ne tṵ, ne swaga sebeya, ne saam labreya#Wat 19:16-22., 19ne tṵ sunna, ne puwaleya ma. Naa ge a ne za̰ kaŋ mbe ma, a kuri go bama gwan za̰ na ne go̰r go ta to. 20Ago a be day ge wan ta wak honna mbe no pal to: «Kaŋ ge daage pet ge ne tat njal mbe ya, ko kavaar, a mbal na uzi ne njal#Wat 19:12-13..» 21Kaŋ mbe ka vo ge be to ɗiŋ e Musa janna no go: «Vo waɗe mbi ya pool, mbi ga ndat ndat rarag#Dwa 9:19..»

22Amma ɗe, aŋ nda ta ya njal Siyona ta, ge suwal ge Dok ge ndwara ne ta, ge Ursalima ge ne digi zi ya ta, ge maleka ge dubu ge ne kote ke vḛso ma ta, 23ge koteya ge vya ge pul soy, nama ge nama dḭl ne njaŋge ne digi zi ya ma ta, ge Dok ge ne kun sarya kaŋ ma pet pal ta, ge o̰yom ge naa ge dosol ma, nama ge ne dé ya kat mbyatɗa tap ma ta, 24ge Jeso, na ge wak tuli ge giya̰l ne mbo ne na ta ya ta, ne swama ge na ne ge ne ka̰ se ge ne jan nee fare waɗe ge Abel ne ta#Pe 4:10..

25Ke me haŋgal, kuri me be ge za̰ bage ne jan aŋ fare wak to. Ago, kadɗa nama ge ne kuri be ge za̰ bage ne ka mḛre bama suwar pal wak ma be woɗege be ge ɓol mḛreya to to ɗe, nee ge nee ne kuri be ge za̰ bage ge jan nee fare ne digi zi ya wak ma, nee mbo ke gyana nee ba ɓur uzi be ge ɓol mḛreya to ɗaa#Wat 20:22.? 26Na ge dḛ zaŋgal na ka̰l ne e suwar ndatɗa, ne se no, waage go: «Ta iya uwale, mbi mbo gwan e suwar ndatɗa ɗeŋgo to, amma pḭr me#Hag 2:6..» 27Fare ge ne jan go: «Ta iya uwale» mbe ŋgay go kaŋ dolla ma pet, nama ge ne mbya gulla uzi ma mbo burmi uzi, ne da pe kaŋ ge ne mbya gul uzi to ma ba ga.

28Ne jo̰ nee ɓó muluk ge be gulla, ne pe no ɗe, ke me nee gugu hon Dok, ke me nee na temel ge ke na sḛ tuli, ne pala gwanna se, ne vo me. 29Ago Dok ge nee ne a ol ge ɗaabeya ne#Dwa 4:24, Isa 33:14..

Currently Selected:

Ibriniya ma 12: FGN2013

Highlight

Copy