Saggaria 8
8
1Nalekablo Zebaotib oᴋausingata tikipânga, oᴋarlune:
2Imâk oᴋarpok Nâlegak Zebaot: Zione ilungertûtigidlaluarpara, unganermut angijomut ilungertûtigidlarpara.
3Imâk oᴋarpok Nâlegak: Utersimavunga Zionemut, Jerusalemelo inigijomavara: Jerusalemelo taijaujomârpok, iglugasaksoarnik mikseᴋârnelingnik; Nâlekablo Zebaotib ᴋaᴋanganik, ᴋaᴋarmik ivsoarnaitomik.
4Imâk oᴋarpok Nâlegak Zebaot: Sulle ittuit ningiullo ineᴋaromârput Jerusalemib apᴋosineâlungine, ilûnatik ajaupialijarlutik inutoᴋaunermut.
5Iglugasaksuillo apᴋosineâlungit tatadlalârput nukapianik niviarsianiglo pingoartunik apᴋosineâlungine.
6Imâk oᴋarpok Nâlegak Zebaot: Tataminiarnarpat inuit tamakkoa amiakungita ijinginut uvlune ukkunane, tatamnadlartuksaugivâ ijimnût? oᴋarpok Nâlegak Zebaot.
7Imâk oᴋarpok Nâlegak Zebaot: Ahâk, inuᴋotikka piulijomavakka nunamit seᴋerngub nuiviata nalânêtomit seᴋerngublo nipiviata nalânêtomit;
8Tikiutijomârpakkalo ineᴋaromârpullo Jerusaleme; inuᴋotigijomârpakkalo, tâpkonungalo Gudeojomavunga mikseᴋârnerme idluarnermelo.
9Imâk oᴋarpok Nâlegak Zebaot: Aggase pitsartutisigik, ilipse uvlune tamakkonane tusartose oᴋautsinik ukkuninga nalautaijut ᴋaninginit, oᴋautaujunik Nâlekab Zebaotib iglungata tungaviliortauningane, katimaviksoak igloliortauᴋovlugo.
10Uvlut tâpkoa sivorngane inuit ikajûseᴋalaungilat, nergjutillônêt ikajûseᴋalaungilat; anijullo itertullônêt ulapirksauteᴋalaungilat, ômisukte pivlugo; inuit ilûnaita ômigijigêktilaurapkit.
11Mânale inuit makkoa amiakunginut ilinganialungilanga sorlo uvlune sivorlerne ilingalaurama, oᴋarpok Nâlegak Zebaot.
12Ulapirksaumik karngasûteᴋartuksaungmat; napârtok vaineliksak paungatârtuksauvok, nunalo sakᴋêjuksauvok perortitaminik, ᴋilaglo mitsuksoaᴋartuksauvok; inuillo ukkua amiakungit kingormgujitilârpakka tamakkoninga tamainik.
13Imaitsomârporlo, sorlo ômisautiksaulaurapse inôᴋatigêksuit akorngane, ilipse Jûdab Israêliblo ᴋitorngangit, taimak piulijomavapse, saimarsautiksangolârposelo: sivôraniarase, aggaselo pitsartutisigik.
14Imâk oᴋarmat Nâlegak Zebaot: Sorlo isumaᴋalaurama ajortomik piniarvigijomavluse, atâtapse ningarsarmanga, oᴋarpok Nâlegak Zebaot, annusingolaunginamalo;
15Taimak isumaᴋalerivunga uvlune makkonane ajungitulivigijomavlugit Jerusalem Jûdablo ᴋitorngangit; sivôraniarase.
16Makkoa tagva piniaraksarijase: ilûnase mikseᴋârtomik oᴋauseᴋaritse inôᴋatipsingnut; mikseᴋârtomik ulapirᴋsarnartomiglo idluarsaigitse itertarvipsingne:
17Idluitomiglo isumertuiniarase ômatipsingne inôᴋatipsingnut; angilungnerillo saglûtaujut ungaginiarasigik: tamakkoa tamaita ômigidlarapkit, oᴋarpok Nâlegak.
18Nâlekablo Zebaotib oᴋausingata tikipânga, oᴋarlune:
19Imâk oᴋarpok Nâlegak Zebaot: Takᴋit sitamangata tallimangatalo 7-ingatalo 10ingatalo nerritailivingit ᴋuviasugviksaujomârput erᴋiertorviksauvlutiglo uvloksiorviksauvlutiglo ᴋuvianartunik Jûdab ᴋitornganginut; taimaimat mikseᴋârnek ulapirᴋsaullo ungagisigik.
20Imâk oᴋarpok Nâlegak Zebaot: Sulle tikidlalârput inôᴋatigêt inugasaksuillo unuktut inungit;
21Iglugasaksuillo ilangita inungit asimingnut oᴋariartoromârput: Aisârta Nâlekab saimaninga ᴋenuarilugo, Nâlegarlo Zebaot ᴋenerlugo; aiᴋataujomagivunga.
22Ilâ, inôᴋatigêt unuktut inôᴋatigêksuillo sôngojut tikitsomârput Nâlegak Zebaot ᴋeneromavlugo Jerusaleme, Nâlekablo saimaninga ᴋenuarilugo.
23Imâk oᴋarpok Nâlegak Zebaot: Uvlune tâpkonane angutit 10 inôᴋatigêksoarnit adsigêngitunik oᴋauselingnit Jûdiojûb annorânga tigumiaromârpât, oᴋarlutik: Ilagijomavapse, tusaumagapta Gudib ilagingmase.
Currently Selected:
Saggaria 8: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
