Saggaria 2
2
1Ijikkalo arlortipâka takolungalo, ahâglo, angut noᴋakserpalautemik tigumiartok.
2Oᴋarpungalo: Namungarᴋêt? Oᴋautivângalo: Jerusalem ôktoriartorpara, ᴋanok silingninga ᴋanorlo takininga takojomavlugo.
3Ahâglo, engele oᴋaᴋatigijiga anivok, engeliblo tâpsoma asia anigivok tâmna pagreartorlugo,
4Oᴋautivâlo: Aᴋpangerit, inosuktok tâmna oᴋarvigivlugo, oᴋarlutit: Jerusalem inigijaulârpok iglugasaksoatitut ᴋarmaᴋsoaᴋangitutitut, inugasaksuit nergjutillo tagvanêtut unuktoksôningit pitjutigivlugit.
5Uvanga, oᴋarpok Nâlegak, ᴋarmaksoangojomârama ikomalik tâpsoma avatâne, ânanausijutaujomâramalo tâpsoma iluane.
6Atê, atê, ᴋemâgitse nunamit avanêtomit, oᴋarpok Nâlegak, siamartigapse sorlo ᴋilaub anoringit sitamat, oᴋarpok Nâlegak.
7Atê, Zion, nunaᴋartotit Babilonib paniane, ᴋemâlerit.
8Imâk oᴋarmat Nâlegak Zebaot: ânanausijaunerub kingorngane tilivânga inôᴋatigêksoarnut ilipsingnik aserorsaijunut: ilipsingnik aktuijûb ijime takonârtinga aktorpâ.
9Tagva, ahâk, aggakka aulatitsomârpakka tâpkoa ᴋolâtigut, aᴋsârnigaujomârpullo kivgartolauktunut tâpkoninga; ᴋaujijuksauvoselo Nâlekab Zebaotib tilingmanga.
10Erᴋiertorit ᴋuviasudlarlutillo, Zionib pania; tagva ahâk, ᴋaivunga, ilingne ineᴋaromavlunga, oᴋarpok Nâlegak.
11Inôᴋatigêksuillo unuktut ilaulârput Nâlekamut uvlorme tâpsomane, inuᴋotigijomârpakkalo; ilingnelo ineᴋalârpunga, ᴋaujijuksaulârpotillo Nâlekab Zebaotib tilingmanga ilingnut.
12Nâlekablo Jûda kingormgutilârpâ piksarsiarilugo nuname ivsornaitome, Jerusalemelo annerijomârpara.
13Uvinilît ilûnatik nipangerlit Nâlekab sângane; iniminit ivsornaitomit tupaksimangmat.
Currently Selected:
Saggaria 2: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
