Mattêuse 4
4
Kristûsib nerritailinninganik ôktorliktauninganiglo. Ajoᴋertuinine pigiarpâ Galilêame. Ilinniartiminik ᴋaiᴋojivok. Kanimajunik pijungnaititsivok.
1Tagva Anernerub Jêsuse aitipâ inuᴋangitomut, ôktortaukovlugo Sâtanasemut.
2Uvlunalo 40 ine unnuanalo 40 ine nerringiname, kâlerpok.
3Oktortublo Sâtanasib tikipâ oᴋautivlugolo: Gûdib ernerikpatit, ujarᴋat ukkua oᴋautikit, ᴋakᴋôjaulerᴋovlugit.
4Kiovâlo oᴋarlune: Aglaksimavok: ᴋakᴋôjatuinak inûb inôtigingilâ; Gûdible oᴋausingit tamaita, ᴋaninganit anijut, (inôtigivait).
5Tagva Sâtanasib aularutivâ iglogasaksoarnut ivsornaitunut, âlâllo katimaviksûb nuvugusinganut,
6Oᴋautivlugolo: Gûdib ernerikpatit, katagit; aglaksimangmat: Pivlutit Engeline perᴋojomârpait, erᴋisimiartaukovlutit saputijauvlutillo, itikatit aporᴋonagit ujarᴋamut.
7Tagva Jêsusib Oᴋautivâ: Taimâktauk aglaksimagivok: Gûdingnik Nalegarnik ôktortuksaungilatit.
8Ama Sâtanasib aularutivâ ᴋakᴋaksoarmut kingiktoksoarmut, silaksûblo ataniovingit ânanauningillo ᴋemergojautipait tâpsomunga.
9Oᴋautivlugolo: Makkoa tamaita ilingnut tunijomavakka, pâmaktervigijomagumga, tuksiarvigivlungalo.
10Jêsusib tagva oᴋautivâ: Sâtanase, uvamnit aularit, aglaksimangmat: Gûdingnut Nâlegarnut tuksiartuksauvotit kissianullo kivgartortuksauvotit.
11Sâtanasib tagva ᴋemakpâ; ahâglo, Engelit tikipât kivgartorlugolo.
12Jêsusible Johannese parngnanairsimavingmut pititaujok tussaramiuk, Galilêamut aivok.
13Iglugasaillo Nazaretemik atilit ᴋemakpait, Kapernaumullo tesseksûb sinânêtomut pivok, Zabuloniblo Naftaliblo erᴋângne, tagvanêlerdlunalo.
14Nalautaijub Jesaiasib oᴋausingit nalautserᴋovlugit, oᴋarmat:
15Zabuloniblo Naftaliblo nunâgik, tesseksoarmut sangmijuk, Jordanib akiane, Galilêalo nalojoktalik,
16Inuit târmiut, ᴋaumajoksoak takovât, toᴋublo tachalininganêtunut ᴋaumajok nuimavok.
17Naliutomit tamattomangat Jêsuse ajoᴋertuilerpok, oᴋarlunalo: ᴋaᴋialeritse, nâlegauvik ᴋilangmêtok ᴋanitomut tikisimangmat.
18Jêsusele Galilêab tesseksoangata sinâne pisukame, angutik nukarêk takovak, Sîmon, Pêtrusemik atipsâlik, nukangalo Andrêase, nulutjamingnik ningititsijuk imânut mingeriarniarteogamik.
19Tâpkungnungalo Oᴋarpok: Maliktinga; inungnik aulasarteotitsomavaptik.
20Tuavilutik nulutjatik ᴋemakpait, maliklugolo.
21Tagvangallo sivumualerame, assîgik nukarêk takogivak, Jâkôbuse, Zebedêusib erininga, nukâlo Johannese, umiamêtuk, atâtatik Zebedêuse illagilugo, nulutjamingnik killaijaivlutik; ᴋaiᴋovaglo.
22Tuavilutigle umiak atâtatiglo ᴋemakpakit, maliklugolo.
23Jêsusiblo nuna Galilêa ilûnât ingergavigivâ, katimavinginalo ajoᴋertuivok, oᴋautsillo tussarnertut nâlegauvingmik oᴋâlatigivait, ᴋanimajullo atsuiliungitullo inungnêtut âᴋikpait.
24Tussaumajaugivoktauk nuname Sîriame ilûnâne. ᴋanimajullo sunatuinait, atsuiliungitut kappiasuktullo, Sâtanasilillo, ilisimailingajullo, tumângajullo, ilûnaita tâpsomunga âpait; ilûnaitalo tâpsoma âᴋikpait.
25Inugasaᴋsuit malikpât Galilêamit, iglugasaksoarnillo tallimaujortunit, Jerûsalemillo, Judêamillo, Jordanib akianillo.
Currently Selected:
Mattêuse 4: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
