Hosea 8
8
1Tiptulaut ᴋanernut pileruk; nektoraliktut Nâlekab iglunganut pivoᴋ; angiᴋatigêngnera tapagingmatsuk, perᴋojakkalo nâlagungnailugit.
2Uvamnut ᴋaigarsugomârput: Gudiga, Israêliojogut ilitarivaptigit.
3Israêle iperaivoᴋ ajungitomik: ômigijib udlagomârpâ.
4Atanernik ilijivut, uvapku-ungitorle; angajoᴋâᴋsoangortitsivut, ᴋaujimalungilangale; silberemingnit goldemingnillo gudingoaliorput piksamingnik, pêrtaujutiksarsiorlutik.
5Noggangoat tâpsoma ajaktorpâ, Samaria; ningarnera tâpkonunga ilungertorpoᴋ; ᴋanoᴋ sivitutigilârᴋâ ivsornainermut tikiutiᴋârtinagît?
6Tamanna Israêlemit pivoᴋ; senajib senavâ, gudeolungilarlo; ilâ, Samariab noggangoanga serᴋalitaujomârpoᴋ.
7Anoremik karngasoivut, katersilârpulle ulajujaᴋsoarmik; iviksukaᴋangilaᴋ senaugaksanik; sulugainingit senaugaksatârnialungilat; pitârajaraloaruniglo, takorngartat ênajarpait.
8Israêl êjauvoᴋ; mâna inôᴋatigêksuit akornganêpoᴋ pôgutatut ᴋuviagijaungitotut.
9Majorarmatta Assiriamut siutiᴋortojotut nujoartotut inutôvlune ilaᴋarane; Efraim anguniarᴋatiksarsiorpoᴋ pajuklugit.
10Pajugaksarsioraloarunigle inôᴋatigêksuit akorngane, mâna katersoromavakka; ikitlititaulilârpullo angajoᴋâᴋsuit ataningata oᴋumaiksartsininganut.
11Efraimib tunerguservit unuksitingmagit idluitulijomamut, tunerguservit tâpkoa idluijutigivait.
12Perᴋojakka aglagaloarupkit tâpsomunga 10,000nik perᴋojaᴋarlutik, tusarngartaugijautuinarput.
13Pijaksamnik tunerguserput, nerᴋêjamik tunerguserput, nerrilugolo; Nâlekable nâmagilungilait; idluituliningille erᴋaumavait, ajorningillo takonâromavait; Egiptenemut utertuksauvut.
14Israêle puigormat Pingortitiminik, igloᴋsoaliorlunelo; Jûdab iglugasaksuit sôngojut unuksitipait; uvangale ikomamik tilikleromavunga iglugasaksoanginut, nungutsijuksamik igloᴋsoanginik.
Currently Selected:
Hosea 8: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
