Hosea 6
6
1Kaileritse, Nâlekamut utilerta; tâpsoma aliktulauᴋpâtigut, tâpsomalo inûlilârpâtigut; tâpsoma annaulauᴋpâtigut, tâpsomalo mangipsertulârpâtigut.
2Uvluk magguk ᴋângerpanik tâpsoma ômartilârpâtigut, uvluglo pingajuangne makitilârpâtigut, inôlârpogullo tâpsoma sângane.
3Nâlegarlo ilitarilerlavut, ilâ, ilitariganerlugo; tâpsoma anininga uvlub ᴋaulerningatut nelonangitigivoᴋ; tikilârpâtigullo silaluktut, silaluktut kingorliojotut koveraijotut nunamik.
4Sunamik piniarvigijaksarivagît, Efraim? Sumiglo piniarvigijaksarivagît, Judâ? Idluarnise uvlâb nuvujangatut ingmat, mitsuksoatullo nungusârtotut.
5Tamanna pivlugo nalautaijutigut ulimârpakka, ᴋanermalo oᴋausinginut toᴋopakka; erᴋartuinikkalo nuivut ᴋaumajotut.
6Idluarneᴋ ᴋilanârigapko, tunergutillo-ungitoᴋ; ilitarᴋsinerlo Gudemik angiluartomik tunergutinit ôtaksanit.
7Tâpkoale Adametut angiᴋatigêngneᴋ uniorpât; tagvane nelangaisârvigivânga.
8Gileade iglugasaksoangovoᴋ idluitulijoᴋtalik, aulingnik tumelik.
9Sorlolo arᴋtaijoᴋatigêt inungmik kamasârmatta, taimak ajoᴋertuijut iligêt toᴋotsivut apᴋome Sikememut sangmijome; ilâ, piungitoᴋsoarnik piniarneᴋarput.
10Maᴋᴋojungnartomik takovunga Israêlib ᴋitorngangine; assiniarneᴋ naipitauvoᴋ tagvane Efraimeme, Israêle ivsornartitauvoᴋ.
11Igvittauᴋ, Jûda, katersivik pijarêrpoᴋ ilingnut, inuᴋotikka aularutijaujut utertigupkit.
Currently Selected:
Hosea 6: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
