Hosea 5
5
1Tamanna tusarsiuk, ilipse ajoᴋertuijose, nâlagitselo ilipse Israêlib ᴋitorngangit, siutiselo manisigik, ilipse ataniub ᴋitorngangit, ilipsingnut erᴋartuijûtit ilingangmatta; nigarniutaulaurapse Mispame, nuluangovluselo issivisimajut Tâboreme.
2Pikablâjut itijomut pisimangmatta toᴋotsijomavlutik; uvangale tâpkonunga tamainut pidlataujomavunga.
3Efraim ilitarivara, Israêlelo ijersimangilaᴋ uvamnut; igvit Efraim, assiniarpotit mâna, Israêlelo ivsornadlarpoᴋ.
4Piniarningita sâgiartailitipait Gudimingnut: assiniarnerub anerningata inigingmagit, ilitarᴋsingilallo Nâlekamik.
5Israêliblo pingijaininga kigligiutsivoᴋ kênangata sângane; tamanna pivlugo Israêle Efraimelo oggolârput idluitulinermingne; Jûdatauᴋ oggolârivoᴋ tâpkoa ilagilugik.
6Saugaᴋotitik tuktuvaᴋotitiglo naksarlugit Nâlegaᴋ ᴋeneriartulârpât; nagvâromangilâlle; tâmna allarmat tâpkonangat.
7Tâpkoa Nâlegaᴋ nelangaisârvigivât; ᴋitorngigamik takorngartarnik; mâna taᴋᴋetuinaub nungutsomârpait perᴋutitik ilagilugit.
8Nipliajolijaritse Gibeame, tiptulausijaritse Ramame: kamasârileritse Bet-aveneme, tunungne, Benjamin.
9Efraim asserorsimaningoromârpoᴋ uvlorme pidlartauvingme; Israêlib kinguvârênginut nelonaijaivunga pijomârtuksanik.
10Jûdab angajoᴋâᴋsoangita adsigivait nûtitsijut nunab kiglingata nelunaikutanganik; ningarnera kovijomavara tâpkonunga imeᴋtut.
11Efraim aksorortijauvoᴋ, nênertauvoᴋ erᴋartortaunerme, nâmaksilaungmat perᴋojaᴋ maliklugo arvertaromavlune.
12Uvanga Efraimemut ketulapiktut ipunga, Jûdablo ᴋitornganginut aunertut.
13Efraimib ᴋanimanine takogamiuk, Jûdablo ikkine takogamiuk, Efraim Assiriamut aivoᴋ, tiliklerlunelo atanermut Jârebemut; tâpsomale inûlijungnangilâse, ikkiselônêt mamititsungnangilait.
14Efraim ilingavigijomavara loevetut, Judablo ᴋitorngangit loevearaᴋtut; uvanga, ilâ, uvanga aliktuijomavunga, aularlungalo; aularutjijomavunga, piuliklerungnartoᴋalulângilarlo.
15Aularlunga uteromavunga inimnut, kigligiksarᴋârtinagit idluitulinermingnik, kênaralo ᴋenerlugo; kapiasungnermingne ilungertorlutik ᴋenerasualârpânga.
Currently Selected:
Hosea 5: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
