Hosea 13
13
1Efraim oᴋâlangmat, sajuktoᴋadlarpoᴋ; ᴋagvertipoᴋ nangminerminik Israêleme; Baalele pivlugo pidlaraksautigame, toᴋovoᴋ.
2Mânalo idluitulivaliavut, auktisimajuniglo gudingoaliorput silbereᴋotimingnit, ilâ, gudingoanik issumagijatik maliklugit, ilûnatik senasôt senajanginik: tâpkoa pivlugit oᴋarput: Inungnik tunergusertut kuniklit noggangoarnik.
3Tamanna pivlugo nuvujatut uvlâᴋsiutotut ilârput, mitsuksoatullo nungusaraitotut, saniktullo ulajujab tiktangatut senaugaksat katjuktauvingata natinganit, isseᴋtullo igalingmit pijotut.
4Uvangale Nâlegauvunga Gudît Egiptenemit; gudemiglo assimnik ilitarᴋsijuksaungilatit, assimniglo piuliklertoᴋangilaᴋ.
5Ilitarilauᴋpagit inuᴋajuitome, nuname ipterilingajoᴋsoarme.
6Nerrinasugvitik maliklugo, taimak aᴋᴋeartorput; aᴋᴋeartorput, ômatingillo pingijaidlarput; taimaimallo puigorpânga.
7Tamanna pivlugo tâpkonunga loevetut ilingavunga; pûsevâluktut terliarsijomavunga apᴋosiniub seniane;
8Aklaᴋtut piaraminik aᴋsârtaumajotut pâgomavakka, ômatingitalo kiksautingit aliktoromavakka; tagvanelo loevetut nerrijomavakka; ômajub nujuartub mikkialârpait.
9Asserornarpoᴋ ilingnut, Israêle, akkerartoramga, ikajortît akkerartorangne.
10Atanît naneᴋâ mâna, piuliklerᴋovlugo ilingnik iglugasaksoarne tamainê? Idluarsaijitillo, oᴋautigilauᴋtatit: Tunitjiviginga atanermiglo angajoᴋâᴋsoarniglô?
11Ningarnimne tunitjivigilauᴋpagit atanermik, ningarnersoamnelo pêjalerivara.
12Efraimib idluituliningit ᴋelaksugauvut; ajorningit torᴋortauvut.
13Arnab ernisuktûb sillimajûb kapiasungningit tikituksauvut tâpsomunga; erniovoᴋ silatuneᴋangitoᴋ; noᴋarungnaivinga ᴋitorngat anivingane neliutivoᴋ.
14Kelujomavakka iluviub pitsartuninganit; satôromavakka toᴋᴋomit; toᴋᴋo, kapianarnît naûk? Iluveᴋ, asserorsainît naûk? ᴋaᴋialerneᴋ ijersimalârpoᴋ ijimnut.
15Kinguvâᴋarnersaugaloarame ᴋatangutiminit, anore unangâk tikilârpoᴋ, Nâlekab anoringa tikilârpoᴋ sunaᴋajuitomit, imeᴋarvingalo kigilârpoᴋ puailavingalo panilârpoᴋ; perᴋutillo pijominartut ilûnatik katersortaujut tâpsoma asserolârpait.
16Samariab pidlartaujutiksane nangmaraksarivait; Gudine pikablâvigingmago; saviksoarmut oggotitaulârput; nutarârsungit egitaulutik serᴋalitaulârput, arnangillo singaijut sêᴋtaulârput.
Currently Selected:
Hosea 13: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.