Haggai 2

1Takkit 7ingita uvlungita 21ingani, Nâlekab oᴋausinga tikippoᴋ nalauttaijokkut Haggaikkut, oᴋarluni:

2Oᴋarit mânna Serûbabelemut, Sealtialib erninganut, angajoᴋâᴋsoangojomut Jûdame, Josuamullo, Jehôsadap erninganut, ajoᴋittuijitsoarmut, inuillo amiakunginnut, oᴋarlutit:

3kia akunapsingni amiakkôjûp iglo tamanna takosimavaûk ânanaunerilauᴋtangani sivollimê? Mânalo ᴋanoᴋ ilingavlune takovisiûk? Ijipsi sângini sunaungitotut ingilâᴋ?

4Mânali sôngosilirit, Serûbabel, oᴋarpoᴋ Nâlegaᴋ; sôngosilerillo, Josua, Jehôsadap erninga, ajoᴋittuijitsoaᴋ; sôngosiliritsilo ilipsi nunab inungit ilûnasi, oᴋarpoᴋ Nâlegaᴋ, suliniaritsilo: ilagigapsi, oᴋarpoᴋ Nâlegaᴋ Zebaot,

5Oᴋausiᴋ inna maliklugo angirutigilauᴋtamnik ilipsinut Egiptenemit anigapsi, aninniralo akunapsingnêtsainarpoᴋ; sivôraniarasi.

6Imâk oᴋarmat Nâlegaᴋ Zebaot: Sulli atausiallunga, mânnakasangolârporlo, ᴋilait, nunalo, imarbiglo, iptirilingajorlo, sajukpilâtitsomârpakka;

7Inôᴋatigêksuillo ilûnnaita sajukpilâtitsomârpakka, inôᴋatigêksuillo ilûnatik ᴋilanârijangat tikitsomârpoᴋ, iglolo tamanna ilumilârpara ânanaunersoarmik, oᴋarpoᴋ Nâlegaᴋ Zebaot.

8Silbari nangminirivara, goldelo nangminerivara, oᴋarpoᴋ Nâlegaᴋ Zebaot.

9Iglûb tamattoma ânanaunitsoanga kingorliᴋ anginitsaujuksauvoᴋ sivullimit, oᴋarpoᴋ Nâlegaᴋ Zebaot: inimelo tamattomani ulapitsaumik tunitjijomârpunga.

10Dariusip jâringita aipangani, taᴋᴋit 9ingita uvlungita 24ingani, Nâlekab oᴋausinga tikipoᴋ nalauttaijokkut Haggaikut, oᴋarluni:

11Imâk oᴋarpoᴋ Nâlegaᴋ Zebaot: Ajoᴋittuijut apitsorkit pikᴋojat pivlugit, oᴋallutit:

12Naliat niᴋimik ivsornaitomik akjarsigune ulikopâmi siningani, ulikopângatalo siningata niaᴋôjaᴋ, igamajorlônêt, vainilônêt, orᴋsurlônêt, niᴋiksarlônêt sunaugaloarpat, aktorpago, aktortaujoᴋ tâmna ivsornaititauvâ? Ajoᴋittuijullo akkivât, oᴋallutik: Aukak.

13Haggai oᴋarpoᴋ tagva: Toᴋungajop timinganut ivsornattitaujûp tâpkoa naliat aktorpago, aktortaujoᴋ ivsornattitauvâ? Ajoᴋittuijullo akkivât, oᴋarlutik: Ivsornattitauvoᴋ.

14Tagva Haggai kiovoᴋ oᴋarlunilo: Taimaiput inuit ukkoa inôᴋatigêksuillo ukkoa sâmni, oᴋarpoᴋ Nâlegaᴋ; taimaipullo aggangita suliangit ilûnatik; tagvanelo tuniggutingit ivsornapput.

15Mânnalo omamiutariniarsigiktôᴋ uvlub tamattoma sivornganinit pijut, ujagaᴋ ᴋaligêktitaukᴋârtinnago ujaᴋamut Nâlekab katimaviksoangani;

16Naliutomi tâpsomani tikitoᴋarpat katitsortaumajunut 20nik oktutetalingmut, nutti, 10tuinauvut; vainiliksat iptijattauvinganut pijoᴋarpat ᴋalusijomavluni ôktûtinik 50nik, nutti, 20tuinnanik tagvanittoᴋappoᴋ.

17Annaulauᴋpapsi paniliᴋovlusi, sapᴋamullo nataᴋonanullo aggapsi suliangini tamaini; sullili utilungilasi uvamnut, oᴋarpoᴋ Nâlegaᴋ.

18Omamiutarisigiktôᴋ uvlub mattoma sivornganinit pijut, taᴋᴋit 9ingita uvlungita 24inganit, uvlorlo inna kigligilugo Nâlekab katimaviksoangata tungaviksangata ilijauninganit, ômamiutarisigiktoᴋ.

19Kimatulivingmi sulli kangasûtiksaᴋakᴋâ? Ilâ, vainiliksalit, paungatannalillo, kimminaujatsoalillo, orᴋsuksalillo paungaᴋalauᴋsimalungilat; uvlorli manna kigligilugo saimarsaromavapsi.

20Nâlekablo oᴋausinga aipanganik tikipoᴋ Haggaimut taᴋᴋiub uvlungita 24ingani, oᴋarluni:

21Serûbabelemut, angajoᴋâᴋsoangojomut Jûdami, oᴋarit imâk: Kilait nunalo sajukpilâtitsomârpakka;

22Ataniovîllo iksivautaᴋsoangat oggotitsomârpara, inôᴋatigêksuillo ataniovingita pitsartuningit assiroromârpakka; ᴋamutillo aksaloalit unatautit oggotitsomârpakka, ikimajingillo; horsillo ikimajingillo oggotuksauvut, ilûnatik aipamik saviksoanginut.

23Uvlormi tâpsomani, oᴋarpoᴋ Nâlegaᴋ Zebaot, tigujomavagit, Serûbabel, kivgara, Sealtielib inninga, oᴋarpoᴋ Nâlegaᴋ, ᴋitidlimiktullo aggamêtotut îtitsomârpagit; annigigapkit, oᴋarpoᴋ Nâlegaᴋ Zebaot.

Currently Selected:

Haggai 2: LIHB08

Highlight

Copy