Galâtsiamiunut 6
6
Kaiblainernik ᴋenuersârᴋojijunik ajungitulerᴋojijuniglo.
1Katangutikka, tammarnermut opaluijaujoᴋarajarpat, taimaitoᴋ âᴋiksorasuarsiuk anernermut ᴋenuêtomut, ilipse Anerneliojose. Udjertorillo nangminernik, igvittauᴋ ôktortaulungnermut pijauᴋonak.
2Ikajortigêngniaritse oᴋumaitoᴋarangapse, taimaidluse Kristusib perᴋojanga nâmaksitiniarpase.
3Piojorijoᴋarpalle ingminik, suksaungitôgalloardlune, tâmna uivêrivoᴋ nangminerminik.
4Ilûnatigle atunit nangmineliornermingnik kiglisiniarlit; tagva ingmingne kissiane nertornauteᴋarniarput, assimingnelo pinatik.
5Ilûnatik atunit nangmagaksatik nangmineᴋ nangmarniarmatsuk.
6Oᴋautsinigle ajoᴋertortaujub ajoᴋertortine aitortorliuk ajungitunik sunatuinarnik.
7Tammarniarase Gûde mitautigijaujomangilaᴋ; inuk karngasortaminik katersoijomârmat.
8Uviningminut karngasiojoᴋ, asserornartomik katersoijomârpoᴋ uviningmit. Anernermulle karngasiojoᴋ inôtsemik nâksaungitomik katersoijomârpoᴋ Anernermit.
9Ajungitulilertale merngortorniaratalo; katersoijomâraptatauᴋ neliuningane, soraingikupta.
10Taimaitomik piviksaᴋarapta, ajungitulilerta tamainut, okperneᴋaᴋativulle piluardlugit.
11Ahâk, ukkua aglait ununârtakka ilipsingnut, aggamnut nangmineᴋ aglaklugit.
12Ilûnatik ᴋuviagijaujomajut uvinik pivlugo, taipkoa inaksorpâse kipijaulerᴋovluse; kissiane unangmijaujomanatik Kristusib kikiaktortauvia pivlugo.
13Kipijaugalloaramik nangmineᴋ aglât, perᴋojat nâlengilait; ilipsele kipijauᴋovâse nertôtigijomavlugo uvinise.
14Uvamnille ungasigle nertôtiniarlunga assianik, Nâlegapta Jêsusib Kristusib kikiaktortauvianik kissianik; tâpsomûna silaᴋsoaᴋ kikiaktorsimajotun-ipoᴋ uvamnut, uvangalo silaᴋsoarmut.
15Kristuse Jêsuseme kipimanerlônêt kipimanginerlônêt atungimanik, nutângortitaunerle.
16Ilûnatigle oᴋautsinik makkoninga nâletsiartut, tâpkoa ullapirsauteᴋarlit nâpkigijauneᴋarlutiglo, Gûdiblo Israêlinga.
17Mattoma kingorngane neliata oᴋumaitiniaraninga; Nâlekab Jêsusib nelunaikutanga timimiutarigapko.
18Nalegapta Jêsusib Kristusib saimarsautingata anernise illagiligit, ᴋatangutikka. Amen.
Galâtsiamiunut aglaktaumavut Rômamit.
Currently Selected:
Galâtsiamiunut 6: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
