Efêsusemiunut 2
2
Paulusib erᴋaitipait ilinganinganik sivorngane piloringnalaungitomik, mânale piloringnadlartomik.
1Ilipsetauk toᴋungatiluse tapatonermullo idluitulinermullo;
2Tamakkoa atorlugit mattoma sivorngagut silaᴋsûb tamattoma ilusingit malilauᴋpase, ataneᴋ silame ataniotijoᴋ nâleklugo, tagva anerneᴋ naliutome tamattomane okpinginerub ᴋitorngangine piniarveᴋartoᴋ.
3Tâpkoa akorngane uvaguttauᴋ mattoma sivorngagut taimailaurivogut ilûnata, uvinipta ikliguningit maliklugit, uvingublo pijomajanga erᴋarsautingillo nâleklugit; ingergaptalo ningautsib ᴋitorngarilauᴋpâtiguttauᴋ assiptitut.
4Gûdible nâpkininingnermik akluitub naglingnersoarminut nagligilauramitigut,
5Ajorniptingne toᴋungalaurapta, ômartilauᴋpâtigut Kristuse illagilugo, (saimanermut piulijaumagapse),
6Illagivlugo tupaktilauᴋpâtiguttauᴋ, illagivlugolo ᴋilaub pinginut pitidluta Kristuse Jêsuseme.
7Naliutuksame pijomârtome sakᴋertitsomavlugo saimarsautime naleᴋangitub amigangininga, uvaptingnut ajungitulinerminut Kristuseme Jêsuseme.
8Saimanermut piulijaumagapse okpernikut; ilipsingnik taimaingilase, Gûdible tunergutâ tamanna.
9Piniarnermui-ungitoᴋ, nertôtijoᴋarᴋonago.
10Sanamajigigaptigo, pingortitauvluta Kristuse Jêsuseme ajungitulerᴋovluta, Gûdib sivorngagut âᴋiksulaungmatigut, taimailiorᴋovluta.
11Taimaimat erᴋainiaritse, ilipse mattoma sivorngagut nalojôlaurapse uvinikut, kipimangitunik taijaumavluse ipkonunga taijaujunut kipimajunik uvinikut, aggangnut.
12Ilipse taipsomane Kristuseᴋangitose takorngartauvluselo Israêlib illagêngninganut, takorngartaungmivluse Testamentinut angerutilingnut: nerriugijaksaᴋarase Gûdeᴋaraselo silaᴋsoarmêlauᴋtose;
13Mânale ilipse Kristuse Jêsusemêtose, sivorngane ungasiktomêlauᴋtose, ᴋanilerpose Kristusib aungagut.
14Tâmna ullapirsautigigaptigo, tamarmik atausingortilaungmagik, upko agviarutaujoᴋ serᴋomidlugo, uviningminut ningarosungneᴋ atorungnaitingmago;
15Tamadja, perᴋojat pêrlugit iluserᴋortoᴋojijut; ingmine tâpkoa magguk inuktângordlugik atautsemik, ullapirsailunelo.
16Tamarmiglo saningajolikut ullapᴋoserdlugik Gûdemut timiotilugik atautsemik, ningarosungnerlo toᴋotinamiuk ingmigut.
17Tikisimagivoᴋ, oᴋautsinut tussarnertunut ullapirsaumik oᴋâlavlune ilipsingnut, ungasiktomêlauᴋtose, ᴋanitomêlauᴋtunullo.
18Tâpsomûna tamapta apᴋotiksaᴋarapta Atâtamut anernerme atautseme.
19Mâna tujormiangojungnailuselo takorngartaujungnairpose, ivjornaitulle kinguvânguᴋatigivâse, Gûdiblo iglungane iglomioᴋatauvluse;
20Igloliangomavluse Apostelillo nalautaijullo tungavigijanganut; tamattomunga Jêsuse Kristuse ujarauvoᴋ terreᴋôvlune;
21Tâpsomunga sinamajoᴋ ilûnât katitaumavoᴋ, aglivalliavlune igloᴋsoangolerlune ivsornaitomik Nâlekame;
22Tâpsomane ilipsetauᴋ igloliangoᴋataulerpose, Gûdemut igluksauᴋovluse anernerme.
Currently Selected:
Efêsusemiunut 2: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
