Efêsusemiunut 3
3
Paulusib nalojunik kivgartorveᴋarningata ânanaudlarninganik. Tuksiarutjininganik illagêktunik.
1Tamanna pivlugo uvanga Pauluse ᴋelaksugaujunga, Kristusib Jêsusib kivgaringmanga ilipse nalojose pivlugit.
2Sorlo tussaumagapse kivgartornermik Gûdib saimarsautânik, tunijaumajomik uvamnut pivluse;
3Takotitjutikut nalojungnaititaugama nalonalauᴋtomik ipsominga, (sorlo sivorngagut oᴋautsinut ikitunut aglalaurama.
4Tâpkonangat, atuarupsigik, ᴋaujijungnarpose nalojungnainimnik nalonartomik Kristuse pivlugo),
5Tamanna itsaᴋ ᴋaujijautitaulaungilaᴋ inûb ᴋitornganginut, sorlo nalonairsimangmat mâna Apostelinginut nalautaijoᴋotinginullo ivjornaitunut Anernikut;
6Tamadja, nalojut kingormgujeᴋataungmatta timeᴋataularmiglo, illangiuteᴋataularmiglo angersimaninganik Kristuseme, oᴋautsitigut tussarnertutigut,
7Tamakkonunga kivgaliarimavunga Gûdib saimarsautânut tunergusiamnut; ajugaᴋangininganut pitsartuniliksoarmut tamattominga tunitsiviogama.
8Uvanga ivjornaitunit tamainit mingnerpângojunga, saimarsaumik tamattominga tunitsiviovunga, nalojunut oᴋâlaᴋovlunga Kristusib akluininganik inornartomik;
9Tamaitalo illitarsitiniarlugit nalonalauᴋtub ilinganinganik, silaᴋsûb pigiarninganit ijersimajomik Gûdeme, tamaitaᴋsoarnik Jêsuse Kristusikut pingortitsijome;
10Mânaulermat illagêktutigut Gûdib sunatuinarne silatuninga ᴋaujijautitauᴋovlugo nâlegaunersoarnut ataniotinersoarnullo ᴋilangmiunut,
11Taimâk issumasilaungmat issoᴋangitomit Kristuseme Jêsuseme Nâlegaptingne.
12Tâpsomûna sivôranata apᴋotiksaᴋarapta tatiksaᴋalaptalo, okpernermut tâpsomunga.
13Taimaimat inaksorpapse; merngortorniarase siorniortitaunimnik, pivluse pijamnik, tamanna nertornautigivase.
14Tamanna pivlugo Nâlegapta Jêsusib Kristusib Atâtanga sêrᴋortorvigivara,
15Atâtaujotôjoᴋ tamainut ᴋitornganik taijaujunut ᴋilangmelo nunamelo.
16Tâpsomunga tunitsivioᴋovluse pitsartunermik ânanauningata amigangidlarninga maliklugo, sangijôtitauvluse Anerninganut ilupsigut,
17Okpernermut Kristuse ineᴋarᴋovlugo ômatipsingne, amâtsiortaulerᴋovluselo tunganilijaulerᴋovluselo naglingnerme;
18Ivsornaitut tamaita illagilugit illitarsijungnarᴋovluse silingnermik, takinermiglo, itinermiglo kingingnermiglo;
19Illitarsilerᴋovluselo Kristusib naglingninganik illisimanernit tamainit anginerpângojomik; ilumertaulerᴋovluse Gûdib pitaᴋaloringninginik tamainik.
20Ajugaᴋangitorle piniarlune anginerpângojomik tamainit tuksiarniptingnit tukkisiniptingnillônêt, pitsartunermut iluptingne senajomut,
21Tâmna sorairatik illagêktut Kristuse Jêsusemêtut nertorlitsuk issoᴋangitomit issoᴋangitomut! Amen.
Currently Selected:
Efêsusemiunut 3: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
