Amos 3
3
1Tusarsiuk oᴋausek mânna, Nâlekab oᴋauserijanga ilipsingnut Israêlib ᴋitornganginut, ᴋitorngarêksoarnut tamainut majorartitamnut nunamit Egiptenemit, oᴋarlunga:
2Ilipse kissipse ᴋitorngarêksoarnit tamainit nuname ilitarijatuarivapse: tamanna pivlugo idluitulinise tamaita akkiniarutigijomavakka ilipsingnut.
3Maggûk pisuᴋatigêgungnarᴋâk angiᴋatigêksimangikunîk?
4Loeve erinaloaᴋijâdlarᴋâ napârtolingme aliktoraksaᴋangikune? Loevearak nipliadlarniarᴋâ sittiminit toᴋotaᴋangikunê?
5Tingmiak nigaktitaujungnarᴋâ nuname, nigarniuteᴋangipat atuinaujomik tâpsomungâ? Nigarniut ᴋangatarniarᴋâ nunamit nigartitsingikunê?
6Tiptulaut nipliatitauniarᴋâ iglugasaksoarne, inuillo ᴋoaksârtinagît? Iglugasaksuit pijauniarᴋât idluitomut Nâlekab piniarnerilungitanganût?
7Nâlegak Nâlegaujok sumiglônêt piniarnialungilak, kissiane angiarijane nalonaijarᴋâruniuk kivgaminut nalautaijunut.
8Loeve erinaloaᴋijâdlarpok, kina erᴋsiniangilâk? Nâlegak Nâlegaujok oᴋarsimavok, kina nalautaitailijungnarᴋâ?
9ᴋaujititsileritse Asdodib igloksoangine, ᴋaujititsileritse nunab Egiptenib igloksoangine, oᴋarluse: Katimagitse Samariab ᴋakᴋaksoangine, takoniarluselo pikablâjoksoarnik tagvanêtunik, oᴋumaiksartitsijuniglo tâpkoa akorngane.
10Ilisimalungimatta idluartulinermik, oᴋarpok Nâlegak, torᴋuivut aksorotjinermik arᴋtainermiglo igloksoamingne.
11Tamanna pivlugo imâk oᴋarpok Nâlegak Nâlegaujok: Omisuktoᴋalârpok nuna ilumamariklugo pijunik: aᴋsâromârpâtillo pitsartunernik, igloksoatillo asserortaulârput.
12Imâk oᴋarpok Nâlegak: Sorlo mianersijûb okpatîk maggûk siutib ilangalônêt piulingmagit loevib siggunganit, taimak piulijaulârput Israêlib ᴋitorngangit iksivajut nalangaviub terreᴋoane sinigviublo akkitingine piojune Samariame.
13Nâlagitse, kigligiutsileritselo Jâkob ᴋitornganginut, oᴋarpok Nâlegak Nâlegaujok, ᴋilangmiugasaksuit Gudingat.
14Uvlorme akkiniariartoromavimne Israêlib tapaninginik tâpsomunga, Betelib tunerguservingit nelipsaromagivakka, tunerguserviublo nakjungit nakkataulârput nunamut kataklutik.
15Annaujomârpâkalo iglo okêvik iglolo aujivik; iglullo tôgâjamit sanamajut asserolârput, iglullo unuktut nungutaulârput, oᴋarpok Nâlegak.
Currently Selected:
Amos 3: LIHB08
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.