Amos 1
1
1Amosib, mianersijut Tekoame ilangata, oᴋausingit, Israêle pivlugo takotitangit Usiab, Jûdab ataningata, uvlungine, Jerobeamiblo, Jôasib erningata Israêlib ataningata, uvlungine, jârîk maggûk nunab sajukpiludlarningata sivorngane.
2Oᴋarporlo: Nâlegak kalingoalârpok Zionemit, nippinelo anitilârpâ Jerusalemit; mianersijullo nerrinasugvingit ogguaromârput, Karmeliblo ᴋânga ᴋunoleromârpok.
3Imâk oᴋarpok Nâlegak: idluitulinerit pingasut sitamallônêt pivlugit Damaskuse pidlartautailititsomângilara Gilead katjungmatsuk ᴋautarnut kikiangojunut;
4Ikomamigle tilikleromavunga Hasailib iglunganut, tâpsomalo Benhâdadib igloksoangit nungulârpait.
5Damaskusiblo palangairutinga serᴋomidlaromavara, Aveniblo naksanganêtok kipijomavlugo, ataniublo ajaupianganik tigumiartok Edenib iglunganit; Siriablo inungit aularutijaujomârput Kiremut, oᴋarpok Nâlegak.
6Imâk oᴋarpok Nâlegak: Idluitulinerit pingasut sitamallônêt pivlugit Gasa pidlartautailititsomângilara, inuit tigujat ilûnaita aularutilaungmagit, Edomemut perᴋutautilugit;
7Ikomamigle tilikleromavunga Gasab ᴋarmaksoanganut, nungutsilârporlo igloksoanginik:
8Asdodemêtorlo kipijômavara, ataniublo ajaupianganik Askalonemit; aggakkalo sangutitsomavakka Ekronemut, Filisterillo amiakungit nungulârput, oᴋarpok Nâlegak Nâlegaujok.
9Imâk oᴋarpok Nâlegak; Idluitulinerit pingasut sitamallônêt pivlugit Tirus pidlartautailititsomângilara; inuit tigujat ilûnaita perᴋutautilaungmagit Edomemut, ᴋatangutigêt angiᴋatigêngningat erᴋaumanago;
10Ikomamiglo tilikleromavunga Tirusib ᴋarmaᴋsoanganut, nungutsilârporlo igloksoanginik.
11Imâk oᴋarpok Nâlegak: Idluitulinerit pingasut sitamallônêt pivlugit Edom pidlartautailititsomângilara; ᴋatangutine udlalaungmago saviksoarmut, iperaingmallo ilapsugosungnermik ilûnânik, ningarnerminelo aliktuitsainarmat, ningaumajârninelo sapkotailingmago;
12Ikomamiglo tilikleromavunga Têmanemut, nungutsilârporlo Bosrab igloksoanginik.
13Ammonib ᴋitorngangit idluitulinitik pingasut sitamallônêt pivlugit pidlartautailititsomângilakka; arnat singaijut Gileademe sêlaungmagit, ᴋanitatik angijororomavlugo;
14Ikitsijomavungale ikomamik Rabbab ᴋarmaᴋsoangane, nungutsilârporlo igloksoanginik, ᴋaggudlartoᴋartilugo unatarnerub uvlungane, suluksuksoaᴋartilugolo akᴋunaksûb uvlungane;
15Ataningallo aularutijaulârpok, tâmna angajoᴋâksoangit ilagilugit, oᴋarpok Nâlegak.
Currently Selected:
Amos 1: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
