Apostelit Piniarningit 1
1
Kristusib ᴋilaliarninganik. Matîasib Apostelingortitauninganik.
1Oᴋautigijakka sivorlît pijarêralloarpakka, Teôfiluse, tamakkoninga tamainik Jêsusib piniartanginik, tamangnik, piniarlunelo ajoᴋertuivlunelo.
2Uvloᴋ taimna ᴋongmuartitauvinga tikidlugo, Apostelit Anernikut ajunginikut anerijane piniaraksanginik oᴋautijarêramigit.
3Aniatitaunerme kingorngane taipkonunga sakᴋerᴋattarpok ômardlune, okpernartut unuktut piniarlugit, takotidlunelo taipkonunga uvlut 40 it nâvlugit, oᴋaᴋatigilugillo Gûdib nâlegauvinganik.
4katersoramigillo, perᴋovait, Jerusalemit aularᴋonagit, Atâtable oᴋautigilauktanganik utakerᴋovlugit, tusalauktapsingnik uvamnit, oᴋarpok.
5Johannese baptisilaukpoᴋ imênarmut, ilipsele baptitaujomârpose Anernermut ajunginermut, uvlut tamakkoa sivikitomik kingorngatigut.
6katimajulle aperivât oᴋarlutiglo: Nâlegaᴋ, naliutome tamattomane Israêlib nâlegauvinga âᴋigomaviûk?
7Oᴋautivaille: Naliunermik stundemiglônêt ᴋaujijuksaungilase Atâtab ajugaᴋanginerminut ilingatitanganik.
8Pitsartunermigle pilârpose, Anernerub ajunginerub tikilârpase; kigligiutsijigilârpapselo Jerusalemiunut Jûdêamiunullo ilûnainut, Samâriamiunullo, silaksûblo issua tikidlugo.
9Taimaglo oᴋarêrame, ᴋongmuartitauvok takuksauvlune, nuvujablo nippaᴋtipâ ijinginit.
10Kilangmullo ᴋongmuartoᴋ takunâramitsuk, ahâk, angutik magguk ᴋaᴋortangnik annorâlîk nangeᴋatigivait;
11Oᴋartuktauᴋ: Ilipse angutit Galilêamiojose, sôk nangerdluse ᴋilangmut ârlungavisê? Jêsuse tâmna, ilipsingnit ᴋongmuartitaujok ᴋilangmut, tikitsomârivoᴋ, sorlo takolaurapsiuk ᴋongmuartilugo ᴋilangmut.
12Jerusalemut tagva uterput ᴋakᴋamit orksoktalingmik taimajomit; tâmna Jerusalemit ᴋanitok, sivikitomik, sorlo Sabbateme pisuktoᴋarpangmat.
13Iteramiglo, iglut ᴋolerpânganut majorarput tagvanêlerdlutik Pêtruselo, Jakôbuselo, Johanneselo, Andrêaselo Filippuselo, Tômaselo, Bartolomêuselo, Mattêuselo, Jakôbuselo Alfêusib erninga, Simonelo Zelôtes, Jûdaselo Jakôbusib nukâ.
14Tâpkoa ilûnatik, adsigêktomik isumaᴋarlutik ilagêsainarput, ᴋenuvlutiglo tuksiarput, arnat ilagilugit, Marîalo Jêsusib anânanga, Jêsusiblo ᴋatangutingit.
15Uvlunelo taipkonane Pêtruse ilinniartut akornganit nikovipok, (tagvanele katimajut 120 iulaukput) oᴋarlunelo:
16Ilipse angutit ᴋatangutigêt, aglait nalautsijariaᴋalaukput Anernerub ajunginerub oᴋautigijangit sivorngagut, Dâvidib ᴋaningagut, Jûdase pivlugo, Jêsusemik tugusilauktut sivorlerijangat.
17Tâmna uvaptingnut ilautitaumalaukpok, kivgaliarimaᴋatigilaukpavullo.
18Taipsoma idluitulinerilauktame akkinganut perorsêvik pisiangotilaukpâ, ingminiglo ᴋimipok, katakamelo ᴋârpok, erchavingillo ilûnatik anivut.
19Tamannalo tusaumajauvoᴋ Jerusalemiunut ilûnainut; tamanna pivlugo perorsêvik taimna taigivât oᴋautsimiktut Hakeldamamik, imaipoᴋ: Perorsêvingmik auktalingmik.
20Aglaksimangmat aglangne imgerutine: Iglunga inuêrutjaulerle, inuᴋaranelo ᴋammane igloᴋartomik; ajoᴋertuivingalo asianut pititaule.
21Taimâk pivlugo angutit ilangat najortigitsainalauktavut Nâlegak Jêsuse anittilugo itertilugolo uvaptingne,
22Johannesib baptisilerninganit uvlok ᴋongmuartitauvinga uvaptingnit tikidlugo kigligiutsijeoᴋatigijaksarivavut makininganik.
23Magguglo ingmigut pitipakit, Jôsefe Barsabasemik taijak, Justusemik atipsâlik, Mattîaselo.
24Tuksiarlutiglo oᴋarput: Nâlegak, inuit ilûnamatsiatik ômatinginik ᴋaujimajotit, nalonairuk, ukkungnangat maggungnit naliaᴋ aneringmangângne,
25Atausek pititaulerᴋovlugo kivgaunermik Apostelionermiglo, Jûdasib ᴋemaktanganik iniminut aingmat.
26Imerautigilermatikik, Mattîase sâpâ nalaudlugo; Apostelinut 11 inut tagva ilautitaulerpoᴋ.
Currently Selected:
Apostelit Piniarningit 1: LIHB08
Highlight
Share
Copy
Want to have your highlights saved across all your devices? Sign up or sign in
Labrador Inuttitut Heritage Bible © Canadian Bible Society, 2008.
