Dagiti Salmo 118
118
Kararag a Pagyaman iti Panagballigi
1Agyamankayo#1 Cron. 16:34; 2 Cron. 5:13; 7:3; Ez. 3:11; Sal. 100:5; 106:1; 107:1; 136:1; Jer. 33:11. iti Apo,
agsipud ta isu ket naimbag,
agnanayon ti napudno nga ayatna.
2Kuna ngarud dagiti Israelita,
“Agnanayon ti di agbalbaliw nga ayatna.”
3Kuna ngarud dagiti papadi ti Dios,
“Agnanayon ti di agbalbaliw nga ayatna.”
4Kuna ngarud dagiti amin nga agbuteng iti Apo,
“Agnanayon ti di agbalbaliw nga ayatna.”
5Immawagak iti Apo idi marigatanak;
impangagnak ket winayawayaannak.
6Iti#Heb. 13:6. kaadda kaniak ti Apo, awan ti panagbutengko;
ania ti maaramid kaniak ti tao?
7Adda kaniak ti Apo tapno tulongannak,
ket mabuyakto ti pannakaparmek dagiti kabusorko.
8Nasaysayaat ti agkamang ken ni Yahweh,
ngem ti agtalek iti tao.
9Nasaysayaat ti agkamang ken ni Yahweh,
ngem ti agtalek kadagiti pangulo.
10Linawlawdak dagiti adu a kabusorko
ngem pinarmekko ida babaen iti pannakabalin ti Apo.
11Linikmutdak, wen, addada iti amin a suli,
ngem pinarmekko ida babaen iti pannakabalin ti Apo.
12Kasda la alimbubuyog a nangaribungbong kaniak;
simgiabda a kas iti kayo a siitan;
iti nagan ti Apo inkisapko ida.
13Dinarupdak ket dandani naparmekak;
ngem tinulongannak ti Apo.
14Ti#Ex. 15:2; Is. 12:2. Apo ti pigsa ken kantak;
isu ti mangisalakan kaniak.
15Denggenyo ti naragsak a dir-i ti panagballigi,
kadagiti tolda dagiti tattao ti Dios:
“Aramid daytoy ti kannawan nga ima ti Apo!
16Ti bilegna ti namagballigi kadatayo;
wen, ti nabileg a pannakabalinna iti gubat.”
17Saanakto a matay no di ket agbiagak,
tapno ipakaammok dagiti aramid ti Apo.
18Nupay nakaro ti panangdusana kaniak,
saanna nga impalubos a matayak.
19Luktanyo ti ruangan ti kinalinteg,
ta sumrekak nga agyaman iti Apo!
20Daytoy ti ruangan ti Apo;
dagiti laeng nalinteg ti makastrek.
21Agyamanak kenka, O Apo, ta impangagnak,
ken sika ti nangisalakan kaniak.
22Ti#Luc. 20:17; Ara. 4:11; 1 Ped. 2:7. #Mat. 21:42; Mar. 12:10-11. bato nga imbelleng dagiti agipatpatakder,
nagbalin a kangrunaan a pasuli.
23Aramid daytoy ti Apo,
anian a nakaskasdaaw iti imatangtayo!
24Daytoy ti aldaw nga inaramid ti Apo.
Agragsak ken agrambaktayo.
25O#Mat. 21:9; Mar. 11:9; Jn. 12:13. Apo, isalakannakami;
dawatenmi kenka a pagballigiennakami.
26Nagasat#Mat. 21:9; 23:39; Mar. 11:9; Luc. 13:35; 19:38; Jn. 12:13. ti umay iti nagan ti Apo!
Bendisionandakayo manipud iti balayna.
27Ti Apo isut' Dios, ket inikkannatay iti silaw.
Agiggemkayo kadagiti sangsanga,
ket aglibutkayo a mapan iti altar.
28Sika ti Diosko ket agyamanak kenka;
ipaduyakyakko ti kinatan-okmo.
29Agyamankay iti Apo,
agsipud ta isu ket naimbag;
agnanayon ti napudno nga ayatna.
Currently Selected:
Dagiti Salmo 118: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society