2 Samuel 6
6
Maipan ti Lakasa ti Tulag idiay Jerusalem
(1 Cron. 13:1-14; 15:25–16:6, 43)
1Inummong manen ni David dagiti napili a mannakigubat ti Israel; agdagupda iti 30,000 2ket#Ex. 25:22. indauloanna ida a mapan Baala#2 mapan Baala; Iti Hebreo, manipud Baaley wenno manipud kadagiti pangulo. idiay Juda tapno alaenda ti Lakasa ti Tulag ni Yahweh a mangipakita iti nailangitan a trono ni Yahweh a Mannakabalin-amin. 3Innalada#1 Sam. 7:1-2. iti balay ni Abinadab nga adda iti tuktok ti turod ket inkargada iti baro a karison sada pimmanaw. Da Uzza ken Ahio nga annak ni Abinadab ti mangiturturong iti karison. 4Magmagna ni Ahio iti sango ti lugan. 5Agsalsala ken agkankanta ni David ken dagiti amin nga Israelita iti amin a kabaelanda#5 Ken agkankanta…iti amin a kabaelanda; iti Hebreo, agraman amin a ganigam a kayo. a kas pammadayawda ken ni Yahweh. Agtoktokarda kadagiti arpa, salterio, pandereta, kastanuelas ken piangpiang. 6Ngem idi dumtengda iti panaltagan ni Nahon, naitibkol dagiti baka isut' gapuna a tinengngel ni Uzza ti Lakasa ti Tulag. 7Simgiab ti pungtot ni Yahweh a Dios ket dinusana ni Uzza gapu iti saanna a panagraem. Iti dayta a darikmat, natay ni Uzza sadiay iti abay ti Lakasa ti Tulag. 8Madi ti rikna ni David gapu ta iti pungtot ni Yahweh, dinusana ni Uzza. Manipud idin, maaw-awagan dayta a disso iti Perez Uzza.#8 PEREZ UZZA: “Dusa ni Uzza” ti kayatna a sawen iti Hebreo.
9Iti dayta nga aldaw, nagbuteng ni David ken ni Yahweh ket kinunana, “Kasano nga alaek itan ti Lakasa ti Tulag?” 10Saanna kayat nga ipan ti Lakasa idiay Jerusalem. Simmiasi ketdi iti dalan ket inkabilna ti Lakasa iti balay ni Obed Edom a taga-siudad ti Gat. 11Tallo#1 Cron. 26:4-5. a bulan a nagyan sadiay ti Lakasa ket binendisionan ni Yahweh ni Obed Edom ken ti familiana.
12Nadamag ni Ari David a nabendisionan ti familia ni Obed Edom ken ti amin nga adda kenkuana gapu ti Lakasa ti Tulag. Iti kasta, innalana ti Lakasa iti balay ni Obed Edom tapno ipanna idiay Jerusalem a napakuyogan iti dakkel a rambak. 13Idi nakaadayo iti innem nga addang dagiti lallaki a nagawit iti Lakasa ti Tulag, pinagsardeng ida ni David sa nangidaton iti maysa a baka ken maysa a nalukmeg a karnero. 14Nagbarikes ni David iti linen nga efod ket nagsala iti amin a kabaelanna a kas pammadayawna ken ni Yahweh. 15Iti kasta, isu ken dagiti amin nga Israelita inyawidda ti Lakasa ti Tulag idiay Jerusalem. Bayat ti pannagnada, agdidir-ida iti ragsak ken agpuypuyotda kadagiti trumpeta.
16Idi madamada nga iserrek ti Lakasa iti siudad, timman-aw ni Mical nga anak ni Saul, ket nakitana ni Ari David nga agsalsala ken aglaglagto iti imatang ni Yahweh. Inumsi ni Mical ti ari. 17Inserrekda ti Lakasa ket inkabilda iti uneg ti nakairantaanna a Tolda a binangon ni David. Nangidatag ni David kadagiti daton a mapuoran ken kadagiti daton a pakikappia a maipaay ken ni Yahweh. 18Kalpasanna, binendisionanna dagiti tattao iti imatang ni Yahweh a Mannakabalin-amin 19ket#1 Cron. 16:43. binunonganna amin ida iti kanen. Inikkanna ti tunggal Israelita iti maysa a tinapay, sangkaiwa a natuno a karne ken kankanen nga adda pasasna. Kalpasanna, nagawidda amin.
20Idi agawid ni David tapno kablaawanna ti familiana, rimmuar ni Mical a nangsabat kenkuana. “Intan-ok ti ari ti Israel ti naganna ita nga aldaw,” kinuna ni Mical. “Kasla maag a naglamolamo iti sangoanan dagiti babbai nga adipen dagiti ofisialesna!”
21Insungbat ni David, “Nagsalsalaak a kas pammadayawko iti Apo a nangpili kaniak a saan ketdi a ni amam wenno ti familiana nga agbalin a pangulo dagiti tattaona nga Israelita. Wen, itultuloyko ti agsala a kas pammadayaw iti Apo, 22ket ad-adda manen nga ibabainko ti bagik. Nalabit nga ipagarupmo#22 ipagarupmo kuna ti maysa a kadaanan a patarus. Iti Hebreo, ipagarupko. nga awan serserbik ngem dayawendakto dagita a babbai.”
23Pulos a saan a naganak ni Mical nga anak ni Saul.
Currently Selected:
2 Samuel 6: RIPV
Highlight
Share
Copy
Want to have your highlights saved across all your devices? Sign up or sign in
© 1996 Philippine Bible Society
