ABÙ ỌMA 12
12
Abù Ọma nke diri Onye-isi Abù; n'elu Octave. Abù Ọma Devid.
1Jehova, zọputa; n'ihi na onye-ebere agwusiwo;
N'ihi na ndi kwesiri ntukwasi-obi agwupuwo n'etiti umu madu.
2Ihe-efu ka ha nēkwurita, otù onye na ibe-ya:
Eb͕ub͕ere-ọnu nke nēkwu okwu ire-utọ na obi abua ka ha ji ekwu.
3Ka Jehova bipu eb͕ub͕ere-ọnu nile nke nekwu okwu ire-utọ,
Na ire nke nēkwu oké ihe:
4Ndi siworo, Ayi nēme ire-ayi ka ọ di ike;
Eb͕ub͕ere-ọnu-ayi di n'akuku ayi: ònye ka ayi nwere dika onye-nwe-ayi?
5N'ihi ipunara ndi ewedara n'ala ihe, n'ihi isu-ude nke ndi-ob͕eye,
Ub͕u a ka M'gēbili, ka Jehova kwuru;
M'gēdo ya na nzọputa nke o nēkusi ume ike inwe.
6Okwu-ọnu Jehova nile bu okwu-ọnu di ọcha;
Ha bu ọla-ọcha anuchaworo n'ite-nnucha nke nērusa n'ala,
Nke esichaworo ub͕ò asa.
7Gi onwe-gi, Jehova, gēdebe ha,
I gēchezi ha ka ha pua n'aka ọb͕ọ a rue mb͕e ebighi-ebi.
8Ndi nēmebi iwu nējeghari buruburu,
Mb͕e anēbuli ihe jọb͕uru onwe-ya elu n'ebe umu madu nọ.
Currently Selected:
ABÙ ỌMA 12: IGBOB
Highlight
Share
Copy
Want to have your highlights saved across all your devices? Sign up or sign in
Igbo Bible © Bible Society of Nigeria © 1906, 2006.
