Apocalípsis 9
9
Pitsqa kaq ángel cornëtata tocamunqan
1Tsëpitanam pitsqa kaq ángel cornëtata toquëkamuptin rikëkurqä kë patsaman qoyllur jeqarkamuqta. Tsë qoyllurmi chaskirirqan supëkuna llawirëkäyashqan mankarëkaq uchkupa llävinta. 2Mankarëkaq uchkuta kichariptinnam jatun jornupita qoyë yarqamuqnöraq qoyë yarqamurqan.#Gén. 19.28. Tsë qoyë intita tsapakurkuptinmi patsa tutapakurkurqan.
3Tsë qoyëpitanam kë patsaman juntariq pintiq kurukuna yarqakarayämurqan.#Éxo. 10.12-15. Tsë pintiq kurukunam atuq kurunö alläpa venënuyuq kayarqan. 4Pëkunatam nirqan qorata ni qewata mana ushakätsiyänanpaq. Tsëpa rantin Teyta Diospa sëllunwan urkunkunachö mana señalaraq nunakunallata jipatsiyänanpaqmi nirqan.#Eze. 9.4. 5Tsënöllam nirqan nunakunata jipatsirpis mana wanutsiyänanpaq. Wanuratsiyänanpa rantinqa pitsqa killa nanëwan jipatsiyänanllapaqmi nirqan. Tsë nanëqa atuq kuru kanishqannöran nanarqan. 6Tsë witsan nunakuna alläpa jipar wanïta munarpis manam imanöpapis wanuyanqatsu. Wanïta ashirpis manam tariyanqatsu.#Job 3.21; Jer. 8.3.
7Tsë pintiq kurukunaqa kayarqan guërraman ëwayänanpaq alistakushqa cawallukunanömi.#Joel 2.4. Peqanchö qori corönan yakashqanömi kayarqan. Qaqllanpis nunakunapa qaqllankunanömi karqan. 8Aqtsankunanam imëka warmipa aqtsannö karqan y kirunkunanam imëka leonpa kirunnö karqan.#Joel 1.6. 9Cuerpunkunaqa fiërru chalëcushqanömi karqan. Päriyaptin#9.9 Wakin nunakunaqa bolayaptin niyanmi. sipsankuna sapapanqanpis wiyakurqan carrëtan qarachashqa cawallukuna guërraman ëwaqnömi.#Joel 2.5. 10Chupannam atuq kurupa chupan agüjanö karqan. Chupanwan tuksiptinmi nunakuna pitsqa killa jipayarqan. 11Tsë pintiq kurukunapa mandakuqnin karqan mankarëkaq uchkuchö angelmi. Tsë angelpa shutinmi hebreo idiömachö Abadón y griego idiömachönam Apolión.#9.11 Abadón y Apolión shutikunaqa ushakätsikuq ninanmi.
12Tsë punta kaq jipakï pasariptinpis ishkë jipakïkunaran shamunanpaq këkan.
Joqta kaq ángel cornëtata tocanqan
13Joqta kaq ángel cornëtata toquëkuptinnam wiyëkurqä Teyta Diospa nöpanchö këkaq qori altarpa chuskun waqran#Éxo. 30.1-3. chöpinpita parlamuqta. 14Tsëchömi tsë cornëta tocamuq angelta kënö nirqan: <<Éufrates mayu kuchunchö watarëkaq chusku angelkunata paskamï>>.
15Paskaramuptinnam tsë chusku angelkuna mayu kuchunpita ëwayarqan kë patsachö cäsi pullan nunakunata wanutsiyänanpaq. Tsë angelkuna alistakushqa kayarqan tsë höra, tsë junaq, tsë killa, tsë wata nunakunata wanutsiq yarquyänanpaqmi. 16<<¡Tsë angelkunawanmi ishkë pachak millón (200,000,000) soldädukuna cawallunkuna montashqa ëwëkäyan!>> nimuqtam wiyarqä.
17Soldädukunapa chalëcunkunam karqan ninanö puka, zafirunö azul y azufrinö qarwash. Cawallunkunapa peqankunam karqan leonpa peqannö. Shiminpitam yarqamurqan ninapis, qoyëpis y azufripis. Tsëtanömi soldädukunata y cawallunkunata revelacionchö rikarqä. 18Shiminpita yarqamuq azufrim, ninam y qoyëmi kë patsachö cäsi pullan nunakunata ushakätsirqan. 19Manam shiminpita yarqamuqkunallawantsu nunakunata tsë cawallukuna wanutsiyarqan, sinöqa culebranö peqayuq chupankunawanpis kanirmi wanutsiyarqan.
20Tsënö këkaptinpis mana wanuq nunakunaqa jutsa rurayashqankunata manam jaqiriyarqantsu, sinöqa supëkunatam y ïdulukunatam imëpis adorayarqan. Tsë ïdulukunaqa qoripita, qellëpita, broncipita, rumipita y qerupita rurashqa karmi rikäyantsu, wiyayantsu ni puriyantsu.#Sal. 115.4-7; 135.15-17; Dan. 5.23. 21Tsënöllam wanutsikuq këta, brüju këta, fornicación jutsata y suwakïta jaqiyarqantsu.#Éxo. 8.15, 19.
Currently Selected:
Apocalípsis 9: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.