Apocalípsis 8
8
Rölluchö qanchis kaq laqarëkaq sëlluta jorqunqan
1Rölluchö qanchis kaq laqarëkaq sëlluta Achkas kichariptinnam ciëluchö pullan höranö chulluk tikrarirqan. 2Tsëpitanam Teyta Diospa nöpanchö qanchis angelkuna shëkäyaqta rikarqä. Pëkunam cornëtata juknin juknin chaskiriyarqan.
3Tsëpitanam Teyta Diospa trönun nöpanchö këkaq altarman juk ángel chärirqan#Éxo. 30.1, 3. inciensu sawmatsikunan tsarashqa. Altarpis y inciensu sawmatsikunanpis qoripitam karqan. Tsëchömi atska inciensuta chaskirqan Diosman markäkuqkuna mañakuyashqantawan#Sal. 141.2; Apoc. 5.8. altarman churananpaq. 4Altarchö inciensuwan sawmaptinmi markäkuqkuna mañakuyashqanwan inciensupa qoyënin Teyta Diosman chärirqan.
5Tsë angelmi inciensu sawmatsikunanman altarchö këkaq shanshata#8.5 Wakin nunakunaqa shankata niyanmi. winarkur kë patsaman jitarkamurqan.#Lev. 16.12; Eze. 10.2. Tsëmi atsikyëpa atsikyar tillapyäkurqan, räyupis feyupam bunrurükurqan y patsapis feyupam kuyurqan.#Éxo. 19.16; Apoc. 11.19; 16.18.
Chusku angelkuna cornëtakunata tocayämunqan
6Tsëpitanam cornëtata chaskiq qanchis angelkuna tocayänanpaq alistakuyarqan.
7Punta kaq ángel cornëtata toquëkamuptinmi ninawan yawar takushqa runtu tamya kë patsaman tamyamurqan.#Éxo. 9.23-25; Eze. 38.22. Tsëwanmi cäsi pullan patsa rupar ushakarqan. Tsë runtu tamya ratanqan kaqqa montipis y qorapis llapanmi ushakäyarqan.
8Tsëpita ishkë kaq ángel cornëtata toquëkamuptinnam jatusaq jirkanö rupëkar lamarman jeqakurkurqan. Tsëmi cäsi pullan lamar yawarman tikrarirqan.#Éxo. 7.17-21. 9Yawarman tikrashqan kaqchöqa llapanmi wanuyarqan. Tsënöllam tsëchö këkaq barcukunapis yakuman illakar ushakäyarqan.
10Kima kaq ángel cornëtata toquëkamuptinnam jatusaq rupëkaq qoyllur jeqarkamurqan.#Isa. 14.12. Tsë qoyllurmi cäsi pullan mayukunaman y cäsi pullan pukyukunaman charqan. 11Qoyllurpa shutinmi karqan Asqaq. Asqaq kaptinmi tsë qoyllur chashqan kaq yakuqa asqaqman tikrarqan.#Jer. 9.15; 23.15. Tsëmi tsë yakuta upuq kaqkunaqa atskaq wanuyarqan.
12Chusku kaq ángel cornëtata toquëkamuptinnam intipis y killapis qeshyakurkurqan. Tsëmi intipis killapis shumaq aktsimurqannatsu.#Éxo. 10.21-23; Isa. 13.10; Eze. 32.7; Joel 2.10, 31; 3.15. Tsënöllam cäsi pullan qoyllurkunapis chipapäyarqannatsu.
13Tsëpitanam rikarqä juk pichak#8.13a Wakin nunakunaqa águila niyanmi. Wakin qepa kaq griego copiakunachömi ángel nin. rarachö pärikïkaqta#8.13b Wakin nunakunaqa bolakïkaqta niyanmi.. Tsë höram wiyarirqä tsë pichak qaparipa kënö niqta: <<¡Allaw! Patsachö kawaqkuna ¡imanöraq kalläyanqa! ¡Kima angelkunaraqtaq cornëtata tocayänanpaq pishin!>>
Currently Selected:
Apocalípsis 8: qwhB
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.