Popular Bible Verses from Apocalípsis 9

Share

Tsënö këkaptinpis mana wanuq nunakunaqa jutsa rurayashqankunata manam jaqiriyarqantsu, sinöqa supëkunatam y ïdulukunatam imëpis adorayarqan. Tsë ïdulukunaqa qoripita, qellëpita, broncipita, rumipita y qerupita rurashqa karmi rikäyantsu, wiyayantsu ni puriyantsu. Tsënöllam wanutsikuq këta, brüju këta, fornicación jutsata y suwakïta jaqiyarqantsu.

Tsë qoyëpitanam kë patsaman juntariq pintiq kurukuna yarqakarayämurqan. Tsë pintiq kurukunam atuq kurunö alläpa venënuyuq kayarqan. Pëkunatam nirqan qorata ni qewata mana ushakätsiyänanpaq. Tsëpa rantin Teyta Diospa sëllunwan urkunkunachö mana señalaraq nunakunallata jipatsiyänanpaqmi nirqan.

Tsëpitanam pitsqa kaq ángel cornëtata toquëkamuptin rikëkurqä kë patsaman qoyllur jeqarkamuqta. Tsë qoyllurmi chaskirirqan supëkuna llawirëkäyashqan mankarëkaq uchkupa llävinta.

Tsënöllam nirqan nunakunata jipatsirpis mana wanutsiyänanpaq. Wanuratsiyänanpa rantinqa pitsqa killa nanëwan jipatsiyänanllapaqmi nirqan. Tsë nanëqa atuq kuru kanishqannöran nanarqan.

Tsë pintiq kurukunapa mandakuqnin karqan mankarëkaq uchkuchö angelmi. Tsë angelpa shutinmi hebreo idiömachö Abadón y griego idiömachönam Apolión.