Salmos 53
53
1Nehꜙ tuhˉdsëꜗ hi̱ˉ tooˉ jäyhꜘ:
“Saꜙ cha̱a̱ˉ Dio cha̱a̱ˉ.”
Läꜙjë̱ë̱ꜙ baˊ hi̱ˉ tooˉ maˉhe̱e̱ꜙ dsëꜗ,
hiꜙ jmeeyꜙ heˉ hlɨɨhˈ jmahꜗ baˊ.
Saꜙ cha̱a̱ˉ niꜙ ja̱a̱ˉ hi̱ˉ jmeeꜙ heˉ lluꜗ.
2Läꜙ gaꜙtëꜘ gyʉʉhˈ jëë˜ Dio kihꜗ hi̱ˉ tä̱ä̱hˊ hwaˈ.
Mahꜗ jëëyꜗ cheˊ cha̱a̱ˉ ja̱a̱ˉ hi̱ˉ jmeeꜙ hʉʉˊdsëˉ hnaahˉ Dio.
3Läꜙjë̱ë̱ꜙ baˊ maˉka̱h˜ jwëꜘ, läꜙjë̱ë̱ꜙ kweeˉ baˊ maˉhe̱e̱ꜙ dsëꜗ.
Saꜙ cha̱a̱ˉ hi̱ˉ jmeeꜙ heˉ lluꜗ, niꜙ waˊraˉ ja̱a̱ˉ gaˊ cha̱a̱ˉ.
4Saꜙ chaˉ hʉʉˊdsëˉ chaˉ kihꜗ hi̱ˉ jmeeꜙ heˉ hlɨɨhˈ.
Sa̱a̱yh˜ dsaˉ mahꜗ jngëëyhꜗ,
läꜙko̱o̱ˉ heˉ kuyhˉ heˊñiihꜚ baˊ jmeeyꜙ.
Hiꜙ niꜙ miihˉ saꜙ ngɨɨyꜙ kihꜗ Dio.
5Pero ko̱o̱ˉ jmɨɨˊ jeeˊ läꜙjëꜙ,
jäꜙ läꜙgoyhꜙ maꜙkeꜙ saꜙ chaˉ heˉ kihꜗ läꜙgoyhꜙ.
Jëëhꜘ Dio llaˉdsëëˋ kihˈ hi̱ˉ naˉhøøhˊ jnänˋ,
leꜘ kiyhꜗ läꜙko̱hꜘ heˉ naˉchiˊ naˉjøøˊ mooˈ kiyhꜗ.
Läꜙja̱ˉ jä̱yꜗ kya̱a̱hˊ oˉhihꜙ,
jëëhꜘ Dio jnänˋ he̱e̱yꜗ goˉte˜ hi̱ˉ heꜘ.
6Waˊraˉ jähꜘ kihꜗ jäꜙ Dio jwɨɨˉ Sión mahꜗ lä̱ä̱yꜗ dsaˉ Israel.
Waˊraˉ jähꜘ kihꜗ jmeeꜗ Dio yaˉnääˊ dsaˉ kya̱a̱yꜗ
mahꜗ dsaˉta̱a̱yhˋ kaˉlähꜘ hwaꜗ kiyhꜗ.
Ja̱ˉgaˊ naꜙ jë̱ë̱ꜘ dsëꜗ dsaˉ kya̱a̱ꜗ Jacob
hiꜙ läˉcha̱a̱ˉ lluꜗ läꜙjë̱ë̱ꜙ dsaˉ Israel.
Currently Selected:
Salmos 53: chz
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
